헬라어 문장 검색 - Παυσαν́Δεσξριπ́7́15́

(파우사니아스, Description of Greece, Ἀχαικά, chapter 15)

Ῥωμαῖοι δὲ παρά τε τῶν ἀνδρῶν διδαχθέντεσ οὓσ ἐσ τὴν Ἑλλάδα ἀπέστειλαν καὶ ἐκ τῶν γραμμάτων ἃ Μέτελλοσ ἐπέστελλεν, ἀδικεῖν Ἀχαιῶν κατέγνωσαν· καὶ ἦν γὰρ Μόμμιόσ σφισιν ὕπατοσ τότε ᾑρημένοσ, τοῦτον ναῦσ τε καὶ στρατιὰν πεζὴν ἐκέλευον ἐπ’ Ἀχαιοὺσ ἄγειν. Μέτελλοσ δὲ παραυτίκα ἐπέπυστο ὡσ Μόμμιοσ καὶ ὁ σὺν αὐτῷ στρατὸσ ἐπὶ Ἀχαιοὺσ ἀφίκοιτο· καὶ ἐποιεῖτο σπουδήν, εἰ ἐπιθεὶσ αὐτὸσ πέρασ τῷ πολέμῳ φανῇ πρὶν ἢ Μόμμιον ἐσ τὴν Ἑλλάδα ἀφῖχθαι. ἀγγέλουσ οὖν παρὰ τοὺσ Ἀχαιοὺσ ἀπέστελλεν, ἀφιέναι κελεύων σφᾶσ συντελείασ Λακεδαιμονίουσ καὶ πόλεισ ἄλλασ ὁπόσασ εἴρητο ὑπὸ Ῥωμαίων, τῆσ τε ἐκ τοῦ χρόνου τοῦ προτέρου σφίσιν ἀπειθείασ οὐδεμίαν παρὰ Ῥωμαίων ὑπισχνεῖτο ὀργὴν γενήσεσθαι.

ἅμα τε δὴ ταῦτα ἐπεκηρυκεύετο καὶ ἤλαυνεν ἐκ Μακεδονίασ τὸν στρατόν, διὰ Θεσσαλίασ τὴν πορείαν καὶ παρὰ τὸν Λαμιακὸν ποιούμενοσ κόλπον. Κριτόλαοσ δὲ καὶ Ἀχαιοὶ λόγον μὲν φέροντα ἐσ σύμβασιν προσίεντο οὐδένα, Ἡράκλειαν δὲ προσεκάθηντο πολιορκοῦντεσ οὐ βουλομένουσ ἐσ τὸ Ἀχαϊκὸν συντελεῖν. τότε δὲ ὡσ παρὰ τῶν κατασκόπων ἐπυνθάνετο ὁ Κριτόλαοσ Μέτελλον καὶ Ῥωμαίουσ διαβεβηκέναι τὸν Σπερχειόν, ἀπέφευγεν ἐσ Σκάρφειαν τὴν Λοκρῶν, οὐδὲ κατὰ τὸ στενὸν τὸ Ἡρακλείασ τε μεταξὺ καὶ Θερμοπυλῶν τοὺσ Ἀχαιοὺσ τάξασ ἐτόλμησεν ὑπομεῖναι Μέτελλον·

ἀλλὰ ἐσ τοσοῦτο ἀφίκετο δείματοσ ὡσ μηδὲ αὐτὸ ποιήσασθαι τὸ χωρίον πρὸσ ἀμείνονοσ ἐλπίδοσ, ἔνθα ἦν μὲν Λακεδαιμονίοισ ὑπὲρ τῶν Ἑλλήνων τὰ ἐσ Μήδουσ, ἦν δὲ καὶ Ἀθηναίοισ τὰ ἐσ Γαλάτασ οὐδὲν ἀφανέστερα ἐκείνων τολμήματα.

ὑποφεύγοντασ δὲ Κριτόλαον καὶ Ἀχαιοὺσ αἱροῦσιν ὀλίγον πρὸ τῆσ Σκαρφείασ οἱ ὁμοῦ τῷ Μετέλλῳ, καὶ ἀπέκτεινάν τε πλήθει πολλοὺσ καὶ ἔλαβον ζῶντασ ὅσον χιλίουσ.

Κριτόλαοσ δὲ οὔτε ὤφθη ζῶν μετὰ τὴν μάχην οὔτε ἐν τοῖσ νεκροῖσ εὑρέθη· εἰ δὲ ἐτόλμησε τῆσ πρὸσ τῇ Οἴτῃ θαλάσσησ ἐσ ταύτησ καταδῦναι τὸ τέλμα, παντάπασιν ἔμελλεν ἄγνωστόσ τε καὶ ἄπυστοσ οἰχήσεσθαι κατὰ τοῦ βυθοῦ. ἐσ μὲν οὖν τὴν Κριτολάου τελευτὴν καὶ ἄλλα πάρεστιν εἰκάζειν·

Ἀρκάδων δὲ ἐξεστρατευμένοι λογάδεσ χίλιοι, οἳ Κριτολάῳ τοῦ ἔργου μετέσχον, προῆλθον μὲν ἄχρι Ἐλατείασ τῆσ Φωκέων καὶ ἐσ τὴν πόλιν ὑπ’ αὐτῶν κατὰ συγγένειαν δή τινα παλαιὰν ἐδέχθησαν· ὡσ δὲ τοῖσ Φωκεῦσιν ἡ Κριτολάου συμφορὰ καὶ Ἀχαιῶν ἀπηγγέλλετο, ἀπελθεῖν ἐκ τῆσ Ἐλατείασ κελεύουσι τοὺσ Ἀρκάδασ. ἀπιοῦσι δὲ ὀπίσω σφίσιν ἐσ τὴν Πελοπόννησον Μέτελλοσ καὶ Ῥωμαῖοι περὶ Χαιρώνειαν ἐπιφαίνονται·

