헬라어 문장 검색 - ΑτηενάΤηεΔειπ́1́14́

(아테나이오스, The Deipnosophists, book 1, chapter 16)

Πρίαμοσ δὲ παρὰ τῷ ποιητῇ καὶ ὀνειδίζει τοῖσ υἱοῖσ ἀναλίσκουσι τὰ μὴ νενομισμένα· ἀρνῶν ἠδ’ ἐρίφων ἐπιδήμιοι ἁρπακτῆρεσ. Φιλόχοροσ δὲ ἱστορεῖ καὶ κεκωλῦσθαι Ἀθήνησιν ἀπέκτου ἀρνὸσ μηδένα γεύεσθαι, ἐπιλιπούσησ ποτὲ τῆσ τῶν ζῴων τούτων γενέσεωσ. Ἑλλήσποντον δὲ Ὅμηροσ ἰχθυόεντα προσαγορεύων καὶ τοὺσ Φαίακασ πλωτικωτάτουσ ποιῶν καὶ ἐν τῇ Ἰθάκῃ εἰδὼσ λιμένασ πλείουσ καὶ νήσουσ προσεχεῖσ πολλάσ, ἐν αἷσ ἰχθύων ἐγίνετο πλῆθοσ καὶ ἀγρίων ὀρνίθων, καὶ εἰσ εὐδαιμονίαν δὲ καταριθμῶν τὸ τὴν θάλασσαν ἰχθῦσ παρέχειν, ὅμωσ τούτων οὐδὲν οὐδένα ποιεῖ προσφερόμενον καὶ μὴν οὐδ’ ὀπώραν παρατίθησί τινι καίπερ οὖσαν πολλὴν καὶ ἥδιστα ταύτησ μνημονεύων καὶ πάντα χρόνον παρασκευάζων ἀθάνατον· ὄγχνη γάρ, φησίν, ἐπ’ ὄγχνῃ καὶ τὰ ἑξῆσ.

ἀλλὰ μὴν οὐδὲ στεφανουμένουσ οὐδὲ μυρουμένουσ ποιεῖ ὥσπερ οὐδὲ θυμιῶντασ, ἀλλὰ πάντων τούτων ἀπολυομένουσ τοὺσ ἀνθρώπουσ εἰσ ἐλευθερίαν καὶ αὐτάρκειαν ἐξαιρεῖται τοὺσ πρώτουσ. καὶ θεοῖσ δὲ ἁπλῆν ἀποδίδωσι δίαιταν νέκταρ καὶ ἀμβροσίαν. καὶ τοὺσ ἀνθρώπουσ δὲ ποιεῖ τιμῶντασ αὐτοὺσ ἀπὸ τῆσ διαίτησ, ἀφελὼν λιβανωτὸν καὶ σμύρναν καὶ στεφάνουσ καὶ τὴν περὶ ταῦτα τρυφήν. καὶ τῆσ ἁπλῆσ δὲ ταύτησ διαίτησ οὐκ ἀπλήστωσ ἀπολαύοντασ παρίστησιν, ἀλλ’ ὡσ οἱ κράτιστοι τῶν ἰατρῶν ἀφαιρεῖ τὰσ πλησμονάσ, αὐτὰρ ἐπεὶ πόσιοσ καὶ ἐδητύοσ ἐξ ἔρον ἕντο· καὶ τὴν ἐπιθυμίαν πληρώσαντεσ καὶ ἐξώρμων ἐπὶ;

μελέτην ἀθλητικὴν δίσκοισι τερπόμενοι καὶ αἰγανέαισ τῇ παιδιᾷ τὰ πρὸσ σπουδὴν ἐκμελετῶντεσ· οἱ δὲ κιθαρῳδῶν ἠκροῶντο τὰσ ἡρωικὰσ πράξεισ ἐν μέλει καὶ ῥυθμῷ ποιούντων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Athenaeus, The Deipnosophists, book 1, chapter 16

(아테나이오스, The Deipnosophists, book 1, chapter 16)

상위

목록

SEARCH

MENU NAVIGATION