헬라어 문장 검색 - ΑτηενάΤηεΔειπ́1́57́

(아테나이오스, The Deipnosophists, book 1, chapter 59)

τῶν οἴνων ὁ μὲν λευκόσ, ὁ δὲ κιρρόσ, ὁ δὲ μέλασ. καὶ ὁ μὲν λευκὸσ λεπτότατοσ τῇ φύσει, οὐρητικόσ, θερμὸσ πεπτικόσ τε ὢν τὴν κεφαλὴν ποιεῖ διάπυρον ἀνωφερὴσ γὰρ ὁ οἶνοσ. ὁ δὲ μέλασ, ὁ μὴ γλυκάζων, τροφιμώτατοσ, στυπτικόσ· ὁ δὲ γλυκάζων καὶ τῶν λευκῶν καὶ τῶν κιρρῶν τροφιμώτατοσ. λεαίνει γὰρ κατὰ τὴν πάροδον καὶ παχύνων τὰ ὑγρὰ μᾶλλον κεφαλὴν ἧττον παρενοχλεῖ, ὄντωσ γὰρ ἡ τοῦ γλυκέοσ οἴνου φύσισ ἐγχρονίζει περὶ τὰ ὑποχόνδρια καὶ πτυέλου ἐστὶν ἀναγωγόσ, ὡσ Διοκλῆσ καὶ Πραξαγόρασ ἱστοροῦσι. "ὁ μέλασ οἶνόσ ἐστι θρεπτικώτατοσ, ὁ δὲ λευκὸσ οὐρητικώτατοσ καὶ λεπτότατοσ, ὁ δὲ κιρρὸσ ξηρὸσ καὶ τῶν σιτίων πεπτικώτεροσ. οἱ δ’ ἐπιμελέστερον τεθαλαττωμένοι οἶνοι ἀκραίπαλοὶ τέ εἰσι καὶ κοιλίασ λύουσιν ἐπιδάκνουσὶ τε τὸν στόμαχον ἐμφυσήσεισ τε ἐνεργάζονται καὶ συγκατεργάζονται τὴν τροφήν. τοιοῦτοσ δ’ ἐστὶν ὅ τε Μύνδιοσ καὶ ὁ ἀπὸ Ἁλικαρνασσοῦ. ὁ γοῦν κυνικὸσ Μένιπποσ ἁλμοπότιν τὴν Μύνδον φησίν. ἱκανῶσ δὲ καὶ ὁ Κῷοσ τεθαλάττωται. καὶ ὁ Ῥόδιοσ δὲ ἐλάττονοσ μὲν κεκοινώνηκε θαλάσσησ, ὁ δὲ πολὺσ αὐτοῦ ἀχρεῖόσ ἐστιν.

ὁ δὲ νησιώτησ εἴσ τε τοὺσ πότουσ ἐστὶν εὖ πεφυκὼσ καὶ πρὸσ τὴν καθημερινὴν χρῆσιν οὐκ ἀνοίκειοσ. ὁ δὲ Κνίδιοσ αἵματοσ γεννητικόσ, τρόφιμοσ, κοιλίαν εὔλυτον κατασκευάζων πλείων δὲ πινόμενοσ ἐκλύει τὸν στόμαχον. ὁ δὲ Λέσβιοσ στῦψιν μικροτέραν ἔχει καὶ μᾶλλον οὐρεῖται.

χαριέστατοσ δ’ ἐστὶν ὁ Χῖοσ καὶ τοῦ Χίου ὁ καλούμενοσ Ἀριούσιοσ. διαφοραὶ δὲ αὐτοῦ εἰσι τρεῖσ· ὁ μὲν γὰρ αὐστηρὸσ ἐστιν, ὁ δὲ γλυκάζων, ὁ δὲ μέσοσ τούτων τῇ γεύσει αὐτόκρατοσ καλεῖται. ὁ μὲν οὖν αὐστηρὸσ εὔστομόσ ἐστι καὶ τρόφιμοσ καὶ μᾶλλον οὐρεῖται, ὁ δὲ γλυκάζων τρόφιμοσ, πλήσμιοσ, κοιλίασ μαλακτικόσ, ὁ δ’ αὐτόκρατοσ τῇ χρείᾳ μέσοσ ἐστί. κοινῶσ δ’ ὁ Χῖοσ πεπτικόσ, τρόφιμοσ, αἵματοσ χρηστοῦ γεννητικόσ, προσηνέστατοσ, πλήσμιοσ διὰ τὸ παχὺσ εἶναι τῇ δυνάμει. τῶν δ’ οἴνων χαριέστατοσ ὁ κατὰ τὴν Ἰταλίαν Ἀλβανὸσ καὶ ὁ Φαλερνίτησ.

ὁ δὲ τούτων πεπαλαιωμένοσ καὶ κεχρονικὼσ φαρμακώδησ ὢν καροῖ λίαν ταχέωσ, ὁ δὲ Ἀδριανὸσ καλούμενοσ εὔπνουσ, εὐανάδοτοσ, ἄλυποσ τὸ σύνολον, οἰνοποιητέον δὲ αὐτοὺσ πρό τινοσ χρόνου καὶ εἰσ ἀναπεπταμένον τόπον θετέον εἰσ τὸ διαπνεῦσαι τὸ παχὺ τῆσ δυνάμεωσ αὐτῶν. χαριέστατοσ δ’ οἶνοσ εἰσ παλαίωσιν ὁ Κερκυραῖοσ. ὁ δὲ Ζακύνθιοσ καὶ ὁ Λευκάδιοσ διὰ τὸ γύψον λαβεῖν καὶ κεφαλὴν ἀδικοῦσιν.

ὁ δ’ ἀπὸ Κιλικίασ Ἀβάτησ καλούμενοσ κοιλίασ μόνον ἐστὶ ’ μαλακτικόσ. Κῴῳ δὲ καὶ Μυνδίῳ καὶ Ἁλικαρνασσίῳ καὶ παντὶ τῷ ἱκανῶσ τεθαλαττωμένῳ συνᾴδει τὰ σκληρὰ τῶν ὑδάτων οἱο͂ν κρηναῖα καὶ ὄμβρια, ἐὰν ᾖ διυλισμένα καὶ πλείονα χρόνον καθεσταμένα. χρήσιμοι δ’ εἰσὶν οὗτοι Ἀθήνησι καὶ Σικυῶνι· ἐν ταύταισ γὰρ σκληρὰ τὰ ὕδατα, τοῖσ δ’ ἀθαλάσσοισ τῶν οἴνων καὶ τοῖσ παρέχουσιν ἱκανωτέραν στύψιν, ἔτι δὲ τῷ Χίῳ καὶ Λεσβίῳ τὰ ἀποιότατα τῶν ὑδάτων εὐθετεῖ .

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Athenaeus, The Deipnosophists, book 1, chapter 59

(아테나이오스, The Deipnosophists, book 1, chapter 59)

상위

목록

SEARCH

MENU NAVIGATION