헬라어 문장 검색 - Παυσαν́Δεσξριπ́6́03́

(파우사니아스, Description of Greece, Ἠλιακῶν Β, chapter 3)

Δαμίσκου δὲ ἐγγύτατα ἕστηκεν ἀνὴρ ὅστισ δή, τὸ γὰρ ὄνομα οὐ λέγουσιν ἐπ’ αὐτῷ, Πτολεμαίου δὲ ἀνάθημά ἐστι τοῦ Λάγου· Μακεδόνα δὲ αὑτὸν ὁ Πτολεμαῖοσ ἐν τῷ ἐπιγράμματι ἐκάλεσε, βασιλεύων ὅμωσ Αἰγύπτου. εἰργασμένοσ Ἀστερίων Αἰσχύλου.

μετὰ δὲ τὸν Χαιρέαν Μεσσήνιόσ τε παῖσ Σόφιοσ καὶ ἀνὴρ Ἠλεῖοσ ἀνάκειται Στόμιοσ, καὶ τῷ μὲν τοὺσ συνθέοντασ τῶν παίδων παρελθεῖν, Στομίῳ δὲ πενταθλοῦντι ἐν Ὀλυμπίᾳ καὶ Νεμείων τρεῖσ ὑπῆρξεν ἀνελέσθαι νίκασ.

τὸ δὲ ἐπίγραμμα τὸ ἐπ’ αὐτῷ καὶ τάδε ἐπιλέγει, τῆσ ἵππου τε Ἠλείοισ αὐτὸν ἡγούμενον ἀναστῆσαι τρόπαια καὶ ἄνδρα τοῖσ πολεμίοισ στρατηγοῦντα ἀποθανεῖν ὑπὸ τοῦ Στομίου, μονομαχήσαντά οἱ κατὰ πρόκλησιν· εἶναι δὲ αὐτὸν ἐκ Σικυῶνοσ οἱ Ἠλεῖοί φασι καὶ ἄρχειν Σικυωνίων, στρατεῦσαι δὲ ἐπὶ Σικυῶνα αὐτοὶ φιλίᾳ Θηβαίων ὁμοῦ τῇ ἐκ Βοιωτίασ δυνάμει.

φαίνοιτο ἂν οὖν ἡ ἐπὶ Σικυῶνα Ἠλείων καὶ Θηβαίων στρατεία γεγενῆσθαι μετὰ τὸ ἀτύχημα Λακεδαιμονίων τὸ ἐν Λεύκτροισ. ἐφεξῆσ δὲ ἀνάκειται μὲν πύκτησ ἐκ Λεπρέου τοῦ Ἠλείων, Λάβαξ Εὔφρονοσ, ἀνάκειται δὲ καὶ ἐξ αὐτῆσ Ἤλιδοσ παλαιστὴσ ἀνὴρ Ἀριστόδημοσ Θράσιδοσ·

γεγόνασι δὲ αὐτῷ καὶ Πυθοῖ δύο νῖκαι, ἡ δὲ εἰκών ἐστι τοῦ Ἀριστοδήμου τέχνη Δαιδάλου τοῦ Σικυωνίου, μαθητοῦ καὶ πατρὸσ Πατροκλέουσ. Ἵππον δὲ Ἠλεῖον πυγμῇ παῖδασ κρατήσαντα ἐποίησε Δαμόκριτοσ Σικυώνιοσ, ὃσ ἐσ πέμπτον διδάσκαλον ἀνῄει τὸν Ἀττικὸν Κριτίαν·

Πτόλιχοσ μὲν γὰρ ἔμαθεν ὁ Κορκυραῖοσ παρ’ αὐτῷ Κριτίᾳ, Πτολίχου δὲ ἦν μαθητὴσ Ἀμφίων, Πίσων δὲ ἀνὴρ ἐκ Καλαυρείασ ἐδιδάχθη παρ’ Ἀμφίονι, ὁ δὲ παρὰ τῷ Πίσωνι Δαμόκριτοσ. Κρατῖνοσ δὲ ἐξ Αἰγείρασ τῆσ Ἀχαιῶν τότε ἐγένετο κάλλιστοσ τῶν ἐφ’ ἑαυτοῦ καὶ σὺν τέχνῃ μάλιστα ἐπάλαισε, καταπαλαίσαντι δὲ αὐτῷ τοὺσ παῖδασ προσαναστῆσαι καὶ τὸν παιδοτρίβην ὑπὸ Ἠλείων ἐδόθη·

τὸν δὲ ἀνδριάντα ἐποίησε Σικυώνιοσ Κάνθαροσ, Ἀλέξιδοσ μὲν πατρόσ, διδασκάλου δὲ ὢν Εὐτυχίδου.

