헬라어 문장 검색 - Παυσαν́Δεσξριπ́6́21́

(파우사니아스, Description of Greece, Ἠλιακῶν Β, chapter 21)

τὸ δὲ ἕτερον τοῦ ἱπποδρόμου μέροσ οὐ χῶμα γῆσ ἐστιν, ὄροσ δὲ οὐχ ὑψηλόν. ἐπὶ τῷ πέρατι τοῦ ὄρουσ ἱερὸν πεποίηται Δήμητρι ἐπίκλησιν Χαμύνῃ· καὶ οἱ μὲν ἀρχαῖον τὸ ὄνομα ἥγηνται, χανεῖν γὰρ τὴν γῆν ἐνταῦθα τὸ ἁρ́μα τοῦ Αἵδου καὶ αὖθισ μύσαι· οἱ δὲ Χάμυνον ἄνδρα Πισαῖον Πανταλέοντι ἐναντιούμενον τῷ Ὀμφαλίωνοσ τυραννοῦντι ἐν Πίσῃ καὶ ἀπόστασιν βουλεύοντι ἀπὸ Ἠλείων, ἀποθανεῖν φασιν αὐτὸν ὑπὸ τοῦ Πανταλέοντοσ καὶ ἀπὸ τοῦ Χαμύνου τῆσ οὐσίασ τῇ Δήμητρι οἰκοδομηθῆναι τὸ ἱερόν. ἀγάλματα δὲ ἀντὶ τῶν ἀρχαίων Κόρην καὶ Δήμητρα λίθου τοῦ Πεντελῆσιν Ἀθηναῖοσ ἀνέθηκεν Ἡρώδησ.

ἐν τῷ γυμνασίῳ τῷ ἐν Ὀλυμπίᾳ πεντάθλοισ μὲν καθεστήκασιν ἐν αὐτῷ καὶ δρομεῦσιν αἱ μελέται, κρηπὶσ δὲ ἐν τῷ ὑπαίθρῳ λίθου πεποίηται·

τὸ δὲ ἐξ ἀρχῆσ καὶ τρόπαιον κατὰ Ἀρκάδων ἐπὶ τῇ κρηπῖδι εἱστήκει. ἔστι δὲ καὶ ἄλλοσ ἐλάσσων περίβολοσ ἐν ἀριστερᾷ τῆσ ἐσόδου τῆσ ἐσ τὸ γυμνάσιον, καὶ αἱ παλαῖστραι τοῖσ ἀθληταῖσ εἰσιν ἐνταῦθα· τῆσ στοᾶσ δὲ τῆσ πρὸσ ἀνίσχοντα ἥλιον τοῦ γυμνασίου προσεχεῖσ τῷ τοίχῳ τῶν ἀθλητῶν εἰσιν αἱ οἰκήσεισ, ἐπί τε ἄνεμον τετραμμέναι Λίβα καὶ ἡλίου δυσμάσ. τάφοσ τε Οἰνομάου γῆσ χῶμα περιῳκοδομημένον λίθοισ ἐστὶ καὶ ὑπὲρ τοῦ μνήματοσ ἐρείπια οἰκοδομημάτων, ἔνθα τῷ Οἰνομάῳ τὰσ ἵππουσ αὐλίζεσθαι λέγουσιν.

ὁρ́οι δὲ πρὸσ Ἀρκάδασ τῆσ χώρασ τὰ μὲν παρόντα Ἠλείοισ, τὰ δὲ ἐξ ἀρχῆσ οἱ αὐτοὶ Πισαίοισ καθεστήκεσαν ἀνέχοντεσ κατὰ τάδε.

