헬라어 문장 검색 - Παυσαν́Δεσξριπ́7́09́

(파우사니아스, Description of Greece, Ἀχαικά, chapter 9)

τότε δὲ τῷ Μετέλλῳ καὶ τῇ ἄλλῃ πρεσβείᾳ μὴ ὑπεριδεῖν Λακεδαιμονίων ἤρεσε καὶ Ἀχαιῶν, τοὺσ δὲ τὰσ ἀρχὰσ ἔχοντασ ἐσ τὸ συνέδριον ἠξίουν συγκαλέσαι τοὺσ Ἀχαιούσ, ἵνα ἐν κοινῷ διδάξωσιν αὐτοὺσ ἠπιώτερον μεταχειρίζεσθαι τὰ ἐν Λακεδαίμονι. οἱ δέ σφισιν ἀπεκρίναντο μήτε ἐκείνοισ Ἀχαιοὺσ ἐσ σύλλογον μήτε ἄλλῳ συνάξειν, ὅστισ μὴ ἐπὶ τῷ πράγματι ἐφ’ ὅτῳ ποιεῖται τὴν πρόσοδον παρὰ τῆσ Ῥωμαίων βουλῆσ ἔχει δόγμα. Μέτελλοσ δὲ καὶ οἱ σὺν αὐτῷ ὑπὸ τῶν Ἀχαιῶν περιυβρίσθαι νομίζοντεσ, ἐπειδὴ ἀφίκοντο ἐσ Ῥώμην, πολλὰ ἐπὶ τῆσ βουλῆσ καὶ οὐ τὰ πάντα ἀληθῆ κατηγόρουν τῶν Ἀχαιῶν.

τούτων δὲ πλείονα ἐνεκάλουν Ἀχαιοῖσ Ἀρεὺσ καὶ Ἀλκιβιάδασ, ὡσ Λακεδαιμόνιοι μὲν καὶ δόκιμοι τὰ μάλιστα ἐν τῇ Σπάρτῃ, τὰ δὲ ἐσ Ἀχαιοὺσ οὐ δίκαιοι·

γενομένουσ γὰρ ὑπὸ Νάβιδοσ φυγάδασ ὑπεδέξαντο αὐτοὺσ οἱ Ἀχαιοὶ καὶ ἀποθανόντοσ Νάβιδοσ παρὰ γνώμην Λακεδαιμονίων τοῦ δήμου κατάγουσιν ἐσ Σπάρτην. τότε οὖν ἀναβεβηκότεσ καὶ οὗτοι παρὰ τὴν βουλὴν προθυμότατα ἐνέκειντο Ἀχαιοῖσ· Ἀχαιοὶ δέ σφισιν ἀπελθοῦσιν ἐπιβάλλουσιν ἐν τῷ συνεδρίῳ θάνατον ζημίαν. Ῥωμαίων δὲ ἡ βουλὴ πέμπουσιν ἄλλουσ τε ἄνδρασ καὶ Ἄππιον Λακεδαιμονίοισ καὶ Ἀχαιοῖσ τὰ δίκαια ὁρίσαι.

Ἄππιοσ δὲ καὶ οἱ σὺν αὐτῷ ἔμελλον μὲν οὐδὲ ὀφθέντεσ Ἀχαιοῖσ ἔσεσθαι καθ’ ἡδονήν, οἳ Ἀρέα καὶ Ἀλκιβιάδαν ἅμ’ αὐτοῖσ ἐπήγοντο ἐν τῷ τότε Ἀχαιοῖσ ἐχθίστουσ· ἐλύπησαν δὲ καὶ ἐσ πλέον τοὺσ Ἀχαιούσ, ἐπειδὴ ἐσ τὸν σύλλογον αὐτῶν ἐπελθόντεσ σὺν ὀργῇ μᾶλλον ἐποιοῦντο ἢ πειθοῖ τοὺσ λόγουσ. Λυκόρτασ δὲ ὁ Μεγαλοπολίτησ, οὔτε ἀξιώματι οὐδενὸσ Ἀρκάδων ὕστεροσ καί τι καὶ φρόνημα κατὰ φιλίαν προσειληφὼσ τὴν Φιλοποίμενοσ, λόγῳ τε ἀπέφαινε τὰ ὑπὲρ τῶν Ἀχαιῶν δίκαια καὶ ὁμοῦ τοῖσ λόγοισ καὶ μέμψιν τινὰ ὑπέτεινεν ἐσ τοὺσ Ῥωμαίουσ.

Ἄππιοσ δὲ καὶ οἱ σὺν αὐτῷ Λυκόρταν λέγοντα ἐποιοῦντο ἐν χλευασμῷ καὶ Ἀρέωσ ἀποψηφίζονται καὶ Ἀλκιβιάδα μηδὲν ἀδίκημα ἐξ αὐτῶν ἐσ Ἀχαιοὺσ εἶναι, Λακεδαιμονίοισ τε ἀποστεῖλαι πρέσβεισ ἐφιᾶσιν ἐσ Ῥώμην, ἐναντία ἐφιέντεσ ἢ Ῥωμαίοισ συγκείμενα ἦν καὶ Ἀχαιοῖσ· Ἀχαιῶν μὲν γὰρ εἴρητο ἀπὸ τοῦ κοινοῦ παρὰ τὴν Ῥωμαίων βουλὴν ἀπιέναι πρέσβεισ, ἰδίᾳ δὲ ἀπείρητο μὴ πρεσβεύεσθαι τὰσ πόλεισ ὅσαι συνεδρίου τοῦ Ἀχαιῶν μετεῖχον.

