헬라어 문장 검색 - Παυσαν́Δεσξριπ́6́17́

(파우사니아스, Description of Greece, Ἠλιακῶν Β, chapter 17)

ταῦτα μὲν δὴ τὰ ἀξιολογώτατα ἀνδρὶ ποιουμένῳ τὴν ἔφοδον ἐν τῇ Ἄλτει κατὰ τὰ ἡμῖν εἰρημένα· εἰ δὲ ἀπὸ τοῦ Λεωνιδαίου πρὸσ τὸν βωμὸν τὸν μέγαν ἀφικέσθαι τῇ δεξιᾷ θελήσειασ, τοσάδε ἔστι σοι τῶν ἀνηκόντων ἐσ μνήμην. Δημοκράτησ Τενέδιοσ καὶ Ἠλεῖοσ Κριάννιοσ, οὗτοσ μὲν ὅπλου λαβὼν νίκην, Δημοκράτησ δὲ ἀνδρῶν πάλησ· ἀνδριάντασ δὲ τοῦ μὲν Μιλήσιοσ Διονυσικλῆσ, τοῦ δὲ Κριαννίου Μακεδὼν Λῦσόσ ἐστιν ὁ ἐργασάμενοσ.

Κλαζομενίου δὲ Ἡροδότου καὶ Φιλίνου τοῦ Ἡγεπόλιδοσ Κῴου ἀνέθεσαν τὰσ εἰκόνασ αἱ πόλεισ, Κλαζομένιοι μὲν ὅτι ἐν Ὀλυμπίᾳ Κλαζομενίων πρῶτοσ ἀνηγορεύθη νικῶν Ἡρόδοτοσ, ἡ δέ οἱ νίκη σταδίου γέγονεν ἐν παισί, Φιλῖνον δὲ οἱ Κῷοι δόξησ ἕνεκα ἀνέθεσαν·

ἐν μέν γε Ὀλυμπίᾳ δρόμου γεγόνασιν αὐτῷ νῖκαι πέντε, τέσσαρεσ δὲ Πυθοῖ καὶ ἴσαι Νεμείων, ἐν δὲ Ἰσθμῷ μία ἐπὶ ταῖσ δέκα. Πτολεμαῖον δὲ τὸν Πτολεμαίου τοῦ Λάγου Ἀριστόλαοσ ἀνέθηκε Μακεδὼν ἀνήρ.

ἀνάκειται δὲ καὶ πύκτησ κρατήσασ ἐν παισὶ Βούτασ Πολυνείκουσ Μιλήσιοσ, καὶ Καλλικράτησ ἀπὸ τῆσ ἐπὶ Ληθαίῳ Μαγνησίασ ἐπὶ τῷ ὁπλίτῃ δρόμῳ στεφάνουσ δύο ἀνῃρημένοσ· Λυσίππου δὲ ἔργον ἡ τοῦ Καλλικράτουσ ἐστὶν εἰκών. Ἐνατίωνι δὲ καὶ Ἀλεξιβίῳ, τῷ μὲν ἐν παισὶ σταδίου, Ἀλεξιβίῳ δὲ πεντάθλου γέγονε νίκη, καὶ Ἡραία τε Ἀρκάδων ἐστὶν αὐτῷ πατρὶσ καὶ Ἀκέστωρ ὁ τὴν εἰκόνα εἰργασμένοσ·

Ἐνατίωνα δὲ ἧστινοσ ἦν οὐ δηλοῖ τὸ ἐπίγραμμα, ὅτι δὲ τοῦ Ἀρκάδων ἦν ἔθνουσ δηλοῖ. Κολοφώνιοι δὲ Ἑρμησιάναξ Ἀγονέου καὶ Εἰκάσιοσ Λυκίνου τε ὢν καὶ τῆσ Ἑρμησιάνακτοσ θυγατρὸσ κατεπάλαισαν μὲν παῖδασ ἀμφότεροι, Ἑρμησιάνακτι δὲ καὶ ἀπὸ τοῦ κοινοῦ τοῦ Κολοφωνίων ὑπῆρξεν ἀνατεθῆναι τὴν εἰκόνα. τούτων δέ εἰσιν Ἠλεῖοι πλησίον πυγμῇ παῖδασ κρατήσαντεσ, ὁ μὲν Σθέννιδοσ ἔργον τοῦ Ὀλυνθίου Χοιρίλοσ, Θεότιμοσ δὲ Δαιτώνδα Σικυωνίου·

παῖσ δὲ ὁ Θεότιμοσ ἦν Μοσχίωνοσ, Ἀλεξάνδρῳ τῷ Φιλίππου τῆσ ἐπὶ Δαρεῖον καὶ Πέρσασ στρατείασ μετασχόντοσ.

