헬라어 문장 검색 - Παυσαν́Δεσξριπ́7́10́

(파우사니아스, Description of Greece, Ἀχαικά, chapter 10)

τότε μὲν δὴ ἐσ τοσοῦτο ἐπράχθη· τολμημάτων δὲ τὸ ἀνοσιώτατον, τὴν πατρίδα καὶ ἄνδρασ προδιδόναι πολίτασ ἐπὶ οἰκείοισ κέρδεσιν, ἔμελλε καὶ Ἀχαιοῖσ κακῶν ἄρξειν, οὔποτε ἐκ τοῦ χρόνου παντὸσ τὴν Ἑλλάδα ἐκλιπόν. ἐπὶ μέν γε Δαρείου τοῦ Ὑστάσπου βασιλεύοντοσ Περσῶν Ιὤσι τὰ πράγματα ἐφθάρη Σαμίων πλὴν ἑνόσ τε καὶ δέκα ἀνδρῶν τῶν ἄλλων τριηράρχων τὸ ναυτικὸν τὸ Ιὤνων προδόντων· μετὰ δὲ Ιὤνασ κεχειρωμένουσ ἠνδραποδίσαντο καὶ Ἐρέτριαν Μῆδοι, προδόται δὲ ἐγένοντο οἱ εὐδοκιμοῦντεσ μάλιστα ἐν Ἐρετρίᾳ Φίλαγροσ Κυνέου καὶ Εὔφορβοσ Ἀλκιμάχου.

Ξέρξῃ δὲ ἐπὶ τὴν Ἑλλάδα ἐλαύνοντι Θεσσαλία τε δι’ Ἀλευάδου προεδόθη, Θήβασ δὲ Ἀτταγῖνοσ καὶ Τιμηγενίδασ προδιδόασι φερόμενοι τὰ πρῶτα ἐν Θήβαισ. Πελοποννησίων δὲ καὶ Ἀθηναίων πολεμησάντων Ξενίασ Ἠλεῖοσ ἐπεχείρησεν Ἦλιν Λακεδαιμονίοισ καὶ Ἄγιδι προδοῦναι, οἵ τε Λυσάνδρου καλούμενοι ξένοι χρόνον οὐδένα ἀνίεσαν πατρίδασ ἐγχειρίζοντεσ Λυσάνδρῳ τὰσ ἑαυτῶν.

κατὰ δὲ τὴν Φιλίππου βασιλείαν τοῦ Ἀμύντου Λακεδαίμονα πόλεων μόνην οὐ προδοθεῖσαν τῶν ἐν Ἕλλησιν εὑρ́οι τισ ἄν· αἱ δὲ ἄλλαι πόλεισ αἱ ἐν τῇ Ἑλλάδι ὑπὸ προδοσίασ μᾶλλον ἢ ὑπὸ νόσου πρότερον τῆσ λοιμώδουσ ἐφθάρησαν.

Ἀλεξάνδρῳ δὲ τῷ Φιλίππου παρέσχεν ἡ εὐτυχία μικρὰ ἀνδρῶν προδοτῶν καὶ οὐκ ἄξια λόγου προσδεηθῆναι. ἐπεὶ δὲ τὸ ἐν Λαμίᾳ πταῖσμα ἐγένετο Ἕλλησιν, Ἀντίπατροσ μέν, ἅτε διαβῆναι ποιούμενοσ σπουδὴν πρὸσ τὸν ἐν τῇ Ἀσίᾳ πόλεμον, ἐβούλετο εἰρήνην ἐν τάχει συντίθεσθαι, καί οἱ διέφερεν οὐδὲν εἰ Ἀθήνασ τε ἐλευθέραν καὶ τὴν πᾶσαν Ἑλλάδα ἀφήσει·

Δημάδησ δὲ καὶ ὅσον προδοτῶν Ἀθήνῃσιν ἄλλο ἦν, ἀναπείθουσιν Ἀντίπατρον μηδὲν ἐσ Ἕλληνασ φρονῆσαι φιλάνθρωπον, ἐκφοβήσαντεσ δὲ Ἀθηναίων τὸν δῆμον ἔσ τε Ἀθήνασ καὶ πόλεων τῶν ἄλλων τὰσ πολλὰσ ἐγένοντο αἴτιοι Μακεδόνων ἐσαχθῆναι φρουράσ. βεβαιοῖ δέ μοι καὶ τόδε τὸν λόγον·

