Athenaeus, The Deipnosophists, book 1, chapter 58

(아테나이오스, The Deipnosophists, book 1, chapter 58)

περὶ δὲ τῆσ τοῦ ἀνθοσμίου οἴνου σκευασίασ Φαινίασ ὁ Ἐρέσιόσ φησι τάδε· "γλεύκει παραχεῖται παρὰ χοῦσ πεντήκοντα εἷσ θαλάσσησ καὶ γίνεται ἀνθοσμίασ. "ἀνθοσμίασ γίνεται ἐκ νέων ἀμπέλων ἰσχυρότεροσ ἢ ἐκ παλαιῶν. · ἑξῆσ τέ φησι · "τὰσ ὀμφακώδεισ συμπατήσαντεσ ἀπέθεντο καὶ ἀνθοσμίασ ἐγένετο. Θεόφραστοσ δ’ ἐν Θάσῳ φησὶ τὸν ἐν τῷ πρυτανείῳ διδόμενον θαυμαστὸν εἶναι τὴν ἡδονὴν ἠρτυμένοσ γάρ ἐστιν. "ἐάν τισ κεράσῃ σκληρὸν καὶ εὐόσμον μαλακῷ καὶ ἀόσμῳ, καθάπερ τὸν Ἡρακλεώτην καὶ τὸν Ἐρυθραῖον, τοῦ μὲν τὴν μαλακότητα, τοῦ δὲ τὴν εὐοσμίαν παρεχομένου.

μυρίνησ δὲ οἶνοσ κεῖται παρὰ Ποσειδίππῳ· διψηρὸσ ἄτοποσ ὁ μυρίνησ ὁ τίμιοσ. καὶ Ἑρμῆσ δ’ εἶδοσ πόσεωσ παρὰ Στράττιδι. Χαιρέασ δὲ ἐν Βαβυλῶνι οἶνόν φησι γίνεσθαι τὸν καλούμενον νέκταρ. ἦν ἄρ’ ἔποσ τόδ’ ἀληθέσ, ὅ τ’ οὐ μόνον ὕδατοσ αἶσαν, ἀλλά τι καὶ χλεύησ οἶνοσ ἔχειν ἐθέλει. οὐδὲν ἀπόβλητον Διονύσιον, οὐδὲ γίγαρτον, ὁ Κεῖόσ φησι ποιητήσ.

일치하는 문장이 없습니다.

SEARCH

MENU NAVIGATION