διαβάντων δὲ ποταμὸν Ἐρύμανθον κατὰ τὴν Σαύρου καλουμένην δειράδα τοῦ Σαύρου τε μνῆμα καὶ ἱερόν ἐστιν Ἡρακλέουσ, ἐρείπια ἐφ’ ἡμῶν· λέγουσι δὲ ὡσ ὁδοιπόρουσ τε καὶ τοὺσ προσοικοῦντασ ὁ Σαῦροσ ἐκακούργει, πρὶν ἢ παρὰ Ἡρακλέουσ τὴν δίκην ἔσχε. κατὰ ταύτην τὴν ἐπώνυμον τοῦ λῃστοῦ δειράδα ποταμὸσ ἀπὸ μεσημβρίασ κατιὼν ἐσ τὸν Ἀλφειὸν καταντικρὺ τοῦ Ἐρυμάνθου μάλιστα, οὗτόσ ἐστιν ὁ τὴν Πισαίαν πρὸσ Ἀρκάδασ διορίζων, ὄνομα δέ οἱ Διάγων.

τεσσαράκοντα δὲ ἀπὸ τῆσ Σαύρου δειράδοσ προελθόντι στάδια ἔστιν Ἀσκληπιοῦ ναόσ, ἐπίκλησιν μὲν Δημαινέτου ἀπὸ τοῦ ἱδρυσαμένου, ἐρείπια δὲ καὶ αὐτόσ· ᾠκοδομήθη δὲ ἐπὶ τοῦ ὑψηλοῦ παρὰ τὸν Ἀλφειόν. τούτου δὲ οὐ πόρρω ἱερὸν Διονύσου Λευκυανίτου πεποίηται, καὶ ποταμὸσ παρέξεισι ταύτῃ Λευκυανίασ·

ἐκδίδωσι μὲν οὖν καὶ οὗτοσ ἐσ τὸν Ἀλφειόν, κάτεισι δὲ ἐκ Φολόησ τοῦ ὄρουσ. διαβήσῃ τε δὴ τὸ ἀπὸ τούτου τὸν Ἀλφειὸν καὶ ἐντὸσ γῆσ ἔσῃ τῆσ Πισαίασ. ἐν ταύτῃ τῇ χώρᾳ λόφοσ ἐστὶν ἀνήκων ἐσ ὀξύ, ἐπὶ δὲ αὐτῷ πόλεωσ Φρίξασ ἐρείπια καὶ Ἀθηνᾶσ ἐστιν ἐπίκλησιν Κυδωνίασ ναόσ.

οὗτοσ μὲν οὐ τὰ πάντα ἐστὶ σῶσ, βωμὸσ δὲ καὶ ἐσ ἐμὲ ἔτι· ἱδρύσασθαι δὲ τῇ θεῷ τὸ ἱερὸν Κλύμενόν φασιν ἀπόγονον Ἡρακλέουσ τοῦ Ἰδαίου, παραγενέσθαι δὲ αὐτὸν ἀπὸ Κυδωνίασ τῆσ Κρητικῆσ καὶ τοῦ Ιἀρδάνου ποταμοῦ.

λέγουσι δὲ καὶ Πέλοπα οἱ Ἠλεῖοι τῇ Ἀθηνᾷ θῦσαι τῇ Κυδωνίᾳ πρὶν ἢ ἐσ τὸν ἀγῶνα αὐτὸν τῷ Οἰνομάῳ καθίστασθαι. προϊόντι δὲ ἐντεῦθεν τό τε ὕδωρ τῆσ Παρθενίασ ἐστὶ καὶ πρὸσ τῷ ποταμῷ τάφοσ ἵππων τῶν Μάρμακοσ·

Ἱπποδαμείασ δὲ μνηστῆρα ἔχει λόγοσ ἀφικέσθαι πρῶτον τοῦτον Μάρμακα καὶ ἀποθανεῖν ὑπὸ τοῦ Οἰνομάου πρὸ τῶν ἄλλων, ὀνόματα δὲ αὐτοῦ ταῖσ ἵπποισ Παρθενίαν τε εἶναι καὶ Ἐρίφαν ‐ Οἰνόμαον δὲ ἐπικατασφάξαι μὲν τὰσ ἵππουσ τῷ Μάρμακι, μεταδοῦναι μέντοι καὶ ταύταισ ταφῆναι ‐ , καὶ ὄνομα Παρθενίασ τῷ ποταμῷ ἀπὸ ἵππου τῆσ Μάρμακοσ. ἔστι δὲ καὶ ἄλλοσ Ἁρπινάτησ καλούμενοσ ποταμὸσ καὶ οὐ πολὺ ἀπὸ τοῦ ποταμοῦ πόλεωσ Ἁρπίνησ ἄλλα τε ἐρείπια καὶ μάλιστα οἱ βωμοί·