Ἀθηναῖοι γὰρ μετὰ τὸ ἀτύχημα τὸ ἐν Βοιωτοῖσ οὐκ ἐγένοντο Φιλίππου κατήκοοι, ἁλόντων μέν σφισι δισχιλίων, ὡσ ἐκρατήθησαν, παρὰ τὸ ἔργον, χιλίων δὲ φονευθέντων· ἐν Λαμίᾳ δὲ περὶ διακοσίουσ πεσόντων καὶ οὐ πλέον τι, Μακεδόσιν ἐδουλώθησαν. οὕτω μὲν οὔποτε τὴν Ἑλλάδα ἐπέλειπον οἱ ἐπὶ προδοσίᾳ νοσήσαντεσ· Ἀχαιοὺσ δὲ ἀνὴρ Ἀχαιὸσ Καλλικράτησ τηνικαῦτα ἐσ ἅπαν ἐποίει Ῥωμαίοισ ὑποχειρίουσ. Περσεὺσ καὶ ἡ Μακεδόνων ἀρχὴ καταλυθεῖσα ὑπὸ Ῥωμαίων.

Περσεῖ τῷ Φιλίππου πρὸσ Ῥωμαίουσ ἄγοντι εἰρήνην κατὰ συνθήκασ, ἃσ ὁ πατήρ οἱ Φίλιπποσ ἐποιήσατο, ἐπῆλθεν ὑπερβῆναι τοὺσ ὁρ́κουσ καὶ ἐπί τε <Σαπαίουσ καὶ> Σαπαίων τὸν βασιλέα Ἀβρούπολιν στράτευμα ἀγαγὼν ἐποίησεν ἀναστάτουσ Ῥωμαίων συμμάχουσ ὄντασ·

Σαπαίων δὲ τούτων καὶ Ἀρχίλοχοσ ἐν ἰάμβῳ μνήμην ἔσχε. Μακεδόνων δὲ καὶ Περσέωσ κεχειρωμένων πολέμῳ διὰ τὸ ἐσ Σαπαίουσ ἀδίκημα, ἄνδρεσ τῆσ Ῥωμαίων βουλῆσ δέκα ἐπέμφθησαν καταστησόμενοι πρὸσ τὸ ἐπιτηδειότατον Ῥωμαίοισ τὰ ἐν Μακεδονίᾳ.

ἥκοντασ δὲ ἐσ τὴν Ἑλλάδα ὑπήρχετο ὁ Καλλικράτησ οὔτε ἔργον τῶν ἐσ τὴν κολακείαν οὔτε λόγον οὐδένα ἐσ αὐτοὺσ παριείσ· ἕνα δέ τινα ἐξ αὐτῶν ἄνδρα οὐδαμῶσ ἐσ δικαιοσύνην πρόθυμον, τοῦτον τὸν ἄνδρα προσεποιήσατο ὁ Καλλικράτησ ἐσ τοσοῦτον ὥστε αὐτὸν καὶ ἐσ τὸ συνέδριον ἐσελθεῖν τὸ Ἀχαιῶν ἔπεισεν. ὁ δὲ ὡσ ἐσ τὸν σύλλογον ἐσῆλθεν, ἔλεγεν ὡσ πολεμοῦντι πρὸσ Ῥωμαίουσ Περσεῖ χρήματα οἱ δυνατώτατοι τῶν Ἀχαιῶν παράσχοιεν, συνάραιντο δὲ καὶ ἐσ τὰ ἄλλα·

ἐκέλευσεν οὖν καταγνῶναι τοὺσ Ἀχαιοὺσ θάνατον· εἰ δὲ ἐκεῖνοι καταγνοῖεν, τότε καὶ αὐτὸσ τὰ ὀνόματα ἐρεῖν ἔφασκε τῶν ἀνδρῶν. λέγειν τε δὴ ἐδόκει παντάπασιν ἄδικα καὶ αὐτὸν ἠξίουν οἱ ἐσ τὸν σύλλογον ἐληλυθότεσ ἤδη, εἰ Περσεῖ τὰ αὐτὰ Ἀχαιῶν τινεσ ἔπραξαν, ὀνομαστὶ αὐτῶν ἑκάστου μνησθῆναι, πρότερον δὲ οὐ σφᾶσ καταγινώσκειν εἰκὸσ εἶναι. ἔνθα δὴ ὡσ ἠλέγχετο ὁ Ῥωμαῖοσ, ἀπετόλμησεν εἰπεῖν ὡσ οἱ ἐστρατηγηκότεσ Ἀχαιῶν ἐνέχονται πάντεσ τῇ αἰτίᾳ·

πάντασ γὰρ φρονῆσαι τὰ Μακεδόνων τε καὶ Περσέωσ.

