헬라어 문장 검색 - ΑτηενάΤηεΔειπ́1́13́

(아테나이오스, The Deipnosophists, book 1, chapter 15)

ὅτι Ὅμηροσ ὁρῶν τὴν σωφροσύνην οἰκειοτάτην ἀρετὴν οὖσαν τοῖσ νέοισ καὶ πρώτην, ἔτι δὲ ἁρμόττουσαν καὶ πάντων τῶν καλῶν χορηγὸν οὖσαν, βουλόμενοσ ἐμφῦσαι πάλιν αὐτὴν ἀπ’ ἀρχῆσ καὶ ἐφεξῆσ ἵνα τὴν σχολὴν καὶ τὸν ζῆλον ἐν τοῖσ καλοῖσ ἔργοισ ἀναλίσκωσι καὶ ὦσιν εὐεργετικοὶ καὶ κοινωνικοὶ πρὸσ ἀλλήλουσ, εὐτελῆ κατεσκεύασε πᾶσι τὸν βίον καὶ αὐτάρκη, λογιζόμενοσ τὰσ ἐπιθυμίασ καὶ τὰσ ἡδονὰσ ἰσχυροτάτασ γίνεσθαι καὶ πρώτασ ἔτι τε καὶ ἐμφύτουσ τὰσ περὶ ἐδωδὴν καὶ πόσιν, τοὺσ δὲ διαμεμενηκότασ ἐν εὐτελείᾳ εὐτάκτουσ καὶ περὶ τὸν ἄλλον βίον γίνεσθαι ἐγκρατεῖσ. ἁπλῆν οὖν ἀποδέδωκε τὴν δίαιταν πᾶσι καὶ τὴν αὐτὴν ὁμοίωσ βασιλεῦσιν ἰδιώταισ, νέοισ πρεσβύταισ, λέγων· παρὰ δὲ ξεστὴν ἐτάνυσσε τράπεζαν, σῖτον δ’ αἰδοίη ταμίη παρέθηκε φέρουσα. δαιτρὸσ δὲ κρειῶν πίνακασ παρέθηκεν ἀείρασ, καὶ τούτων ὀπτῶν καὶ ὡσ ἐπὶ τὸ πολὺ βοείων· παρὰ δὲ ταῦτα οὔτε ἐν ἑορταῖσ οὔτ’ ἐν γάμοισ οὔτ’ ἐν ἄλλῃ συνόδῳ παρατίθησιν οὐδέν, καίτοι πολλάκισ τὸν Ἀγαμέμνονα ποιήσασ δειπνίζοντα τοὺσ ἀρίστουσ·

καὶ οὐ θρῖα καὶ κάνδυλον καὶ ἄμητασ μελίπηκτά τε τοῖσ βασιλεῦσιν ἐξαίρετα παρατίθησιν Ὅμηροσ, ἀλλ’ ἀφ’ ὧν εὖ ἕξειν ἔμελλον τὸ σῶμα καὶ τὴν ψυχήν. Αἰάντα οὖν μετὰ τὴν μονομαχίαν νώτοισι βοῶν γέραιρεν ὁ Ἀγαμέμνων· καὶ Νέστορι δ’ ἤδη ὄντι γηραιῷ καὶ Φοίνικι δὲ κρέασ ὀπτὸν δίδωσι ἀφιστῶν ἡμᾶσ τῶν ἀτάκτων ἐπιθυμιῶν. καὶ Ἀλκίνουσ δὲ ὁ τὸν τρυφερὸν ᾑρημένοσ βίον τοὺσ τρυφερωτάτουσ ἑστιῶν Φαίακασ καὶ τὸν Ὀδυσσέα ξενίζων, ἐπιδεικνύμενοσ αὐτῷ τὴν τοῦ κήπου κατασκευὴν καὶ τῆσ οἰκίασ καὶ τὸν αὑτοῦ βίον, τοιαύτασ παρατίθεται τραπέζασ. καὶ Μενέλαοσ δὲ τοὺσ τῶν παίδων γάμουσ ποιούμενοσ καὶ τοῦ Τηλεμάχου πρὸσ αὐτὸν παραγενομένου νῶτα βοὸσ παρέθηκεν ὄπτ’ ἐν χερσὶν ἑλών, τά ῥά οἱ γέρα πάρθεσαν αὐτῷ. καὶ Νέστωρ δὲ βόασ θύει Ποσειδῶνι παρὰ θαλάσσῃ διὰ τῶν φιλτάτων καὶ οἰκειοτάτων τέκνων, βασιλεὺσ ὢν καὶ πολλοὺσ ἔχων ὑπηκόουσ, τάδε παρακελευόμενοσ· ·

ἀλλ’ ἄγ’, ὁ μὲν πεδίονδ’ ἐπὶ βοῦν ἴτω καὶ τὰ ἑξῆσ· ὁσιωτέρα γὰρ αὕτη ἡ θυσία θεοῖσ καὶ προσφιλεστέρα ἡ διὰ τῶν οἰκείων καὶ εὐνουστάτων ἀνδρῶν. καὶ τοὺσ μνηστῆρασ δὲ ὑβριστὰσ ὄντασ καὶ πρὸσ ἡδονὰσ ἀνειμένουσ οὔτε ἰχθῦσ ἐσθίοντασ ποιεῖ οὔτε ὄρνιθασ οὔτε μελίπηκτα, περιελὼν παντὶ σθένει. τὰσ μαγειρικὰσ μαγγανείασ, καὶ τά, ὡσ ὁ Μένανδρόσ φησιν, ὑποβινητιῶντα βρώματα καὶ τὸ παρὰ πολλοῖσ λασταυροκάκαβον καλούμενον βρῶμα, ὥσ φησι Χρύσιπποσ ἐν τῷ περὶ καλοῦ καὶ ἡδονῆσ, οὗ ἡ κατασκευὴ περιεργοτέρα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Athenaeus, The Deipnosophists, book 1, chapter 15

(아테나이오스, The Deipnosophists, book 1, chapter 15)

상위

목록

SEARCH

MENU NAVIGATION