헬라어 문장 검색 - Παυσαν́Δεσξριπ́7́27́

(파우사니아스, Description of Greece, Ἀχαικά, chapter 27)

Πελληνεῦσι δὲ ἡ πόλισ ἐστὶν ἐπὶ λόφου κατὰ ἄκραν τὴν κορυφὴν ἐσ ὀξὺ ἀνεστηκότοσ. τοῦτο μὲν δὴ ἀπότομον καὶ δι’ αὐτό ἐστιν ἀοίκητον· τῷ δὲ χθαμαλωτέρῳ πεπόλισταί σφισιν οὐ συνεχὴσ ἡ πόλισ, ἐσ δὲ μοίρασ νενεμημένη δύο ὑπὸ τῆσ ἄκρασ μεταξὺ ἀνεχούσησ. ἰόντων δὲ ἐσ Πελλήνην ἄγαλμά ἐστιν Ἑρμοῦ κατὰ τὴν ὁδόν, ἐπίκλησιν μὲν Δόλιοσ, εὐχὰσ δὲ ἀνθρώπων ἕτοιμοσ τελέσαι· σχῆμα δὲ αὐτῷ τετράγωνον, γένειά τε ἔχει καὶ ἐπὶ τῇ κεφαλῇ πῖλον εἰργασμένον. κατὰ δὲ τὴν ὁδὸν ἐσ αὐτὴν τὴν πόλιν ἐστὶν Ἀθηνᾶσ λίθου μὲν ἐπιχωρίου ναόσ, ἐλέφαντοσ δὲ τὸ ἄγαλμα καὶ χρυσοῦ·

Φειδίαν δὲ εἶναι τὸν εἰργασμένον φασὶ πρότερον ἔτι ἢ ἐν τῇ ἀκροπόλει τε αὐτὸν τῇ Ἀθηναίων καὶ ἐν Πλαταιαῖσ ποιῆσαι τῆσ Ἀθηνᾶσ τὰ ἀγάλματα. λέγουσι δὲ οἱ Πελληνεῖσ καὶ ἄδυτον τῆσ Ἀθηνᾶσ καθήκειν ἐσ βάθοσ τῆσ γῆσ, εἶναι δὲ τὸ ἄδυτον τοῦτο ὑπὸ τοῦ ἀγάλματοσ τῷ βάθρῳ, καὶ τὸν ἀέρα ἐκ τοῦ ἀδύτου νότιόν τε εἶναι καὶ δι’ αὐτὸ τῷ ἐλέφαντι ἐπιτήδειον. ὑπὲρ δὲ τὸν ναὸν τῆσ Ἀθηνᾶσ ἐστιν ἄλσοσ περιῳκοδομημένον τείχει Σωτείρασ ἐπίκλησιν Ἀρτέμιδοσ, καὶ ὀμνύουσιν ἐπὶ μεγίστοισ αὐτήν·

ἔσοδόσ τε πλὴν τοῖσ ἱερεῦσιν ἄλλῳ γε οὐδενὶ ἔστιν ἀνθρώπων. ἱερεῖσ δὲ ἄνδρεσ τῶν ἐπιχωρίων εἰσὶ κατὰ δόξαν γένουσ μάλιστα αἱρούμενοι. τοῦ δὲ ἄλσουσ τῆσ Σωτείρασ ἱερὸν ἀπαντικρὺ Διονύσου Λαμπτῆρόσ ἐστιν ἐπίκλησιν· τούτῳ καὶ Λαμπτήρια ἑορτὴν ἄγουσι, καὶ δᾷδάσ τε ἐσ τὸ ἱερὸν κομίζουσιν ἐν νυκτὶ καὶ οἴνου κρατῆρασ ἱστᾶσιν ἀνὰ τὴν πόλιν πᾶσαν. ἔστι καὶ Ἀπόλλωνοσ Θεοξενίου Πελληνεῦσιν ἱερόν, τὸ δὲ ἄγαλμα χαλκοῦ πεποίηται·

καὶ ἀγῶνα ἐπιτελοῦσι Θεοξένια τῷ Ἀπόλλωνι, τιθέντεσ ἀργύριον ἆθλα τῆσ νίκησ, καὶ ἄνδρεσ ἀγωνίζονται τῶν ἐπιχωρίων.

