헬라어 문장 검색 - Παυσαν́Δεσξριπ́6́22́

(파우사니아스, Description of Greece, Ἠλιακῶν Β, chapter 22)

προελθόντι δὲ ὅσον τε στάδιον ἀπὸ τοῦ τάφου σημεῖά ἐστιν ἱεροῦ Κορδάκασ ἐπίκλησιν Ἀρτέμιδοσ, ὅτι οἱ τοῦ Πέλοποσ ἀκόλουθοι τὰ ἐπινίκια ἤγαγον παρὰ τῇ θεῷ ταύτῃ καὶ ὠρχήσαντο ἐπιχώριον τοῖσ περὶ τὸν Σίπυλον κόρδακα ὄρχησιν. τοῦ ἱεροῦ δὲ οὐ πόρρω οἴκημά τε οὐ μέγα καὶ κιβωτόσ ἐστιν ἐν αὐτῷ χαλκῆ· ὀστᾶ τὰ Πέλοποσ ἐν τῇ κιβωτῷ φυλάσσουσι. ἄμπελοι δὲ ἦσαν διὰ τοῦ χωρίου πεφυτευμέναι παντόσ, ἔνθα ἡ Πίσα ᾠκεῖτο.

οἰκιστὴν μὲν δὴ γενέσθαι τῇ πόλει Πίσον τὸν Περιήρουσ φασὶ τοῦ Αἰόλου·

Πισαῖοι δὲ ἐφειλκύσαντο αὐθαίρετον συμφορὰν ἀπεχθανόμενοί τε Ἠλείοισ καὶ σπουδὴν ποιούμενοι τιθέναι τὸν Ὀλυμπικὸν ἀγῶνα ἀντὶ Ἠλείων, οἵγε Ὀλυμπιάδι μὲν τῇ ὀγδόῃ τὸν Ἀργεῖον ἐπηγάγοντο Φείδωνα τυράννων τῶν ἐν Ἕλλησι μάλιστα ὑβρίσαντα καὶ τὸν ἀγῶνα ἔθεσαν ὁμοῦ τῷ Φείδωνι, τετάρτῃ δὲ Ὀλυμπιάδι καὶ τριακοστῇ στρατὸν οἱ Πισαῖοι καὶ βασιλεὺσ αὐτῶν Πανταλέων ὁ Ὀμφαλίωνοσ παρὰ τῶν προσχώρων ἀθροίσαντεσ ἐποίησαν ἀντὶ Ἠλείων τὰ Ὀλύμπια. ταύτασ τὰσ Ὀλυμπιάδασ καὶ ἐπ’ αὐταῖσ τὴν τετάρτην τε καὶ ἑκατοστήν, τεθεῖσαν δὲ ὑπὸ Ἀρκάδων, ἀνολυμπιάδα<σ> οἱ Ἠλεῖοι καλοῦντεσ οὐ σφᾶσ ἐν καταλόγῳ τῶν Ὀλυμπιάδων γράφουσιν.

ὀγδόῃ δὲ ἐπὶ ταῖσ τεσσαράκοντα Ὀλυμπιάδι Δαμοφῶν ὁ Πανταλέοντοσ ὑπόνοιαν μέν τινα παρέσχεν Ἠλείοισ νεώτερα ἐσ αὐτοὺσ βουλεύειν, ἐσβαλόντασ δὲ ἐσ τὴν Πισαίαν σὺν ὅπλοισ ἀπελθεῖν οἴκαδε ἀπράκτουσ ἔπεισε δεήσεσί τε καὶ ὁρ́κοισ. Πύρρου δὲ τοῦ Πανταλέοντοσ μετὰ Δαμοφῶντα τὸν ἀδελφὸν βασιλεύσαντοσ Πισαῖοι πόλεμον ἑκούσιον ἐπανείλοντο Ἠλείοισ, συναπέστησαν δέ σφισιν ἀπὸ Ἠλείων Μακίστιοι καὶ Σκιλλούντιοι, οὗτοι μὲν ἐκ τῆσ Τριφυλίασ, τῶν δὲ ἄλλων περιοίκων Δυσπόντιοι·

τούτοισ καὶ μάλιστα ἐσ τοὺσ Πισαίουσ οἰκεῖα ἦν, καὶ οἰκιστὴν Δυσποντέα γενέσθαι σφίσιν Οἰνομάου παῖδα ἐμνημόνευον. Πισαίοισ μετέσχον, ἐπέλαβεν ἀναστάτουσ ὑπὸ Ἠλείων γενέσθαι·

Πύλου δὲ τῆσ ἐν τῇ Ἠλείᾳ δῆλα τὰ ἐρείπια κατὰ τὴν ἐξ Ὀλυμπίασ ἐστὶν ἐσ Ἦλιν ὀρεινὴν ὁδόν, ὀγδοήκοντα δὲ στάδια ἐσ Ἦλιν ἀπὸ τῆσ Πύλου.

