헬라어 문장 검색 - Παυσαν́Δεσξριπ́7́16́

(파우사니아스, Description of Greece, Ἀχαικά, chapter 16)

Μόμμιοσ δὲ Ὀρέστην ἅμα ἀγόμενοσ, τὸν πρότερον ἐπὶ τῇ Λακεδαιμονίων διαφορᾷ καὶ Ἀχαιῶν ἐλθόντα, ἀφίκετο μὲν περὶ ὄρθρον ἐσ τὸ τῶν Ῥωμαίων στράτευμα, ἀποπέμψασ δὲ ἐσ Μακεδονίαν Μέτελλον καὶ ὅσον εἵπετο ἐκείνῳ, ἀνέμενεν αὐτὸσ ἐν τῷ ἰσθμῷ τὴν πᾶσαν ἀθροισθῆναι παρασκευήν. ἀφίκετο δὲ ἱππικὸν μὲν πεντακόσιοί τε καὶ τρισχίλιοι, τοῦ πεζοῦ δὲ ἀριθμὸσ ἐγένετο ἐσ μυριάδασ δύο προσόντων καὶ τούτοισ τρισχιλίων· ἐπῆλθον δὲ καὶ τοξόται Κρῆτεσ καὶ ἐκ Περγάμου τῆσ ὑπὲρ Καί̈κου Φιλοποίμην στρατιώτασ ἄγων παρὰ Ἀττάλου. Μόμμιοσ μὲν δὴ τῶν τε ἐξ Ἰταλίασ τινὰσ καὶ τὰ ἐπικουρικὰ ἀπωτέρω δύο τε καὶ δέκα ἔταξε σταδίοισ, πρὸ τοῦ παντὸσ εἶναι στρατεύματοσ φυλακήν·

Ἀχαιοὶ δέ, ἐχόντων ἀφυλακτότερον ὑπὸ φρονήματοσ τῶν Ῥωμαίων, ἐπιτίθενται τοῖσ ἐπὶ φυλακῆσ αὐτοῖσ τῆσ πρώτησ, καὶ τοὺσ μὲν φονεύουσι, πλείονασ δὲ ἔτι ἐσ τὸ στρατόπεδον κατεῖρξαν, καὶ ἀσπίδασ ὅσον τε πεντακοσίασ εἷλον. ἀπὸ τούτου δὲ τοῦ ἔργου καὶ ἐπήρθησαν οἱ Ἀχαιοὶ ποιήσασθαι τὴν ἔξοδον πρότερον πρὶν ἢ Ῥωμαίουσ ἄρχειν μάχησ· ὡσ δὲ ἀντεπῆγε καὶ ὁ Μόμμιοσ, οἱ μὲν ἐσ τὸ ἱππικὸν τῶν Ἀχαιῶν ταχθέντεσ αὐτίκα ᾤχοντο φεύγοντεσ, τῆσ Ῥωμαίων ἵππου μηδὲ τὴν πρώτην ἔφοδον ὑπομείναντεσ·

ὁ δὲ πεζὸσ στρατὸσ ἀθύμωσ μὲν εἶχεν ἐπὶ τῶν ἱππέων τῇ τροπῇ, δεξάμενοι δὲ τὴν ἐμβολὴν τοῦ ὁπλιτικοῦ τοῦ Ῥωμαίων βιαζόμενοί τε τῷ πλήθει καὶ ἀπαγορεύοντεσ τοῖσ τραύμασιν ὅμωσ ἀντεῖχον ὑπὸ τοῦ θυμοῦ, πρίν γε δὴ Ῥωμαίων λογάδεσ χίλιοι προσπεσόντεσ κατὰ τὰ πλάγια ἐσ τελέαν τοὺσ Ἀχαιοὺσ φυγὴν κατέστησαν.

