Athenaeus, The Deipnosophists, book 1, chapter 21

(아테나이오스, The Deipnosophists, book 1, chapter 21)

καὶ τῶν κρεῶν δὲ μοῖραι ἐνέμοντο· ὅθεν ἐίσασ φησὶ τὰσ δαῖτασ ἀπὸ τῆσ ἰσότητοσ. τὰ γὰρ δεῖπνα δαῖτασ ἔλεγον ἀπὸ τοῦ δατεῖσθαι, οὐ μόνον τῶν κρεῶν διανεμομένων ἀλλὰ καὶ τοῦ οἴνου· ἤδη μὲν δαιτὸσ κεκορήμεθα θυμὸν ἐίσησ. καί· χαῖρ’ , Ἀχιλεῦ, δαιτὸσ μὲν ἐίσησ οὐκ ἐπιδευεῖσ. ἐκ τούτων δ’ ἐπείσθη Ζηνόδοτοσ δαῖτα ἐίσην τὴν ἀγαθὴν λέγεσθαι. ἐπεὶ γὰρ ἡ τροφὴ τῷ ἀνθρώπῳ ἀγαθὸν ἀναγκαῖον ἦν, ἐπεκτείνασ, φησίν, εἴρηκεν ἐίσην· ἐπεὶ οἱ πρῶτοι ἄνθρωποι, οἷσ δὴ οὐ παρῆν ἄφθονοσ τροφή ἄρτι φαινομένησ ἀθρόον ἐπ’ αὐτὴν ἰόντεσ βίᾳ ἡρ́παζον καὶ ἀφῃροῦντο τοὺσ ἔχοντασ, καὶ μετὰ τῆσ ἀκοσμίασ ἐγίνοντο καὶ φόνοι. ἐξ ὧν εἰκὸσ λεχθῆναι καὶ τὴν ἀτασθαλίαν, ὅτι ἐν ταῖσ θαλίαισ τὰ πρῶτα ἐξημάρτανον οἱ ἄνθρωποι εἰσ ἀλλήλουσ. ὡσ δὲ παρεγένετο αὐτοῖσ πολλὴ ἐκ τῆσ Δήμητροσ διένεμον ἑκάστῳ ἴσην, καὶ οὕτωσ εἰσ κόσμον ἦλθε τοῖσ ἀνθρώποισ τὰ δόρπα. διὸ ἄρτου τε ἐπίνοια πέμματόσ τε εἰσ ἴσον διαμεμοιραμένου καὶ τοῖσ διαπίνουσιν ἄλεισα καὶ γὰρ ταῦτα εἰσ τὸ ἴσον χωρούντων ἐγίνετο.

ὥστε ἡ τροφὴ δαὶσ ἐπὶ τῷ δαίεσθαι λέγεται ὅ ἐστι διαμοιρᾶσθαι ἐπ’ ἴσησ· καὶ ὁ τὰ κρέα ὀπτῶν δαιτρόσ, ἐπεὶ ἴσην ἑκάστῳ μοῖραν ἐδίδου. καὶ ἐπὶ μόνων ἀνθρώπων δαῖτα λέγει ὁ ποιητήσ, ἐπὶ δὲ θηρίων οὐκ ἔτι. ἀγνοῶν δὲ ταύτησ τῆσ φωνῆσ τὴν δύναμιν Ζηνόδοτοσ ἐν τῇ κατ’ αὐτὸν ἐκδόσει γράφει· αὐτοὺσ δὲ ἑλώρια τεῦχε κύνεσσιν οἰωνοῖσί τε δαῖτα, τὴν τῶν γυπῶν καὶ τῶν ἄλλων οἰωνῶν τροφὴν οὕτω καλῶν, μόνου ἀνθρώπου χωροῦντοσ εἰσ τὸ ἴσον ἐκ τῆσ πρόσθεν βίασ.

διὸ καὶ μόνου τούτου ἡ τροφὴ δαίσ·

καὶ μοῖρα τὸ ἑκάστῳ διδόμενον. οὐκ ἔφερον δὲ οἴκαδε παρ’ Ὁμήρῳ οἱ δαιτυμόνεσ τὰ λειπόμενα, ἀλλὰ κορεσθέντεσ κατέλιπον παρ’ οἷσ ἦν ἡ δαὶσ καὶ ἡ ταμία λαβοῦσα εἶχεν, ἵνα ἄν τισ ἀφίκηται ξένοσ, ἔχοι δοῦναι αὐτῷ.

일치하는 문장이 없습니다.

SEARCH

MENU NAVIGATION