πλησίον δὲ τοῦ Ἀπόλλωνοσ ναόσ ἐστιν Ἀρτέμιδοσ· τοξευούσησ δὲ ἡ θεὸσ παρέχεται σχῆμα. ᾠκοδόμηται δὲ καὶ ἔλυτρον κρήνησ ἐν τῇ ἀγορᾷ, καὶ λουτρά ἐστιν αὐτοῖσ τὸ ὕδωρ τὸ ἐκ τοῦ θεοῦ, ἐπεί τοι πίνειν πηγαί σφισιν ὑπὸ τὴν πόλιν εἰσὶν οὐ πολλαί· τὸ δὲ χωρίον, ἔνθα αἱ πηγαί, Γλυκείασ ὀνομάζουσι. γυμνάσιον δὲ ἀρχαῖον ἐσ ἐφήβων μάλιστα ἀνεῖται μελέτην·

οὐδὲ ἐσ τὴν πολιτείαν ἐγγραφῆναι πρότερον καθέστηκεν οὐδενὶ πρὶν ἂν ἐφηβεύσωσιν. ἐνταῦθα ἀνὴρ Πελληνεὺσ ἕστηκε Πρόμαχοσ ὁ Δρύωνοσ, ἀνελόμενοσ παγκρατίου νίκασ, τὴν μὲν Ὀλυμπίασι, τρεῖσ δ’ Ἰσθμίων καὶ Νεμέᾳ δύο· καὶ αὐτοῦ καὶ εἰκόνασ ποιήσαντεσ οἱ Πελληνεῖσ τὴν μὲν ἐσ Ὀλυμπίαν ἀνέθεσαν, τὴν δὲ ἐν τῷ γυμνασίῳ, λίθου ταύτην καὶ οὐ χαλκοῦ. λέγεται δὲ καὶ ὡσ Κορινθίου συνεστῶτοσ πολέμου Πελληνεῦσιν ἀποκτείνειεν ὁ Πρόμαχοσ πλείστουσ τῶν ἀντιτεταγμένων.

λέγεται δὲ καὶ ὡσ Πουλυδάμαντοσ τοῦ Σκοτουσσαίου κρατήσειεν ἐν Ὀλυμπίᾳ· τὸν δὲ Πουλυδάμαντα δεύτερα τότε ἐσ τὸν ἀγῶνα ἀφῖχθαι τὸν Ὀλυμπικὸν παρὰ βασιλέωσ τοῦ Περσῶν ἀνασωθέντα οἴκαδε. Θεσσαλοὶ δὲ ἡσσηθῆναι Πουλυδάμαντα οὐχ ὁμολογοῦντεσ παρέχονται καὶ ἄλλα ἐσ πίστιν καὶ ἐλεγεῖον ἐπὶ τῷ Πουλυδάμαντι· ὦ τροφὲ Πουλυδάμαντοσ ἀνικάτου Σκοτόεσσα. Πελληνεῖσ δ’ οὖν Πρόμαχον τὰ μάλιστα ἄγουσιν ἐν τιμῇ.

καὶ ἐν Ὀλυμπίᾳ τέσσαρασ οὐδὲ ἀρχὴν ἐθέλουσιν ὀνομάζειν, ὅτι κατέλυσε πολιτείαν ἐμοὶ δοκεῖν τὴν ἐν Πελλήνῃ, δῶρον τὸ ἐπιφθονώτατον παρὰ Ἀλεξάνδρου τοῦ Φιλίππου λαβών, τύραννοσ πατρίδοσ τῆσ αὑτοῦ καταστῆναι.