εἰ δὲ ἐτόλμησεν ἐσδραμεῖν μετὰ τὴν μάχην Δίαιοσ ἐσ Κόρινθον καὶ ὑποδέξασθαι τῷ τείχει τοὺσ διαπίπτοντασ ἐκ τῆσ φυγῆσ, κἂν εὑρ́ασθαί τι παρὰ Μομμίου οἱ Ἀχαιοὶ φιλάνθρωπον ἐδυνήθησαν, ἐσ πολιορκίαν καὶ τριβὴν πολέμου καταστάντεσ·

νῦν δὲ ἀρχομένων ἔτι ἐνδιδόναι τῶν Ἀχαιῶν εὐθὺ Μεγάλησ πόλεωσ ἔφευγεν ὁ Δίαιοσ, οὐδέν τι γενόμενοσ ἐσ Ἀχαιοὺσ ὅμοιοσ ἢ καὶ Καλλίστρατοσ ὁ Ἐμπέδου πρὸσ Ἀθηναίουσ. τούτῳ γὰρ τῷ ἀνδρὶ ἱππαρχήσαντι ἐν Σικελίᾳ, ὅτε Ἀθηναῖοι καὶ ὅσοι ἄλλοι τοῦ στόλου μετεσχήκεσαν ἀπώλλυντο πρὸσ τῷ ποταμῷ τότε τῷ Ἀσινάρῳ, τούτῳ τότε τῷ Καλλιστράτῳ παρέστη τόλμα διεκπαῖσαι διὰ τῶν πολεμίων ἄγοντι τοὺσ ἱππέασ·

ὡσ δὲ τὸ πολὺ ἀπέσωσεν αὐτῶν ἐσ Κατάνην, ἀνέστρεφεν ὀπίσω τὴν αὐτὴν αὖθισ ὁδὸν ἐσ Συρακούσασ, διαρπάζοντασ δὲ ἔτι εὑρὼν τὸ Ἀθηναίων στρατόπεδον καταβάλλει τε ὅσον πέντε ἐξ αὐτῶν, καὶ τραύματα ἐπίκαιρα αὐτὸσ καὶ ὁ ἵπποσ λαβόντεσ ἀφιᾶσι τὴν ψυχήν. οὗτοσ μὲν δὴ ἀγαθὴν δόξαν Ἀθηναίοισ καὶ αὑτῷ κτώμενοσ περιεποίησέ τε ὧν ἦρχε καὶ ἐτελεύτησεν αὐτὸσ ἑκουσίωσ·

Δίαιοσ δὲ Ἀχαιοὺσ ἀπολωλεκὼσ Μεγαλοπολίταισ κακῶν τῶν ἐφεστηκότων ἧκεν ἄγγελοσ, ἀποκτείνασ δὲ αὐτοχειρὶ τὴν γυναῖκα, ἵνα δὴ μὴ γένοιτο αἰχμάλωτοσ, τελευτᾷ πιὼν φάρμακον, ἐοικυῖαν μὲν παρασχόμενοσ Μεναλκίδᾳ τὴν ἐσ χρήματα πλεονεξίαν, ἐοικυῖαν δὲ καὶ <τὴν> ἐσ τὸν θάνατον δειλίαν.

Ἀχαιῶν δὲ οἱ ἐσ Κόρινθον ἀποσωθέντεσ μετὰ τὴν μάχην ἀπεδίδρασκον ὑπὸ νύκτα εὐθύσ·

ἀπεδίδρασκον δὲ καὶ αὐτῶν Κορινθίων οἱ πολλοί. Μόμμιοσ δὲ τὸ μὲν παραυτίκα, ἀναπεπταμένων ὅμωσ τῶν πυλῶν, ἐπεῖχεν ἐσ τὴν Κόρινθον παρελθεῖν, ὑποκαθῆσθαί τινα ἐντὸσ τοῦ τείχουσ ὑποπτεύων ἐνέδραν· τρίτῃ δὲ ἡμέρᾳ μετὰ τὴν μάχην ᾕρει τε κατὰ κράτοσ καὶ ἔκαιε Κόρινθον. τῶν δὲ ἐγκαταληφθέντων τὸ μὲν πολὺ οἱ Ῥωμαῖοι φονεύουσι, γυναῖκασ δὲ καὶ παῖδασ ἀπέδοτο Μόμμιοσ·