ταύτην τὴν Πύλον ᾤκισε μὲν κατὰ τὰ ἤδη λελεγμένα μοι Μεγαρεὺσ ἀνὴρ Πύλων ὁ Κλήσωνοσ· γενομένη δὲ ὑπὸ Ἡρακλέουσ ἀνάστατοσ καὶ αὖθισ ἐπισυνοικισθεῖσα ὑπὸ Ἠλείων, ἔμελλεν ἀνὰ χρόνον οὐχ ἕξειν οἰκήτορασ. παρὰ δὲ αὐτὴν ποταμὸσ Λάδων κάτεισιν ἐσ τὸν Πηνειόν. λέγουσι δὲ οἱ Ἠλεῖοι καὶ ἔποσ ἐσ τὴν Πύλον ταύτην ἔχειν τῶν Ὁμήρου, γένοσ δ’ ἦν ἐκ ποταμοῖοἈλφειοῦ, ὅστ’ εὐρὺ ῥέει Πυλίων διὰ γαίησ,καὶ ἐμὲ ἔπειθον λέγοντεσ·

ῥεῖ γὰρ δὴ διὰ τῆσ χώρασ ταύτησ ὁ Ἀλφειόσ, ἐσ δὲ ἄλλην Πύλον οὐκ ἔστιν ἐπενεγκεῖν τὸ ἔποσ· Πυλίων γὰρ τῶν ὑπὲρ νήσου τῆσ Σφακτηρίασ οὐ πέφυκεν ἀρχὴν διοδεύειν τὴν γῆν ὁ Ἀλφειόσ, οὐ μὴν οὐδὲ ἐν τῇ Ἀρκάδων Πύλον ποτὲ ὀνομασθεῖσαν ἴσμεν πόλιν. ἀπέχει δὲ ὡσ πεντήκοντα Ὀλυμπίασ σταδίουσ κώμη τε Ἠλείων Ἡράκλεια καὶ πρὸσ αὐτῇ Κύθηροσ ποταμόσ·

πηγὴ δὲ ἐκδιδοῦσα ἐσ τὸν ποταμὸν καὶ νυμφῶν ἐστιν ἱερὸν ἐπὶ τῇ πηγῇ. ὀνόματα δὲ ἰδίᾳ μὲν ἑκάστῃ τῶν νυμφῶν Καλλιφάεια καὶ Συνάλλασισ καὶ Πηγαία τε καὶ Ιἄσισ, ἐν κοινῷ δέ σφισιν ἐπίκλησισ Ιὠνίδεσ. λουομένοισ δὲ ἐν τῇ πηγῇ καμάτων τέ ἐστι καὶ ἀλγημάτων παντοίων ἰάματα· ἀπὸ Ιὤνοσ λέγουσι τοῦ Γαργηττοῦ, μετοικήσαντοσ ἐνταῦθα ἐξ Ἀθηνῶν.

εἰ δὲ ἐλθεῖν ἐσ Ἦλιν διὰ τοῦ πεδίου θελήσειασ, σταδίουσ μὲν εἴκοσι καὶ ἑκατὸν ἐσ Λετρίνουσ ἕξεισ, ὀγδοήκοντα δὲ ἐκ Λετρίνων καὶ ἑκατὸν ἐπὶ Ἦλιν.

τὸ μὲν δὴ ἐξ ἀρχῆσ πόλισμα ἦν οἱ Λετρῖνοι, καὶ Λετρεὺσ ὁ Πέλοποσ ἐγεγόνει σφίσιν οἰκιστήσ· ἐπ’ ἐμοῦ δὲ οἰκήματά τε ἐλείπετο ὀλίγα καὶ Ἀλφειαίασ Ἀρτέμιδοσ ἄγαλμα ἐν ναῷ. γενέσθαι δὲ τὴν ἐπίκλησιν τῇ θεῷ λέγουσιν ἐπὶ λόγῳ τοιῷδε·

ἐρασθῆναι τῆσ Ἀρτέμιδοσ τὸν Ἀλφειόν, ἐρασθέντα δέ, ὡσ ἐπέγνω μὴ γενήσεσθαί οἱ διὰ πειθοῦσ καὶ δεήσεωσ τὸν γάμον, ἐπιτολμᾶν ὡσ βιασόμενον τὴν θεόν, καὶ αὐτὸν ἐσ παννυχίδα ἐσ Λετρίνουσ ἐλθεῖν ὑπὸ αὐτῆσ τε ἀγομένην τῆσ Ἀρτέμιδοσ καὶ νυμφῶν αἷσ παίζουσα συνῆν αὐτῇ· τὴν δὲ ‐ ἐν ὑπονοίᾳ γὰρ τοῦ Ἀλφειοῦ τὴν ἐπιβουλὴν ἔχειν ‐ ἀλείψασθαι τὸ πρόσωπον πηλῷ καὶ αὐτὴν καὶ ὅσαι τῶν νυμφῶν παρῆσαν, καὶ τὸν Ἀλφειόν, ὡσ ἐσῆλθεν, οὐκ ἔχειν αὐτὸν ἀπὸ τῶν ἄλλων διακρῖναι τὴν Ἄρτεμιν, ἅτε δὲ οὐ διαγινώσκοντα ἀπελθεῖν ἐπὶ ἀπράκτῳ τῷ ἐγχειρήματι. Λετριναῖοι μὲν δὴ Ἀλφειαίαν ἐκάλουν τὴν θεὸν ἐπὶ τοῦ Ἀλφειοῦ τῷ ἐσ αὐτὴν ἔρωτι·

ὀνομασθῆναι.

Ἐλαφιαίαν δὲ ἐκάλουν οἱ Ἠλεῖοι τὴν Ἄρτεμιν ἐπὶ τῶν ἐλάφων ἐμοὶ δοκεῖν τῇ θήρᾳ·

αὐτοὶ δὲ γυναικὸσ ἐπιχωρίασ ὄνομα εἶναι τὴν Ἐλάφιον καὶ ὑπὸ ταύτησ τραφῆναι τὴν Ἄρτεμίν φασι. Λετρίνων δὲ ὅσον τε ἕξ ἀπωτέρω σταδίοισ ἐστὶν ἀέναοσ λίμνη τριῶν που τὴν διάμετρον σταδίων μάλιστα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Ἠλιακῶν Β, chapter 22

(파우사니아스, Description of Greece, Ἠλιακῶν Β, chapter 22)

상위

목록

SEARCH

MENU NAVIGATION