Εὐπολέμου δὲ Ἠλείου τὴν μὲν εἰκόνα Σικυώνιοσ εἴργασται Δαίδαλοσ·

τὸ δὲ ἐπίγραμμα τὸ ἐπ’ αὐτῷ μηνύει σταδίου μὲν ἀνδρῶν Ὀλυμπίασι νίκην ἀνελέσθαι τὸν Εὐπόλεμον, εἶναι δὲ καὶ δύο Πυθικοὺσ αὐτῷ πεντάθλου στεφάνουσ καὶ ἄλλον Νεμείων. λέγεται δὲ ἐπὶ τῷ Εὐπολέμῳ καὶ τάδε, ὡσ ἐφεστήκοιεν τρεῖσ ἐπὶ τῷ δρόμῳ τῷ πέρατι Ἑλλανοδίκαι, νικᾶν δὲ τῷ μὲν Εὐπολέμῳ δύο ἐξ αὐτῶν δοῖεν, ὁ τρίτοσ δὲ Ἀμβρακιώτῃ Λέοντι, καὶ ὡσ χρημάτων καταδικάσαιτο ὁ Λέων ἐπὶ τῆσ Ὀλυμπικῆσ βουλῆσ ἑκατέρου τῶν Ἑλλανοδικῶν οἳ νικᾶν τὸν Εὐπόλεμον ἔγνωσαν. Οἰβώτα δὲ τὸν μὲν ἀνδριάντα Ἀχαιοὶ κατὰ πρόσταγμα ἀνέθεσαν τοῦ ἐν Δελφοῖσ Ἀπόλλωνοσ ἐπὶ Ὀλυμπιάδοσ ὀγδοηκοστῆσ·

ἡ δὲ τοῦ σταδίου νίκη τῷ Οἰβώτᾳ γέγονεν Ὀλυμπιάδι ἕκτῃ. πῶσ ἂν οὖν τήν γε ἐν Πλαταιαῖσ μάχην μεμαχημένοσ ὁ Οἰβώτασ εἰή μετὰ Ἑλλήνων; πέμπτῃ γὰρ ἐπὶ τῇ ἑβδομηκοστῇ Ὀλυμπιάδι τὸ πταῖσμα ἐγένετο <τὸ> ἐν Πλαταιαῖσ Μαρδονίῳ καὶ Μήδοισ. ἐμοὶ μὲν οὖν λέγειν μὲν τὰ ὑπὸ Ἑλλήνων λεγόμενα ἀνάγκη, πείθεσθαι δὲ πᾶσιν οὐκέτι ἀνάγκη. τὰ δὲ ἄλλα ὁποῖα τὰ συμβάντα ἦν ἐσ τὸν Οἰβώταν, τῇ ἐσ Ἀχαιοὺσ προσέσται μοι συγγραφῇ. Ἀντιόχου δὲ ἀνδριάντα ἐποίησε μὲν Νικόδαμοσ, γένοσ δὲ ὁ Ἀντίοχοσ ἦν ἐκ Λεπρέου·