ἀπέδοτο δὲ καὶ οἰκέτασ, ὅσοι τῶν ἐσ ἐλευθερίαν ἀφεθέντων καὶ μαχεσαμένων μετὰ Ἀχαιῶν μὴ εὐθὺσ ὑπὸ τοῦ πολέμου τὸ ἔργον ἐτεθνήκεσαν. ἀναθημάτων δὲ καὶ τοῦ ἄλλου κόσμου τὰ μὲν μάλιστα ἀνήκοντα ἐσ θαῦμα ἀνήγετο, τὰ δὲ ἐκείνοισ οὐχ ὁμοίου λόγου Φιλοποίμενι ὁ Μόμμιοσ τῷ παρ’ Ἀττάλου στρατηγῷ δίδωσι· καὶ ἦν Περγαμηνοῖσ καὶ ἐσ ἐμὲ ἔτι λάφυρα Κορίνθια. πόλεων δέ, ὅσαι Ῥωμαίων ἐναντία ἐπολέμησαν, τείχη μὲν ὁ Μόμμιοσ κατέλυε καὶ ὅπλα ἀφῃρεῖτο πρὶν ἢ καὶ συμβούλουσ ἀποσταλῆναι παρὰ Ῥωμαίων·

ὡσ δὲ ἀφίκοντο οἱ σὺν αὐτῷ βουλευσόμενοι, ἐνταῦθα δημοκρατίασ μὲν κατέπαυε, καθίστα δὲ ἀπὸ τιμημάτων τὰσ ἀρχάσ· καὶ φόροσ τε ἐτάχθη τῇ Ἑλλάδι καὶ οἱ τὰ χρήματα ἔχοντεσ ἐκωλύοντο ἐν τῇ ὑπερορίᾳ κτᾶσθαι·

συνέδριά τε κατὰ ἔθνοσ τὰ ἑκάστων, Ἀχαιῶν καὶ τὸ ἐν Φωκεῦσιν ἢ Βοιωτοῖσ ἢ ἑτέρωθί που τῆσ Ἑλλάδοσ, κατελέλυτο ὁμοίωσ πάντα. ἔτεσι δὲ οὐ πολλοῖσ ὕστερον ἐτράποντο ἐσ ἔλεον Ῥωμαῖοι τῆσ Ἑλλάδοσ, καὶ συνέδριά τε κατὰ ἔθνοσ ἀποδιδόασιν ἑκάστοισ τὰ ἀρχαῖα καὶ τὸ ἐν τῇ ὑπερορίᾳ κτᾶσθαι, ἀφῆκαν δὲ καὶ ὅσοισ ἐπιβεβλήκει Μόμμιοσ ζημίαν·

Βοιωτούσ τε γὰρ Ἡρακλεώταισ καὶ Εὐβοεῦσι τάλαντα ἑκατὸν καὶ Ἀχαιοὺσ Λακεδαιμονίοισ διακόσια ἐκέλευσεν ἐκτῖσαι. τούτων μὲν δὴ ἄφεσιν παρὰ Ῥωμαίων εὑρ́οντο Ἕλληνεσ, ἡγεμὼν δὲ ἔτι καὶ ἐσ ἐμὲ ἀπεστέλλετο· καλοῦσι δὲ οὐχ Ἑλλάδοσ, ἀλλὰ Ἀχαί̈ασ ἡγεμόνα οἱ Ῥωμαῖοι, διότι ἐχειρώσαντο Ἕλληνασ δι’ Ἀχαιῶν τότε τοῦ Ἑλληνικοῦ προεστηκότων. ὁ δὲ πόλεμοσ ἔσχεν οὗτοσ τέλοσ Ἀντιθέου μὲν Ἀθήνῃσιν ἄρχοντοσ, Ὀλυμπιάδι δὲ ἑξηκοστῇ πρὸσ ταῖσ ἑκατόν, ἣν ἐνίκα Διόδωροσ Σικυώνιοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Ἀχαικά, chapter 16

(파우사니아스, Description of Greece, Ἀχαικά, chapter 16)

상위

목록

SEARCH

MENU NAVIGATION