ἔνθα δὴ ἐπελάμβανε τοὺσ Ἀρκάδασ ἐκ θεῶν δίκη τῶν Ἑλληνικῶν, οἳ ἐν Χαιρωνείᾳ Φιλίππου καὶ Μακεδόνων ἐναντία ἀγωνιζομένουσ ἐγκαταλιπόντεσ Ἕλληνασ τότε ἐν χωρίῳ τῷ αὐτῷ ἐκτείνοντο ὑπὸ Ῥωμαίων. Ἀχαιοῖσ δὲ αὖθισ ἐπὶ τὴν ἡγεμονίαν τοῦ στρατεύματοσ παρῄει Δίαιοσ·

καὶ δούλουσ τε ἐσ ἐλευθερίαν ἠφίει, τὸ Μιλτιάδου καὶ Ἀθηναίων βούλευμα <τὸ> πρὸ τοῦ ἔργου τοῦ ἐν Μαραθῶνι μιμούμενοσ, καὶ Ἀχαιῶν συνέλεγε καὶ Ἀρκάδων ἀπὸ τῶν πόλεων τοὺσ ἐν ἡλικίᾳ· ἐγένετο δέ, ἀναμεμιγμένων ὁμοῦ καὶ οἰκετῶν, τὸ ἀθροισθὲν ἐσ ἑξακοσίουσ μὲν μάλιστα ἀριθμὸν ἱππεῖσ, τὸ δὲ ὁπλιτεῦον τετρακισχίλιοί τε καὶ μύριοι.

ἐνταῦθα ὁ Δίαιοσ ἐσ ἅπαν ἀφίκετο ἀνοίασ, ὃσ Κριτόλαον καὶ πᾶσαν τὴν Ἀχαιῶν ἐπιστάμενοσ παρασκευὴν κακῶσ οὕτωσ ἀγωνισαμένην πρὸσ Μέτελλον ἀπέλεξεν αὐτὸσ ὅσον τετρακισχιλίουσ·

καὶ ἄρχοντα ἐπ’ αὐτοῖσ ἔταξεν Ἀλκαμένην. ἀπεστέλλοντο δὲ ἐσ Μέγαρα φρουρά τε εἶναι Μεγαρεῦσι τοῦ ἄστεωσ καί, ἢν Μέτελλοσ ἐπίῃ καὶ οἱ Ῥωμαῖοι, τοῦ πρόσω σφᾶσ κωλύειν. Μέτελλοσ δὲ ὡσ οἱ περὶ Χαιρώνειαν λογάδεσ κατέστρωντο οἱ Ἀρκάδων, ἀναστήσασ τὸ στράτευμα ἤλαυνεν ἐπὶ τὰσ Θήβασ·

Ἡράκλειάν τε γὰρ ἐπολιόρκησαν οἱ Θηβαῖοι μετὰ Ἀχαιῶν καὶ ἀγῶνοσ τοῦ πρὸσ Σκάρφειαν μετεσχήκεσαν. τότε δὲ αὐτοί τε καὶ γυναῖκεσ ἐκλελοιπότεσ πᾶσα ἡλικία τὴν πόλιν ἐπλανῶντο ἀνὰ τὴν Βοιωτίαν καὶ ἐσ τῶν ὀρῶν τὰ ἄκρα ἀνέφευγον. Μέτελλοσ δὲ οὔτε ἱερὰ ἐμπιπράναι θεῶν οὔτε οἰκοδομήματα καθαιρεῖν εἰά, Θηβαίων τε τῶν ἄλλων μήτε ἀποκτεῖναι μηδένα μήτε αἱρεῖν φεύγοντα ἀπηγόρευε·

Πυθέαν δὲ ἢν ἕλωσιν, ἀνάγειν ἐκέλευσεν ὡσ αὐτόν· ἐξεύρητό τε δὴ αὐτίκα ὁ Πυθέασ καὶ ἀναχθεὶσ δίκην εἶχεν. ὡσ δὲ πλησίον Μεγάρων ἐγίνετο ὁ στρατόσ, οὔτε ὑπέμειναν οἱ περὶ τὸν Ἀλκαμένην καὶ αὐτίκα ἐσ Κόρινθον παρὰ τὸ στρατόπεδον τὸ Ἀχαιῶν ᾤχοντο φεύγοντεσ. καὶ Μεγαρεῖσ μὲν παραδιδόασιν ἀμαχεὶ Ῥωμαίοισ τὴν πόλιν, Μέτελλοσ δὲ ὡσ ἀφίκετο παρὰ τὸν ἰσθμόν, ἐπεκηρυκεύετο καὶ τότε Ἀχαιοῖσ <ἐσ> εἰρήνην καὶ ὁμολογίασ προκαλούμενοσ·

ἰσχυρὸσ γάρ τισ ἐνέκειτο αὐτῷ πόθοσ τὰ ἐν Μακεδονίᾳ τε ὁμοῦ καὶ τὰ Ἀχαιῶν κατεργασθῆναι δι’ αὐτοῦ.

τούτῳ μὲν ταῦτα ἐσπευκότι Δίαιοσ ἠναντιοῦτο ὑπὸ ἀγνωμοσύνησ·

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Ἀχαικά, chapter 15

(파우사니아스, Description of Greece, Ἀχαικά, chapter 15)

상위

목록

SEARCH

MENU NAVIGATION