Athenaeus, The Deipnosophists, book 1, chapter 56

(아테나이오스, The Deipnosophists, book 1, chapter 56)

ἐπαινεῖ Ἄμφισ καὶ τὸν ἐξ Ἀκάνθου πόλεωσ οἶνον λέγων ποδαπὸσ εἶ; φράσον, β. Ἀκάνθιοσ. α. εἶτα πρὸσ θεῶν οἴνου πολίτησ ὢν κρατίστου στρυφνὸσ εἶ καὶ τοὔνομ’ αὐτὸ τῆσ πατρίδοσ ἐν τοῖσ τρόποισ ἔχεισ, τὰ δ’· ἤθη τῶν πολιτῶν οὐκ ἔχεισ; Κορινθίου οἴνου Ἄλεξισ μνημονεύει ὡσ σκληροῦ· οἶνοσ ξενικὸσ παρῆν τὰ γὰρ Κορίνθια βασανισμόσ ἐστι. καὶ Εὐβοικοῦ δέ· "πολὺν πιὼν Εὐβοικὸν οἶνον. Ἀρχίλοχοσ τὸν Νάξιον τῷ νέκταρι παραβάλλει ὃσ καὶ πού φησιν ἐν δορὶ μέν μοι μᾶζα μεμαγμένη, ἐν δορὶ δ’ οἶνοσ Ἰσμαρικόσ· πίνω δ’ ἐν δορὶ κεκλιμένοσ. Στράττισ δὲ τὸν Σκιάθιον ἐπαινεῖ· οἶνοσ κοχύζει τοῖσ ὁδοιπόροισ πιεῖν μέλασ Σκιάθιοσ, ἴσον ἴσῳ κεκραμένοσ· Ἀχαιὸσ δὲ τὸν Βίβλινον·

"ἐδεξιοῦτο Βίβλινον· "μέθησ ἐκπώματι. ἐκαλεῖτο δ’ οὕτωσ ἀπό τινοσ χωρίου οὕτω προσαγορευομένου. φησὶ δὲ Φιλύλλιοσ ὅτι παρέξω Λέσβιον, Χῖον σαπρόν, Θάσιον, Βίβλινον, Μενδαῖον, ὥστε μηδένα κραιπαλᾶν. Ἐπίχαρμοσ δὲ ἀπό τινων ὀρῶν Βιβλίνων φησὶν αὐτὸν ὠνομάσθαι. Ἀρμενίδασ δὲ τῆσ Θρᾴκησ φησὶν εἶναι χώραν τὴν Βιβλίαν, ἣν ’ Ἀντισάρην καὶ Οἰσύμην προσαγορευθῆναι. ἐπιεικῶσ δὲ ἡ Θρᾴκη ἐθαυμάζετο ὡσ ἡδύοινοσ, καὶ συνόλωσ τὰ ἀπὸ πλησίον αὐτῆσ χωρία· νῆεσ δ’ ἐκ Λήμνοιο παρέστασαν οἶνον ἄγουσαι.

Ἵππυσ δ’ ὁ Ῥηγῖνοσ τὴν εἰλεὸν καλουμένην ἄμπελον βιβλίαν φησὶ καλεῖσθαι, ἣν Πόλλιν τὸν Ἀργεῖον, ὃσ ἐβασίλευσε Συρακουσίων, πρῶτον εἰσ Συρακούσασ κομίσαι ἐξ Ἰταλίασ, εἰή ἂν οὖν ὁ παρὰ Σικελιώταισ γλυκὺσ καλούμενοσ Πόλλιοσ ὁ Βίβλινοσ οἶνοσ. χρησμόσ, ἐν τῷ χρησμῷ, φησίν, ὁ θεὸσ ηὐτομάτισε· πῖν’ οἶνον τρυγίαν, ἐπεὶ οὐκ ’ Ἀνθηδόνα ναίεισ οὐδ’ ἱερὰν Ὑπέραν, ὅθι γ’ ἄτρυγον οἶνον ἔπινεσ. ὠνομάζετο δὲ παρὰ Τροιζηνίοισ, ὥσ φησιν Ἀριστοτέλησ ἐν τῇ αὐτῶν πολιτείᾳ, ἄμπελοσ Ἀνθηδονιὰσ καὶ Ὑπερειὰσ ἀπὸ Ἀλθηφίου τινὸσ καὶ Ὑπέρου, ὡσ καὶ Ἀλθηφιὰσ ἀπὸ Ἀλθηφίου τινόσ, ἑνὸσ τῶν Ἀλφειοῦ ἀπογόνων.

일치하는 문장이 없습니다.

SEARCH

MENU NAVIGATION