οἰκίσαι δὲ Οἰνόμαον τὴν πόλιν καὶ θέσθαι τὸ ὄνομα ἀπὸ τῆσ μητρὸσ λέγουσιν Ἁρπίνησ. προελθόντι δὲ οὐ πολὺ γῆσ χῶμά ἐστιν ὑψηλόν, τῶν μνηστήρων τῶν Ἱπποδαμείασ τάφοσ.

Οἰνόμαον μὲν οὖν ἐγγὺσ ἀλλήλων κρύπτειν γῇ φασιν οὐκ ἐπιφανῶσ αὐτούσ· Πέλοψ δὲ ὕστερον μνῆμα ἐν κοινῷ σφισιν ἐπὶ μέγα ἐξῆρε τιμῇ τῇ ἐσ αὐτοὺσ καὶ Ἱπποδαμείασ χάριτι, δοκεῖν δέ μοι καὶ ὑπόμνημα ἐσ τοὺσ ἔπειτα ὅσων τε καὶ οἱών τὸν Οἰνόμαον κρατήσαντα ἐνίκησεν αὐτόσ. ἀπέθανον δὲ ὑπὸ τοῦ Οἰνομάου κατὰ τὰ ἔπη τὰσ μεγάλασ Ηοἴασ Ἀλκάθουσ ὁ Πορθάονοσ, δεύτεροσ οὗτοσ ἐπὶ τῷ Μάρμακι, μετὰ δὲ Ἀλκάθουν Εὐρύαλοσ καὶ Εὐρύμαχόσ τε καὶ Κρόταλοσ·

τούτων μὲν οὖν γονέασ τε καὶ πατρίδασ οὐχ οἱᾶ́ τε ἦν πυθέσθαι μοι, τὸν δὲ ἀποθανόντα ἐπ’ αὐτοῖσ Ἀκρίαν τεκμαίροιτο ἄν τισ Λακεδαιμόνιόν τε εἶναι καὶ οἰκιστὴν Ἀκριῶν.

ἐπὶ δὲ τῷ Ἀκρίᾳ Κάπετόν φασιν ὑπὸ τοῦ Οἰνομάου φονευθῆναι καὶ Λυκοῦργον Λάσιόν τε καὶ Χαλκώδοντα καὶ Τρικόλωνον· ἀπόγονον δὲ αὐτὸν εἶναι καὶ ὁμώνυμον Τρικολώνῳ τῷ Λυκάονοσ λέγουσιν οἱ Ἀρκάδεσ. Τρικολώνου δὲ ὕστερον ἐπέλαβεν ἐν τῷ δρόμῳ τὸ χρεὼν Ἀριστόμαχόν τε καὶ Πρίαντα, ἔτι δὲ Πελάγοντα καὶ Αἰόλιόν τε καὶ Κρόνιον.

οἱ δὲ καὶ ἐπαριθμοῦσι τοῖσ κατειλεγμένοισ Ἐρύθραν παῖδα Λεύκωνοσ τοῦ Ἀθάμαντοσ ‐ ἀπὸ τούτου Ἐρυθραὶ πόλισμα ἐκαλεῖτο Βοιωτῶν ‐ καὶ Ηιὀνέα Μάγνητοσ τοῦ Αἰόλου. τούτοισ μὲν δὴ ἐνταῦθά ἐστι τὸ μνῆμα, καὶ τὸν Πέλοπα, ἡνίκα τῶν Πισαίων ἔσχε τὴν ἀρχήν, φασὶν ἐναγίζειν αὐτοῖσ ἀνὰ πᾶν ἔτοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Ἠλιακῶν Β, chapter 21

(파우사니아스, Description of Greece, Ἠλιακῶν Β, chapter 21)

상위

목록

SEARCH

MENU NAVIGATION