Athenaeus, The Deipnosophists, book 1, chapter 57

(아테나이오스, The Deipnosophists, book 1, chapter 57)

"ἄπυρον οἶνον καὶ ἄνθεοσ ὄσδοντά. φησι τὸν ἐκ Πέντε λόφων, ὅσ ἐστι τόποσ Σπάρτησ ἀπέχων στάδια ἑπτά· καὶ τὸν ἐκ Δενθιάδων, ἐρύματόσ τινοσ, καὶ τὸν ἐξ Οἰνοῦντοσ καὶ τὸν ἐξ Ὀνόγλων καὶ Σταθμῶν. χωρία δὲ ταῦτα Λακωνικὰ πλησίον Πιτάνησ. "οἶνον δ’ Οἰνουντιάδαν ἢ Δένθιν ἢ Καρύστιον ἢ Ὄνογλιν ἢ Σταθμίταν. καὶ τὸν ἐκ Καρύστου, ὅσ ἐστι πλησίον Ἀρκαδίασ, ἄπυρον δὲ εἶπε τὸν οὐχ ἡψημένον ἐχρῶντο γὰρ ἑφθοῖσ οἴνοισ. Πολύβιοσ δὲ διάφορον οἶνον ἐν Καπύῃ φησὶ γίνεσθαι τὸν ἀναδενδρίτην καλούμενον, ᾧ μηδένα συγκρίνεσθαι. Ἀλκίφρων δὲ ὁ Μαιάνδριοσ περὶ τὴν Ἐφεσίαν φησὶν εἶναι ὀρείαν κώμην τὴν πρότερον μὲν καλουμένην Λητοῦσ, νῦν δὲ Λατώρειαν ἀπὸ Λατωρείασ Ἀμαζόνοσ· ἐν ᾗ γίνεσθαι τὸν πράμνιον οἶνον. Τιμαχίδασ δὲ ὁ ̔ Ῥόδιοσ ὑπόχυτὸν τινα οἶνον ἐν Ῥόδῳ καλεῖ παραπλήσιον τῷ γλεύκει. καὶ γλύξισ δ’ οἶνοσ καλεῖται ὁ τὸ ἕψημα ἔχων.

Πολύζηλοσ δ’ αὐτίτην καλεῖ οἶνον. Πλάτων δ’ ὁ κωμικὸσ καπνίαν κάλλιστοσ δ’ οὗτοσ γίνεται ἐν Βενεβέντῳ πόλει Ἰταλίασ, ἀμφίασ δ’ οἶνοσ ὁ φαῦλοσ καλεῖται παρὰ Σωσικράτει. ἐχρῶντο δ’ οἱ ἀρχαῖοι καὶ πόματί τινι ἐξ ἀρωμάτων κατασκευαζομένῳ, ὃ ἐκάλουν τρίμμα. Θεόφραστοσ δὲ ἐν τῇ περὶ φυτῶν ἱστορίᾳ φησὶν ἐν Ἡραίᾳ τῆσ Ἀρκαδίασ γίνεσθαι οἶνον ὃσ τοὺσ μὲν ἄνδρασ πινόμενοσ ἐξίστησι, τὰσ δὲ γυναῖκασ τεκνούσσασ ποιεῖ. περὶ δὲ Κερυνίαν τῆσ Ἀχαίασ ἀμπέλου τι γένοσ εἶναι, ἀφ’ ἧσ τὸν οἶνον ἐξαμβλοῦν ποιεῖν τὰσ γυναῖκασ τὰσ ἐγκύμονασ· κἂν τῶν βοτρύων δέ, φησί, φάγωσιν, ἐξαμβλοῦσιν.

ὁ δὲ Τροιζήνιοσ οἶνοσ ἀγόνουσ, φησί, ποιεῖ τοὺσ πίνοντασ, ἐν Θάσῳ δὲ λέγει ὡσ αὐτοὶ ποιοῦσιν οἶνόν τινα ὑπνωτικὸν καὶ ἕτερον ἀγρυπνεῖν ποιοῦντα τοὺσ πίνοντασ.

일치하는 문장이 없습니다.

SEARCH

MENU NAVIGATION