ἔστι δὲ καὶ Εἰλειθυίασ Πελληνεῦσιν ἱερόν·

τοῦτο ἐν μοίρᾳ τῆσ πόλεωσ τῇ ἐλάσσονί ἐστιν ἱδρυμένον. τὸ δὲ ὀνομαζόμενον Ποσείδιον τὰ μὲν ἀρχαιότερα ἦν δῆμοσ, ἔρημον δὲ ἐφ’ ἡμῶν. ἔστι μὲν δὴ τὸ Ποσείδιον τοῦτο ὑπὸ τὸ γυμνάσιον, διαμεμένηκε δὲ καὶ ἐσ τόδε ἔτι αὐτῷ Ποσειδῶνοσ ἱερὸν νομίζεσθαι. Πελλήνησ δὲ ὅσον στάδια ἑξήκοντα ἀπέχει τὸ Μύσαιον, ἱερὸν Δήμητροσ Μυσίασ·

ἱδρύσασθαι δὲ αὐτὸ Μύσιόν φασιν ἄνδρα Ἀργεῖον, ἐδέξατο δὲ οἴκῳ Δήμητρα καὶ ὁ Μύσιοσ λόγῳ τῷ Ἀργείων. ἔστι δὲ ἄλσοσ ἐν τῷ Μυσαίῳ, δένδρα ὁμοίωσ τὰ πάντα, καὶ ὕδωρ ἄφθονον ἄνεισιν ἐκ πηγῶν. ἄγουσι δὲ καὶ ἑορτὴν τῇ Δήμητρι ἐνταῦθα ἡμερῶν ἑπτά· τρίτῃ δὲ ἡμέρᾳ τῆσ ἑορτῆσ ὑπεξίασιν οἱ ἄνδρεσ ἐκ τοῦ ἱεροῦ, καταλειπόμεναι δὲ αἱ γυναῖκεσ δρῶσιν ἐν τῇ νυκτὶ ὁπόσα νόμοσ ἐστὶν αὐταῖσ·

ἀπελαύνονται δὲ οὐχ οἱ ἄνδρεσ μόνον ἀλλὰ καὶ τῶν κυνῶν τὸ ἄρρεν. ἐσ δὲ τὴν ἐπιοῦσαν ἀφικομένων ἐσ τὸ ἱερὸν τῶν ἀνδρῶν, αἱ γυναῖκέσ τε ἐσ αὐτοὺσ καὶ ἀνὰ μέροσ ἐσ τὰσ γυναῖκασ οἱ ἄνδρεσ γέλωτί τε ἐσ ἀλλήλουσ χρῶνται καὶ σκώμμασιν. ἀπωτέρω δὲ οὐ πολὺ ἀπὸ τοῦ Μυσαίου ἱερόν ἐστιν Ἀσκληπιοῦ καλούμενον Κῦροσ, καὶ ἰάματα ἀνθρώποισ παρὰ τοῦ θεοῦ γίνεται.

ὕδωρ δὲ καὶ ἐνταῦθα ἀνέδην ἐστί, καὶ ἐπὶ τῇ μεγίστῃ τῶν πηγῶν τοῦ Ἀσκληπιοῦ τὸ ἄγαλμα ἵδρυται. ποταμοὶ δὲ ἐκ τῶν ὀρῶν κατέρχονται <τῶν> ὑπὲρ τὴν Πελλήνην, πρὸσ μὲν Αἰγείρασ καλούμενοσ Κριόσ· ἔχειν δὲ αὐτὸν τὸ ὄνομα ἀπὸ Τιτᾶνοσ Κριοῦ·

<Κριὸσ δὲ> καὶ ἄλλοσ ὠνόμασται ποταμόσ, ὃσ ἀρχόμενοσ ἐκ Σιπύλου τοῦ ὄρουσ ἐσ τὸν Ἕρμον κάτεισι.

καθότι δὲ Πελληνεῦσιν ὁρ́οι τῆσ χώρασ πρὸσ Σικυωνίουσ εἰσί, κατὰ τοῦτο ποταμόσ σφισι Σύθασ, ἔσχατοσ ποταμῶν τῶν Ἀχαϊκῶν, ἐσ τὴν Σικυωνίαν ἐκδίδωσι θάλασσαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Ἀχαικά, chapter 27

(파우사니아스, Description of Greece, Ἀχαικά, chapter 27)

상위

목록

SEARCH

MENU NAVIGATION