Athenaeus, The Deipnosophists, book 1, chapter 50

(아테나이오스, The Deipnosophists, book 1, chapter 50)

Πίνδαροσ δ’ ἐν τῇ εἰσ Ιἕρωνα Πυθικῇ ᾠδῇ ἀπὸ Ταϋγέτοιο μὲν Λάκαιναν ἐπὶ θηρσὶ κύνα τρέχειν πυκινώτατον ἑρπετόν. Σκύριαι δ’ ἐσ ἄμελξιν γάλακτοσ αἶγεσ ἐξοχώταται· ὅπλα δ’ ἀπ’ Ἄργεοσ, ἁρ́μα Θηβαῖον, ἀλλ’ ἀπὸ τῆσ ἀγλαοκάρπου Σικελίασ ὄχημα δαιδάλεον ματεύειν. Κριτίασ δὲ οὕτωσ· κότταβοσ ἐκ Σικελῆσ ἐστι χθονὸσ ἐκπρεπὲσ ἔργον, ὃν σκοπὸν ἐσ λατάγων τόξα καθιστάμεθα. εἶτα δ’ ὄχοσ Σικελὸσ κάλλει δαπάνῃ τε κράτιστοσ. Θεσσαλικὸσ δὲ θρόνοσ, γυίων τρυφερωτάτη ἕδρα. εὐναίου δὲ λέχουσ κάλλοσ ἔχει Μίλητόσ τε Χίοσ τ’ ἔναλοσ πόλισ Οἰνοπίωνοσ. Τυρσηνὴ δὲ κρατεῖ χρυσότυποσ φιάλη καὶ πᾶσ χαλκὸσ ὅτισ κοσμεῖ δόμον ἔν τινι χρείᾳ. Φοίνικεσ δ’ εὑρ͂ον γράμματα ἀλεξίλογα. Θήβη δ’ ἁρματόεντα δίφρον συνεπήξατο πρώτη·

φορτηγοὺσ δ’ ἀκάτουσ Κᾶρεσ ἁλὸσ ταμίαι. τὸν δὲ τροχὸν γαίασ τε καμίνου τ’ ἔκγονον εὑρ͂ε, κλεινότατον κέραμον, χρήσιμον οἰκονόμον, ἡ τὸ καλὸν Μαραθῶνι καταστήσασα τρόπαιον. καὶ ἐπαινεῖται ὄντωσ ὁ Ἀττικὸσ κέραμοσ. "Κνίδια κεράμια, Σικελικὰ βατάνια, Μεγαρικὰ πιθάκνια. Ἀντιφάνησ δέ·

καὶ νᾶπυ Κύπριον καὶ σκαμωνίασ ὀπὸν καὶ κάρδαμον Μιλήσιον καὶ κρόμμυον Σαμοθρᾴχκιον καὶ καυλὸν ἐκ Καρχηδόνοσ καὶ σίλφιον θύμον τε τῶν Ὑμηττίων ὀρίγανόν τε Τενέδιον.

SEARCH

MENU NAVIGATION