헬라어 문장 검색 - Παυσαν́Δεσξριπ́6́25́

(파우사니아스, Description of Greece, Ἠλιακῶν Β, chapter 25)

ἔστι δὲ τῆσ στοᾶσ ὀπίσω τῆσ ἀπὸ τῶν λαφύρων τῶν ἐκ Κορκύρασ Ἀφροδίτησ ναόσ, τὸ δὲ ἐν ὑπαίθρῳ τέμενοσ οὐ πολὺ ἀφεστηκὸσ ἀπὸ τοῦ ναοῦ. καὶ τὴν μὲν ἐν τῷ ναῷ καλοῦσιν Οὐρανίαν, ἐλέφαντοσ δέ ἐστι καὶ χρυσοῦ, τέχνη Φειδίου, τῷ δὲ ἑτέρῳ ποδὶ ἐπὶ χελώνησ βέβηκε· τῆσ δὲ περιέχεται μὲν τὸ τέμενοσ θριγκῷ, κρηπὶσ δὲ ἐντὸσ τοῦ τεμένουσ πεποίηται καὶ ἐπὶ τῇ κρηπῖδι ἄγαλμα Ἀφροδίτησ χαλκοῦν ἐπὶ τράγῳ κάθηται χαλκῷ· Σκόπα τοῦτο ἔργον, Ἀφροδίτην δὲ Πάνδημον ὀνομάζουσι. τὰ δὲ ἐπὶ τῇ χελώνῃ τε καὶ ἐσ τὸν τράγον παρίημι τοῖσ θέλουσιν εἰκάζειν. ὁ δὲ ἱερὸσ τοῦ Αἵδου περίβολόσ τε καὶ ναόσ ‐ ἔστι γὰρ δὴ Ἠλείοισ καὶ Αἵδου περίβολόσ τε καὶ ναόσ ‐ ἀνοίγνυται μὲν ἅπαξ κατὰ ἔτοσ ἕκαστον, ἐσελθεῖν δὲ οὐδὲ τότε ἐφεῖται πέρα γε τοῦ ἱερωμένου.

ἀνθρώπων δὲ ὧν ἴσμεν μόνοι τιμῶσιν Αἵδην Ἠλεῖοι κατὰ αἰτίαν τήνδε. Ἡρακλεῖ στρατιὰν ἄγοντι ἐπὶ Πύλον τὴν ἐν τῇ Ἤλιδι, παρεῖναί οἱ καὶ Ἀθηνᾶν συνεργὸν λέγουσιν· ἀφικέσθαι οὖν καὶ Πυλίοισ τὸν Αἵδην συμμαχήσοντα τῇ ἀπεχθείᾳ τοῦ Ἡρακλέουσ, ἔχοντα ἐν τῇ Πύλῳ τιμάσ.

ἐπάγονται δὲ καὶ Ὅμηρον τῷ λόγῳ μάρτυρα ποιήσαντα ἐν Ἰλιάδι τλῆ δ’ Αἴδησ ἐν τοῖσι πελώριοσ ὠκὺν ὀιστόν,εὖτέ μιν ωὐτὸσ ἀνὴρ υἱὸσ Διὸσ αἰγιόχοιοἐν Πύλῳ ἐν νεκύεσσι βαλὼν ὀδύνῃσιν ἔδωκεν·

εἰ δὲ κατὰ τὴν Ἀγαμέμνονοσ καὶ Μενελάου στρατείαν ἐπὶ Ἴλιον Ποσειδῶν τῷ Ὁμήρου λόγῳ τοῖσ Ἕλλησιν ἐπίκουροσ ἦν, οὐκ ἂν ἄπο τοῦ εἰκότοσ οὐδὲ Αἵδην εἰή δόξῃ γε τοῦ αὐτοῦ ποιητοῦ Πυλίοισ ἀμῦναι. Ἠλεῖοι δ’ οὖν ὡσ σφίσι τε εὔνῳ καὶ ἀπεχθανομένῳ πρὸσ τὸν Ἡρακλέα ἐποιήσαντο <τὸ> ἱερὸν τῷ θεῷ· ἑκάστου δὲ ἅπαξ ἀνοίγειν τοῦ ἐνιαυτοῦ νομίζουσιν, ὅτι οἶμαι καὶ ἀνθρώποισ ἅπαξ ἡ κάθοδοσ ἡ ἐσ τοῦ Αἵδου γίνεται. τοῖσ δὲ Ἠλείοισ καὶ Τύχησ <ἐστὶν> τὸ ἱερὸν·

ἐν στοᾷ δὲ τοῦ ἱεροῦ μεγέθει μέγα ἄγαλμα ἀνάκειται, ξόανον ἐπίχρυσον πλὴν προσώπου καὶ χειρῶν τε ἄκρων καὶ ποδῶν, ταῦτα δέ οἵ ἐστι λίθου λευκοῦ. ἐνταῦθα ἔχει τιμὰσ καὶ ὁ Σωσίπολισ ἐν ἀριστερᾷ τῆσ Τύχησ, ἐν οἰκήματι οὐ μεγάλῳ· κατὰ δὲ ὄψιν ὀνείρατοσ γραφῇ μεμιμημένοσ ἐστὶν ὁ θεόσ, παῖσ μὲν ἡλικίαν, ἀμπέχεται δὲ χλαμύδα ποικίλην ὑπὸ ἀστέρων, τῇ χειρὶ δὲ ἔχει τῇ ἑτέρᾳ τὸ κέρασ τῆσ Ἀμαλθείασ. καθότι δὲ Ἠλείων ἡ πόλισ πληθύει μάλιστα ἀνθρώποισ, κατὰ τοῦτο ἀνδριάσ σφισιν ἀνδρὸσ οὐ μείζων μεγάλου χαλκοῦσ ἐστιν οὐκ ἔχων πω γένεια τόν τε ἕτερον τῶν ποδῶν ἐπιπλέκων τῷ ἑτέρῳ καὶ ταῖσ χερσὶν ἀμφοτέραισ ἐπὶ δόρατι ἠρεισμένοσ·

ἐσθῆτα δὲ ἐρεᾶν αὐτῷ καὶ ἀπὸ λίνου τε καὶ βύσσου περιβάλλουσι.

τοῦτο τὸ ἄγαλμα ἐλέγετο εἶναι Ποσειδῶνοσ, ἔχειν δὲ τὸ ἀρχαῖον ἐπὶ Σαμικῷ τῷ ἐν τῇ Τριφυλίᾳ τιμάσ·

μετακομισθὲν δὲ ἐσ τὴν Ἦλιν τιμῆσ μὲν καὶ ἐσ πλέον ἔτι ἥκει, Σατράπην δὲ καὶ οὐ Ποσειδῶνα ὄνομα αὐτῷ τίθενται, μετὰ τὴν Πατρέων προσοίκησιν τὸ ὄνομα τοῦ Σατράπου διδαχθέντεσ· Κορύβαντόσ τε ἐπίκλησισ ὁ Σατράπησ ἐστί.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Ἠλιακῶν Β, chapter 25

(파우사니아스, Description of Greece, Ἠλιακῶν Β, chapter 25)

상위

목록

SEARCH

MENU NAVIGATION