ὁ μὲν δὴ ταῦτα ἔλεγεν ὑπὸ διδασκαλίᾳ Καλλικράτουσ· ἀναστὰσ δὲ μετ’ αὐτὸν Ξένων ‐ <ἦν δὲ ὁ Ξένων> οὗτοσ οὐκ ἐλαχίστου λόγου παρὰ Ἀχαιοῖσ ‐ "οὕτωσ" ἔφη "κατὰ τὴν αἰτίαν ἔχει ταύτην· ἐστρατήγησα μὲν Ἀχαιῶν καὶ ἐγώ, ἀδικίασ δὲ οὐδὲν ἐσ Ῥωμαίουσ οὔτε εὐνοίασ μοι μέτεστιν ἐσ Περσέα· καὶ τοῦδε ἕνεκα ἐθέλω μὲν ἐν συνεδρίῳ τῷ Ἀχαιῶν, ἐθέλω δὲ καὶ ἐν αὐτοῖσ Ῥωμαίοισ ὑπέχειν κρίσιν. " ὁ μὲν δὴ ὑπὸ συνειδότοσ ἐπαρρησιάζετο ἀγαθοῦ· ὁ δὲ ἐπελάβετο αὐτίκα ὁ Ῥωμαῖοσ τῆσ προφάσεωσ, καὶ ὁπόσοισ Καλλικράτησ ἐπῆγεν αἰτίαν Περσεῖ σφᾶσ φρονῆσαι τὰ αὐτά, ἀνέπεμπεν ἐν δικαστηρίῳ κρίσιν τῷ Ῥωμαίων ὑφέξοντασ.

ὃ μή πω κατειλήφει πρότερον Ἕλληνασ· οὐδὲ γὰρ παρὰ Μακεδόνων οἱ ἰσχύσαντεσ μέγιστον, Φίλιπποσ Ἀμύντου καὶ Ἀλέξανδροσ, τοὺσ ἀνθεστηκότασ σφίσιν Ἑλλήνων ἐσ Μακεδονίαν ἐβιάσαντο ἀποσταλῆναι, διδόναι δὲ αὐτοὺσ ἐν Ἀμφικτύοσιν εἰών λόγον. τότε δὲ ἐκ τοῦ Ἀχαιῶν ἔθνουσ ὅντινα καὶ ἀναίτιον Καλλικράτησ ἐθελήσειεν αἰτιάσασθαι, ἀνάγεσθαι πάντα τινὰ ἐκεκύρωτο ἐσ Ῥώμην·

καὶ ἐγένοντο ὑπὲρ χιλίουσ οἱ ἀναχθέντεσ. τούτουσ ὑπὸ Ἀχαιῶν οἱ Ῥωμαῖοι προκατεγνῶσθαι νομίζοντεσ ἔσ τε Τυρσηνίαν καὶ ἐσ τὰσ ἐκεῖ διέπεμψαν πόλεισ, καὶ Ἀχαιῶν ἄλλοτε ἄλλασ ὑπὲρ τῶν ἀνδρῶν πρεσβείασ τε καὶ ἱκεσίασ ἐπιπεμπόντων λόγον ἐποιοῦντο οὐδένα. ἑπτακαιδεκάτῳ δὲ ὕστερον ἔτει τριακοσίουσ ἢ καὶ ἐλάσσονασ, οἳ μόνοι περὶ Ἰταλίαν Ἀχαιῶν ἔτι ἐλείποντο, ἀφιᾶσιν, ἀποχρώντωσ κολασθῆναι σφᾶσ ἡγούμενοι.

ὅσοι δὲ ἀποδράντεσ ᾤχοντο ἢ εὐθὺσ ἡνίκα ἀνήγοντο ἐσ Ῥώμην ἢ ὕστερον ἐκ τῶν πόλεων ἐσ ἃσ ὑπὸ Ῥωμαίων ἐπέμφθησαν, πρόφασισ οὐδεμία ἦν τούτουσ ἁλόντασ <μὴ> ὑποσχεῖν δίκην.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Ἀχαικά, chapter 10

(파우사니아스, Description of Greece, Ἀχαικά, chapter 10)

상위

목록

SEARCH

MENU NAVIGATION