헬라어 문장 검색 - Πλυταρ́Αλξιβιά01́

(플루타르코스, Ἀλκιβιάδης, chapter 1)

τὸ Ἀλκιβιάδου γένοσ ἄνωθεν Εὐρυσάκην τὸν Αἰάντοσ ἀρχηγὸν ἔχειν δοκεῖ, πρὸσ δὲ μητρὸσ Ἀλκμαιωνίδησ ἦν, ἐκ Δεινομάχησ γεγονὼσ τῆσ Μεγακλέουσ. ὁ δὲ πατὴρ αὐτοῦ Κλεινίασ ἰδιοστόλῳ τριήρει περὶ Ἀρτεμίσιον ἐνδόξωσ ἐναυμάχησεν, ὕστερον δὲ Βοιωτοῖσ μαχόμενοσ περὶ Κορώνειαν ἀπέθανε. τοῦ δὲ Ἀλκιβιάδου Περικλῆσ καὶ Ἀρίφρων οἱ Ξανθίππου, προσήκοντεσ κατὰ γένοσ, ἐπετρόπευον. λέγεται δ’ οὐ κακῶσ ὅτι τῆσ Σωκράτουσ πρὸσ αὐτὸν εὐνοίασ καὶ φιλανθρωπίασ οὐ μικρὰ πρὸσ δόξαν ἀπέλαυσεν, εἴγε Νικίου μὲν καὶ Δημοσθένουσ καὶ Λαμάχου καὶ Φορμίωνοσ Θρασυβούλου τε καὶ Θηραμένουσ, ἐπιφανῶν ἀνδρῶν γενομένων κατ’ αὐτόν, οὐδενὸσ οὐδ’ ἡ μήτηρ ὀνόματοσ τετύχηκεν, Ἀλκιβιάδου δὲ καὶ τίτθην, γένοσ Λάκαιναν, Ἀμύκλαν ὄνομα, καὶ Ζώπυρον παιδαγωγὸν ἴσμεν, ὧν τὸ μὲν Ἀντισθένησ, τὸ δὲ Πλάτων ἱστόρηκε.

περὶ μὲν οὖν τοῦ κάλλουσ Ἀλκιβιάδου οὐδὲν ἴσωσ δεῖ λέγειν, πλὴν ὅτι καὶ παῖδα καὶ μειράκιον καὶ ἄνδρα πάσῃ συνανθῆσαν τῇ ἡλικίᾳ καὶ ὡρ́ᾳ τοῦ σώματοσ ἐράσμιον καὶ ἡδὺν παρέσχεν.

οὐ γάρ, ὡσ Εὐριπίδησ ἔλεγε, πάντων τῶν καλῶν καὶ τὸ μετόπωρον καλόν ἐστιν, ἀλλὰ τοῦτο Ἀλκιβιάδῃ μετ’ ὀλίγων ἄλλων δι’ εὐφυί̈αν καὶ ἀρετὴν σώματοσ ὑπῆρξε. τῇ δὲ φωνῇ καὶ τὴν τραυλότητα ἐμπρέψαι λέγουσι καὶ τῷ λάλῳ πιθανότητα παρασχεῖν χάριν ἐπιτελοῦσαν.

μέμνηται δὲ καὶ Ἀριστοφάνησ αὐτοῦ τῆσ τραυλότητοσ ἐν οἷσ ἐπισκώπτει Θέωρον· εἶτ’ Ἀλκιβιάδησ εἶπε πρόσ με τραυλίσασ· " ὁλᾷσ Θέωλον; τὴν κεφαλὴν κόλακοσ ἔχει. " ὀρθῶσ γε τοῦτ’ Ἀλκιβιάδησ ἐτραύλισεν. καὶ Ἄρχιπποσ τὸν υἱὸν τοῦ Ἀλκιβιάδου σκώπτων· " βαδίζει," φησί, " διακεχλιδώσ, θοἰμάτιον ἕλκων, ὅπωσ ἐμφερὴσ μάλιστα τῷ πατρὶ δόξειεν εἶναι, κλασαυχενεύεταί τε καὶ τραυλίζεται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Ἀλκιβιάδης, chapter 1

(플루타르코스, Ἀλκιβιάδης, chapter 1)

상위

목록

SEARCH

MENU NAVIGATION