παγκρατίῳ δὲ ἄνδρασ ἐν Ὀλυμπίᾳ μὲν ἐκράτησεν ἅπαξ, ἐν Ἰσθμῷ δὲ καὶ Νεμέᾳ δὶσ πεντάθλῳ ἐν ἑκατέρῳ τῷ ἀγῶνι. οὐ γάρ τι Ἰσθμίων Λεπρεάταισ δεῖμα ὥσπερ γε αὐτοῖσ ἐστιν Ἠλείοισ, ἐπεὶ Ὕσμωνί γε τῷ Ἠλείῳ ‐ πλησίον δὲ τοῦ Ἀντιόχου καὶ Ὕσμων οὗτοσ ἕστηκε ‐ τούτῳ τῷ ἀνδρὶ ἀθλήσαντι πένταθλον ἥ τε Ὀλυμπικὴ νίκη καὶ Νεμείων γέγονεν ἡ ἑτέρα, Ἰσθμίων δὲ δῆλα ὡσ καὶ οὗτοσ κατὰ ταὐτὰ Ἠλείοισ τοῖσ ἄλλοισ εἴργετο. λέγεται δὲ παιδὶ ἔτι ὄντι τῷ Ὕσμωνι κατασκῆψαι ῥεῦμα ἐσ τὰ νεῦρα, καὶ αὐτὸν ἐπὶ τούτῳ μελετῆσαι πένταθλον, ἵνα δὴ ἐκ τῶν πόνων ὑγιήσ τε καὶ ἄνοσοσ ἀνὴρ εἰή·

τῷ δὲ ἄρα τὸ μάθημα καὶ νίκασ ἔμελλεν ἐπιφανεῖσ οὕτω παρασκευάσειν. ὁ δὲ ἀνδριὰσ αὐτῷ Κλέωνοσ μέν ἐστιν ἔργον, ἔχει δὲ ἁλτῆρασ ἀρχαίουσ. μετὰ δὲ Ὕσμωνα παλαιστὴσ παῖσ ἐξ Ἡραίασ ἀνάκειται τῆσ Ἀρκάδων, Νικόστρατοσ Ξενοκλείδου·

Παντίασ δὲ αὐτῷ τὴν εἰκόνα ἐποίησεν, ὃσ ἀπὸ Ἀριστοκλέουσ τοῦ Σικυωνίου καταριθμουμένῳ τοὺσ διδαχθέντασ ἕβδομοσ ἀπὸ τούτου <ἦν> μαθητήσ. Δίκων δὲ ὁ Καλλιβρότου πέντε μὲν Πυθοῖ δρόμου νίκασ, τρεῖσ δὲ ἀνείλετο Ἰσθμίων, τέσσαρασ δὲ ἐν Νεμέᾳ, καὶ Ὀλυμπικὰσ μίαν μὲν ἐν παισί, δύο δὲ ἄλλασ ἀνδρῶν·

καί οἱ καὶ ἀνδριάντεσ ἴσοι ταῖσ νίκαισ εἰσὶν ἐν Ὀλυμπίᾳ. παιδὶ μὲν δὴ ὄντι αὐτῷ Καυλωνιάτῃ, καθάπερ γε καὶ ἦν, ὑπῆρξεν ἀναγορευθῆναι· τούτου Συρακούσιον αὑτὸν ἀνηγόρευσεν ἐπὶ χρήμασι.

Καυλωνία δὲ ἀπῳκίσθη μὲν ἐσ Ἰταλίαν ὑπὸ Ἀχαιῶν, οἰκιστὴσ δὲ ἐγένετο αὐτῆσ Τύφων Αἰγιεύσ·

Πύρρου δὲ τοῦ Αἰακίδου καὶ Ταραντίνων ἐσ τὸν πρὸσ Ῥωμαίουσ πόλεμον καταστάντων ἄλλαι τε τῶν ἐν Ἰταλίᾳ πόλεων ἐγένοντο αἱ μὲν ὑπὸ Ῥωμαίων, αἱ δὲ ὑπὸ τῶν Ἠπειρωτῶν ἀνάστατοι, κατέλαβε δὲ ἐσ ἅπαν ἐρημωθῆναι καὶ τὴν Καυλωνίαν ἁλοῦσαν ὑπὸ Καμπανῶν, οἳ Ῥωμαίοισ μεγίστη τοῦ συμμαχικοῦ μοῖρα ἦσαν. ἐπὶ δὲ τῷ Δίκωνι ἀνάκειται μὲν Ξενοφῶν Μενεφύλου παγκρατιαστὴσ ἀνὴρ ἐξ Αἰγίου τῆσ Ἀχαιῶν, ἀνάκειται δὲ Πυριλάμπησ Ἐφέσιοσ λαβὼν δολίχου νίκην.

