헬라어 문장 검색 - Πλυταρ́Αλξιβιά06́

(플루타르코스, Ἀλκιβιάδης, chapter 6)

ὁ δὲ Σωκράτουσ ἔρωσ πολλοὺσ ἔχων καὶ μεγάλουσ ἀνταγωνιστὰσ πῇ μὲν ἐκράτει τοῦ Ἀλκιβιάδου, δι’ εὐφυί̈αν ἁπτομένων τῶν λόγων αὐτοῦ καὶ τὴν καρδίαν στρεφόντων καὶ δάκρυα ἐκχεόντων, ἔστι δ’ ὅτε καὶ τοῖσ κόλαξι πολλὰσ ἡδονὰσ ὑποβάλλουσιν ἐνδιδοὺσ ἑαυτόν, ἀπωλίσθαινε τοῦ Σωκράτουσ καὶ δραπετεύων ἀτεχνῶσ ἐκυνηγεῖτο, πρὸσ μόνον ἐκεῖνον ἔχων τὸ αἰδεῖσθαι καὶ τὸ φοβεῖσθαι, τῶν δ’ ἄλλων ὑπερορῶν. ὁ μὲν οὖν Κλεάνθησ ἔλεγε τὸν ἐρώμενον ὑφ’ ἑαυτοῦ μὲν ἐκ τῶν ὤτων κρατεῖσθαι, τοῖσ δ’ ἀντερασταῖσ πολλὰσ λαβὰσ παρέχειν ἀθίκτουσ ἑαυτῷ, τὴν γαστέρα λέγων καὶ τὰ αἰδοῖα καὶ τὸν λαιμόν·

Ἀλκιβιάδησ δ’ ἦν μὲν ἀμέλει καὶ πρὸσ ἡδονὰσ ἀγώγιμοσ· ἡ γὰρ ὑπὸ Θουκυδίδου λεγομένη παρανομία εἰσ τὸ σῶμα τῆσ διαίτησ ὑποψίαν τοιαύτην δίδωσιν. οὐ μὴν ἀλλὰ μᾶλλον αὐτοῦ τῆσ φιλοτιμίασ ἐπιλαμβανόμενοι καὶ τῆσ φιλοδοξίασ οἱ διαφθείροντεσ ἐνέβαλλον οὐ καθ’ ὡρ́αν εἰσ μεγαλοπραγμοσύνην, ἀναπείθοντεσ ὡσ, ὅταν πρῶτον ἄρξηται τὰ δημόσια πράττειν, οὐ μόνον ἀμαυρώσοντα τοὺσ ἄλλουσ στρατηγοὺσ καὶ δημαγωγοὺσ εὐθύσ, ἀλλὰ καὶ τὴν Περικλέουσ δύναμιν ἐν τοῖσ Ἕλλησι καὶ δόξαν ὑπερβαλούμενον.

ὥσπερ οὖν ὁ σίδηροσ ἐν τῷ πυρὶ μαλασσόμενοσ αὖθισ ὑπὸ τοῦ ψυχροῦ πυκνοῦται καὶ σύνεισι τοῖσ μορίοισ εἰσ αὑτόν, οὕτωσ ἐκεῖνον ὁ Σωκράτησ θρύψεωσ διάπλεων καὶ χαυνότητοσ ὁσάκισ ἂν λάβοι, πιέζων τῷ λόγῳ καὶ συστέλλων ταπεινὸν ἐποίει καὶ ἄτολμον, ἡλίκων ἐνδεήσ ἐστι καὶ ἀτελὴσ πρὸσ ἀρετὴν μανθάνοντα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Ἀλκιβιάδης, chapter 6

(플루타르코스, Ἀλκιβιάδης, chapter 6)

상위

목록

SEARCH

MENU NAVIGATION