헬라어 문장 검색 - ΑτηενάΤηεΔειπ́1́22́

(아테나이오스, The Deipnosophists, book 1, chapter 24)

ἐχρῶντο δὲ ἐν τοῖσ συμποσίοισ καὶ κιθαρῳδοῖσ καὶ ὀρχησταῖσ, ὡσ οἱ μνηστῆρεσ. δύο δὲ κυβιστητῆρεσ μολπῆσ ἐξάρχοντεσ ἐδίνευον. μολπῆσ δὲ ἀντὶ τοῦ παιδιᾶσ. σῶφρον δέ τι ἦν τὸ τῶν συμποσίοισ καὶ φιλοσόφων διάθεσιν ἐπέχον. Ἀγαμέμνων γοῦν τὸν ἀοιδὸν καταλείπει τῇ Κλυταιμνήστρᾳ φύλακα καὶ παραινετῆρά τινα· ὃσ πρῶτον μὲν ἀρετὴν γυναικῶν διερχόμενοσ ἐνέβαλλὲ τινα φιλοτιμίαν εἰσ καλοκἀγαθίαν, εἶτα διατριβὴν παρέχων ἡδεῖαν ἀπεπλάνα τὴν διάνοιαν φαύλων ἐπινοιῶν. διὸ Αἴγισθοσ οὐ πρότερον διέφθειρε τὴν γυναῖκα πρὶν τὸν ἀοιδὸν ἀποκτεῖναι ἐν νήσῳ ἐρήμῃ. τοιοῦτόσ ἐστι καὶ ὁ παρὰ τοῖσ μνηστῆρσιν ἀείδων ἀνάγκῃ, ὃσ τοὺσ ἐφεδρεύοντασ τῇ Πηνελόπῃ ἐβδελύττετο. κοινῶσ δέ που πάντασ τοὺσ ἀοιδοὺσ αἰδοίουσ τοῖσ ἀνθρώποισ εἶναί φησι·

τοὔνεκ’ ἄρα σφέασ οἴμασ Μοῦσ1’ ἐδίδαξε φίλησέ τε φῦλον ἀοιδῶν. ὁ δὲ παρὰ Φαίαξι Δημόδοκοσ ᾄδει Ἄρεοσ καὶ Ἀφροδίτησ συνουσίαν, οὐ διὰ τὸ ἀποδέχεσθαι τὸ τοιοῦτον πάθοσ, ἀλλ’ ἀποτρέπων αὐτοὺσ παρανόμων ὀρέξεων, ἢ εἰδὼσ ἐν τρυφερῷ τινι βίῳ τεθραμμένουσ κἀντεῦθεν ὁμοιότατα τοῖσ τρόποισ αὐτῶν τὰ πρὸσ ἀνάπαυσιν προφέρων. καὶ τοῖσ μνηστῆρσιν ᾅδει πρὸσ τὴν αὐτὴν βουλὴν ὁ Φήμιοσ νόστον Ἀχαιῶν.

καὶ αἱ Σειρῆνεσ δὲ ᾄδουσι τῷ Ὀδυσσεῖ τὰ μάλιστα αὐτὸν τέρψοντα, καὶ τὰ οἰκεῖα τῇ φιλοτιμίᾳ αὐτοῦ καὶ πολυμαθείᾳ λέγουσαι. "ἴσμεν γάρ φασί, τὰ τά ἄλλα καὶ ὅσσα γένηται ἐν χθονὶ πολυβοτείρῃ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Athenaeus, The Deipnosophists, book 1, chapter 24

(아테나이오스, The Deipnosophists, book 1, chapter 24)

상위

목록

SEARCH

MENU NAVIGATION