τοῦ μὲν δὴ τὴν εἰκόνα ἐποίησεν Ὄλυμποσ, Πυριλάμπει δὲ ὁμώνυμοσ καὶ ὁ πλάστησ, γένοσ δὲ οὐ Σικυώνιοσ, ἀλλὰ ἐκ Μεσσήνησ τῆσ ὑπὸ τῇ Ἰθώμῃ. Λύσανδρον δὲ τὸν Ἀριστοκρίτου Σπαρτιάτην ἀνέθεσαν ἐν Ὀλυμπίᾳ Σάμιοι, καὶ αὐτοῖσ τὸ μὲν πρότερον τῶν ἐπιγραμμάτων ἐστὶν ἐν πολυθαήτῳ τεμένει Διὸσ ὑψιμέδοντοσἕστηκ’ ἀνθέντων δημοσίᾳ Σαμίων·

τοῦτο μὲν δὴ τοὺσ τὸ ἀνάθημα ἀναθέντασ μηνύει, τὸ δ’ ἐφεξῆσ ἐσ αὐτὸν ἔπαινόσ ἐστι Λύσανδρον· ἀθάνατον πάτρᾳ καὶ Ἀριστοκρίτῳ κλέοσ ἔργων,Λύσανδρ’, ἐκτελέσασ δόξαν ἔχεισ ἀρετᾶσ. δῆλοι οὖν εἰσιν οἵ τε Σάμιοι καὶ οἱ ἄλλοι Ιὤνεσ, κατὰ τὸ λεγόμενον ὑπ’ αὐτῶν Ιὤνων, τοὺσ τοίχουσ τοὺσ δύο ἐπαλείφοντεσ. Ἀλκιβιάδου μέν γε τριήρεσιν Ἀθηναίων περὶ Ιὠνίαν ἰσχύοντοσ ἐθεράπευον αὐτὸν Ιὤνων οἱ πολλοί, καὶ εἰκὼν Ἀλκιβιάδου χαλκῆ παρὰ τῇ Ἥρᾳ τῇ Σαμίων ἐστὶν ἀνάθημα·

ὡσ δὲ ἐν Αἰγὸσ ποταμοῖσ ἑάλωσαν αἱ ναῦσ αἱ Ἀττικαί, Σάμιοι μὲν ἐσ Ὀλυμπίαν τὸν Λύσανδρον, Ἐφέσιοι δὲ ἐσ τὸ ἱερὸν ἀνετίθεσαν τῆσ Ἀρτέμιδοσ Λύσανδρόν τε αὐτὸν καὶ Ἐτεόνικον καὶ Φάρακα καὶ ἄλλουσ Σπαρτιατῶν ἥκιστα ἔσ γε τὸ Ἑλληνικὸν γνωρίμουσ.

μεταπεσόντων δὲ αὖθισ τῶν πραγμάτων καὶ Κόνωνοσ κεκρατηκότοσ τῇ ναυμαχίᾳ περὶ Κνίδον καὶ ὄροσ τὸ Δώριον ὀνομαζόμενον, οὕτω μετεβάλλοντο οἱ Ιὤνεσ, καὶ Κόνωνα ἀνακείμενον χαλκοῦν καὶ Τιμόθεον ἐν Σάμῳ τε ἔστιν ἰδεῖν παρὰ τῇ Ἥρᾳ καὶ ὡσαύτωσ ἐν Ἐφέσῳ παρὰ τῇ Ἐφεσίᾳ θεῷ.

ταῦτα μέν ἐστιν ἔχοντα οὕτω τὸν ἀεὶ χρόνον, καὶ Ιὤσιν ὡσαύτωσ οἱ πάντεσ ἄνθρωποι θεραπεύουσι τὰ ὑπερέχοντα τῇ ἰσχύι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Ἠλιακῶν Β, chapter 3

(파우사니아스, Description of Greece, Ἠλιακῶν Β, chapter 3)

상위

목록

SEARCH

MENU NAVIGATION