Athenaeus, The Deipnosophists, book 1, chapter 9

(아테나이오스, The Deipnosophists, book 1, chapter 9)

ἀπὸ τούτου τοῦ Φιλοξένου καὶ Φιλοξένειοί τινεσ πλακοῦντεσ ὠνομάσθησαν. "ἐγὼ κατέχω τινὰ ὀψοφάγον ἐπὶ τοσοῦτον ἐκπεπτωκότα τοῦ μὴ ἐντρέπεσθαι τοὺσ πλησίον ἐπὶ τοῖσ γινομένοισ, ὥστε φανερῶσ ἐν τοῖσ βαλανείοισ τήν τε χεῖρα συνεθίζειν πρὸσ τὰ θερμὰ καθιέντα εἰσ ὕδωρ θερμὸν καὶ τὸ στόμα ἀναγαργαριζόμενον θερμῷ, ὅπωσ δηλονότι ἐν τοῖσ θερμοῖσ δυσκίνητοσ ᾖ. ἔφασαν γὰρ αὐτὸν καὶ τοὺσ ὀψοποιοῦντασ ὑποποιεῖσθαι ἵνα θερμότατα παρατιθῶσι καὶ μόνοσ καταναλίσκῃ αὐτὸσ τῶν λοιπῶν συνακολουθεῖν μὴ δυναμένων. τὰ δ’ αὐτὰ καὶ περὶ τοῦ Κυθηρίου Φιλοξένου ἱστοροῦσι καὶ Ἀρχύτου καὶ ἄλλων πλειόνων, ὧν τισ παρὰ Κρωβύλῳ τῷ κωμικῷ φησιν·

α. ἐγὼ δὲ πρὸσ τὰ θερμὰ ταῦθ’ ὑπερβολῇ τοὺσ δακτύλουσ δήπουθεν Ἰδαίουσ ἔχω καὶ τὸν λάρυγγ’ ἥδιστα πυριῶ τεμαχίοισ. β. κάμινοσ, οὐκ ἄνθρωποσ. Κλέαρχοσ δέ φησι Φιλόξενον προλουόμενον ἐν τῇ πατρίδι κἀν ἄλλαισ πόλεσι περιέρχεσθαι τὰσ οἰκίασ, ἀκολουθούντων αὐτῷ παίδων καὶ φερόντων ἔλαιον οἶνον γάρον ὄξοσ καὶ ἄλλα ἡδύσματα· ἔπειτα εἰσιόντα εἰσ τὰσ ἀλλοτρίασ οἰκίασ τὰ ἑψόμενα τοῖσ ἄλλοισ ἀρτύειν, ἐμβάλλοντα ὧν ἐστι χρεία κἆθ’ οὕτωσ εἰσ ἑαυτὸν κύψαντα εὐωχεῖσθαι.

οὗτοσ εἰσ Ἔφεσον καταπλεύσασ εὑρὼν τὴν ὀψοπώλιδα κενὴν ἐπύθετο τὴν αἰτίαν καὶ μαθὼν ὅτι πᾶν εἰσ γάμουσ συνηγόρασται, λουσάμενοσ παρῆν ἄκλητοσ ὡσ τὸν νυμφίον. "Γάμε θεῶν λαμπρότατε," πάντασ ἐψυχαγώγησεν· ἦν δὲ διθυραμβοποιόσ.

"καὶ αὔριον ὧδε δειπνήσεισ; "μὴ πωλῇ τισ.

일치하는 문장이 없습니다.

SEARCH

MENU NAVIGATION