헬라어 문장 검색 - Πλυταρ́Αλξιβιά20́

(플루타르코스, Ἀλκιβιάδης, chapter 20)

ἐπεὶ δ’ οὐκ ἔπειθεν, ἀλλὰ πλεῖν ἐκέλευον αὐτόν, ἀνήχθη μετὰ τῶν συστρατήγων ἔχων τριήρεισ μὲν οὐ πολλῷ τῶν τεσσαράκοντα καὶ ἑκατὸν ἀποδεούσασ, ὁπλίτασ δὲ πεντακισχιλίουσ καὶ ἑκατόν, τοξότασ δὲ καὶ σφενδονήτασ καὶ ψιλοὺσ περὶ τριακοσίουσ καὶ χιλίουσ, καὶ τὴν ἄλλην παρασκευὴν ἀξιόλογον. προσβαλὼν δ’ Ἰταλία καὶ Ῥήγιον ἑλών, εἰσηγήσατο γνώμην ὅτῳ τρόπῳ πολεμητέον ἐστί.

καὶ Νικίου μὲν ἀντιλέγοντοσ, Λαμάχου δὲ προσθεμένου, πλεύσασ εἰσ Σικελίαν προσηγάγετο Κατάνην, ἄλλο δὲ οὐδὲν ἔπραξε μετάπεμπτοσ ὑπὸ τῶν Ἀθηναίων ἐπὶ τὴν κρίσιν εὐθὺσ γενόμενοσ. πρῶτον μὲν γάρ, ὥσπερ εἴρηται, ψυχραί τινεσ ὑποψίαι καὶ διαβολαὶ κατὰ τοῦ Ἀλκιβιάδου προσέπιπτον ἀπὸ δούλων καὶ μετοίκων· ἔπειτα τῶν ἐχθρῶν ἀπόντοσ αὐτοῦ καθαπτομένων σφοδρότερον, καὶ τοῖσ περὶ τοὺσ Ἑρμᾶσ ὑβρίσμασι καὶ τὰ μυστικὰ συμπλεκόντων, ὡσ ἀπὸ μιᾶσ ἐπὶ νεωτερισμῷ συνωμοσίασ πεπραγμένα, τοὺσ μὲν ὁπωσοῦν ἐπαιτιαθέντασ ἐνέβαλλον ἀκρίτουσ εἰσ τὸ δεσμωτήριον, ἤχθοντο δὲ τὸν Ἀλκιβιάδην μὴ λαβόντεσ ὑπὸ τὰσ ψήφουσ τότε μηδὲ κρίναντεσ ἐπ’ αἰτίαισ τηλικαύταισ.

ὁ δὲ τῇ πρὸσ ἐκεῖνον ὀργῇ παραπεσὼν οἰκεῖοσ ἢ φίλοσ ἢ συνήθησ χαλεπωτέροισ αὐτοῖσ ἐχρήσατο.

τοὺσ δὲ μηνύσαντασ ὁ μὲν Θουκυδίδησ ὀνομάσαι παρῆκεν, ἄλλοι δ’ ὀνομάζουσι Διοκλείδαν καὶ Τεῦκρον, ὧν καὶ Φρύνιχόσ ἐστιν ὁ κωμικὸσ ταυτὶ πεποιηκώσ· ὦ φίλταθ’ Ἑρμῆ, καὶ φυλάσσου, μὴ πεσὼν αὑτὸν παρακρούσῃ καὶ παράσχῃσ διαβολὴν ἑτέρῳ Διοκλείδᾳ βουλομένῳ κακόν τι δρᾶν. καί· φυλάξομαι· Τεύκρῳ γὰρ οὐχὶ βούλομαι μήνυτρα δοῦναι, τῷ παλαμναίῳ ξένῳ. καίτοι βέβαιον οὐδὲν οὐδ’ ἰσχυρὸν οἱ μηνύοντεσ ἐδείκνυσαν.

εἷσ δ’ αὐτῶν ἐρωτώμενοσ ὅπωσ τὰ πρόσωπα τῶν Ἑρμοκοπιδῶν γνωρίσειε, καὶ ἀποκρινάμενοσ ὅτι πρὸσ τὴν σελήνην, ἐσφάλη τοῦ παντόσ, ἕνησ καὶ νέασ οὔσησ ὅτε ταῦτ’ ἐδρᾶτο· ὃ θόρυβον μὲν παρέσχε τοῖσ νοῦν ἔχουσι, τὸν δῆμον δ’ οὐδὲ τοῦτο μαλακώτερον ἐποίησε πρὸσ τὰσ διαβολάσ, ἀλλ’ ὥσπερ ὡρ́μησεν ἐξ ἀρχῆσ, οὐκ ἐπαύσατο φέρων καὶ ἐμβάλλων εἰσ τὸ δεσμωτήριον οὗ τισ κατείποι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Ἀλκιβιάδης, chapter 20

(플루타르코스, Ἀλκιβιάδης, chapter 20)

상위

목록

SEARCH

MENU NAVIGATION