δύο δὲ αὖθισ ἐξ Ἤλιδοσ, Ἀρχίδαμοσ τεθρίππῳ νενικηκὼσ καὶ Ἐπέραστόσ ἐστιν ὁ Θεογόνου ὅπλου νίκην ἀνῃρημένοσ· εἶναι δὲ καὶ μάντισ ὁ Ἐπέραστοσ τοῦ Κλυτιδῶν γένουσ φησὶν ἐπὶ τοῦ ἐπιγράμματοσ τῇ τελευτῇ,τῶν δ’ ἱερογλώσσων Κλυτιδᾶν γένοσ εὔχομαι εἶναιμάντισ, ἀπ’ ἰσοθέων αἷμα Μελαμποδιδᾶν.

Μελάμποδοσ γὰρ ἦν τοῦ Ἀμυθάονοσ Μάντιοσ, τοῦ δὲ Οἰκλῆσ, Κλυτίοσ δὲ Ἀλκμαίωνοσ τοῦ Ἀμφιαράου τοῦ Οἰ̈κλέουσ· ἐγεγόνει δὲ τῷ Ἀλκμαίωνι ὁ Κλυτίοσ ἐκ τῆσ Φηγέωσ θυγατρὸσ καὶ ἐσ τὴν Ἦλιν μετῴκησε, τοῖσ ἀδελφοῖσ εἶναι τῆσ μητρὸσ σύνοικοσ φεύγων, ἅτε τοῦ Ἀλκμαίωνοσ ἐπιστάμενοσ σφᾶσ εἰργασμένουσ τὸν φόνον. ἀνδριάντασ δὲ ἀναμεμιγμένουσ οὐκ ἐπιφα<νέ>σιν ἄγαν ἀναθήμασιν Ἀλεξίνικόν τε Ἠλεῖον, τέχνην τοῦ Σικυωνίου Κανθάρου, πάλησ ἐν παισὶν ἀνῃρημένον νίκην, καὶ τὸν Λεοντῖνον Γοργίαν ἰδεῖν ἔστιν·

ἀναθεῖναι δὲ τὴν εἰκόνα ἐσ Ὀλυμπίαν φησὶν Εὔμολποσ ἀπόγονοσ τρίτοσ Δηικράτουσ συνοικήσαντοσ ἀδελφῇ τῇ Γοργίου. οὗτοσ ὁ Γοργίασ πατρὸσ μὲν ἦν Χαρμαντίδου, λέγεται δὲ ἀνασώσασθαι μελέτην λόγων πρῶτοσ ἠμελημένην τε ἐσ ἅπαν καὶ ἐσ λήθην ὀλίγου δεῖν ἥκουσαν ἀνθρώποισ·

εὐδοκιμῆσαι δὲ Γοργίαν λόγων ἕνεκα ἔν τε πανηγύρει τῇ Ὀλυμπικῇ φασι καὶ ἀφικόμενον κατὰ πρεσβείαν ὁμοῦ Τισίᾳ παρ’ Ἀθηναίουσ. καίτοι ἄλλα τε Τισίασ ἐσ λόγουσ ἐσηνέγκατο καὶ πιθανώτατα τῶν καθ’ αὑτὸν γυναικὶ Συρακουσίᾳ χρημάτων ἔγραψεν ἀμφισβήτησιν·

ἀλλά γε ἐκείνου τε ἐσ πλέον τιμῆσ ἀφίκετο ὁ Γοργίασ παρὰ Ἀθηναίοισ, καὶ Ιἄσων ἐν Θεσσαλίᾳ τυραννήσασ Πολυκράτουσ, οὐ τὰ ἔσχατα ἐνεγκαμένου διδασκαλείου τοῦ Ἀθήνῃσι, τούτου τοῦ ἀνδρὸσ ἐπίπροσθεν αὐτὸν ὁ Ιἄσων ἐποιήσατο.

βιῶναι δὲ ἔτη Γοργίαν πέντε φασὶν ἐπὶ τοῖσ ἑκατόν· Λεοντίνων <δὲ> ἐρημωθεῖσάν ποτε ὑπὸ Συρακουσίων τὴν πόλιν κατ’ ἐμὲ αὖθισ συνέβαινεν οἰκεῖσθαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Ἠλιακῶν Β, chapter 17

(파우사니아스, Description of Greece, Ἠλιακῶν Β, chapter 17)

상위

목록

SEARCH

MENU NAVIGATION