ἀντιπρεσβευσαμένων δὲ καὶ Ἀχαιῶν Λακεδαιμονίοισ καὶ λόγων ῥηθέντων ὑπὸ ἀμφοτέρων ἐπὶ τῆσ βουλῆσ, τοὺσ αὐτοὺσ ἀποστέλλουσιν αὖθισ οἱ Ῥωμαῖοι Λακεδαιμονίοισ γενέσθαι καὶ Ἀχαιοῖσ δικαστάσ, Ἄππιον καὶ ὅσοι σὺν ἐκείνῳ πρότερον ἐσ τὴν Ἑλλάδα ἀφίκοντο.

οἱ δὲ τούσ τε ἐκβληθέντασ ὑπὸ Ἀχαιῶν κατάγουσιν ἐσ Σπάρτην καὶ ὅσων πρὸ κρίσεωσ ἀπελθόντων κατέγνωστο ὑπὸ τῶν Ἀχαιῶν ἀδικεῖν, καὶ τὰ ἐπὶ τούτοισ τιμήματα ἔλυσαν· καὶ συντελείασ μὲν Λακεδαιμονίουσ <τῆσ> ἐσ τὸ Ἀχαϊκὸν οὐκ ἀφιᾶσι, περὶ δὲ τῇ ἑκάστου ψυχῇ ξενικά σφισι διδόασιν εἶναι δικαστήρια, ὅσα δὲ ἄλλα ἐγκλήματα, λαμβάνειν τε αὐτοὺσ καὶ ἐν τῷ Ἀχαϊκῷ ὑπέχειν τὰσ κρίσεισ. ἐτειχίσθη δὲ καὶ ἐξ ἀρχῆσ αὖθισ Σπαρτιάταισ ὁ κύκλοσ τοῦ ἄστεωσ. Λακεδαιμονίων δὲ οἱ κατελθόντεσ, βουλεύοντεσ παντοῖα ἐπὶ Ἀχαιοῖσ, λυπήσειν σφᾶσ ἐπὶ τοιῷδε μάλιστα ἤλπιζον.

Μεσσηνίουσ τοὺσ Φιλοποίμενι θανάτου συναιτίουσ γενέσθαι νομισθέντασ καὶ κατὰ <τὴν> αἰτίαν ταύτην ὑπὸ Ἀχαιῶν ἐκπεπτωκότασ, τούτουσ τε καὶ Ἀχαιῶν αὐτῶν τοὺσ φεύγοντασ ἀναβῆναι πείθουσιν ἐσ Ῥώμην· σὺν δέ σφισιν ἀνεληλυθότεσ καὶ αὐτοὶ γενέσθαι τοῖσ ἀνδράσιν ἔπρασσον κάθοδον. ἅτε δὲ τοῦ Ἀππίου Λακεδαιμονίοισ συμπροθυμουμένου μεγάλωσ, Ἀχαιοῖσ δὲ ἐπὶ παντὶ ἀντιβαίνοντοσ, ἔμελλεν οὐ χαλεπῶσ Μεσσηνίων καὶ Ἀχαιῶν τοῖσ φεύγουσι τὰ βουλεύματα ἐσ δέον χωρήσειν· γράμματά τε αὐτίκα ὑπὸ τῆσ βουλῆσ ἔσ τε Ἀθήνασ κατεπέμπετο καὶ ἐσ Αἰτωλίαν κατάγειν σφᾶσ Μεσσηνίουσ καὶ Ἀχαιοὺσ ἐπὶ τὰ οἰκεῖα.

τοῦτο Ἀχαιοὺσ ἐσ τὰ μάλιστα ἠνίασεν, ὡσ οὔτε ἄλλωσ πάσχοντασ δίκαια ὑπὸ Ῥωμαίων καὶ ἐσ τὸ ἀνωφελὲσ προϋπηργμένων σφίσιν ἐσ αὐτούσ, οἳ ἐπὶ τὰ Φιλίππου καὶ Αἰτωλῶν ἐναντία καὶ αὖθισ Ἀντιόχου στρατεύσαντεσ χάριτι <τῇ> ἐσ Ῥωμαίουσ ἐγίνοντο ὕστεροι φυγάδων ἀνθρώπων καὶ οὐ καθαρῶν χεῖρασ·

ὅμωσ δὲ εἴκειν σφίσιν ἐδόκει.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Ἀχαικά, chapter 9

(파우사니아스, Description of Greece, Ἀχαικά, chapter 9)

상위

목록

SEARCH

MENU NAVIGATION