헬라어 텍스트

Athenaeus, The Deipnosophists, book 1, chapter 45

(아테나이오스, The Deipnosophists, book 1, chapter 45)

παρετίθετο δὲ τοῖσ ἡρ́ωσι δειπνοῦσι καὶ λάχανα, ὅτι δὲ οἴδασι τὰσ λαχανείασ δῆλον ἐκ τῶν παρὰ νείατον ὄρχον κοσμητῶν πρασιῶν. ἀλλὰ μὴν καὶ τοῖσ κακοχυμοτάτοισ κρομύοισ ἐχρῶντο· ἐπὶ δὲ κρόμυον ποτοῦ ὄψον. ἐπιμελουμένουσ δὲ αὐτοὺσ εἰσάγει καὶ τῶν ἀκροδρύων "ὄγχνη γὰρ ἐπ’ ὄγχνῃ που γηράσκει, σῦκον δ’ ἐπὶ σύκῳ. διὸ καὶ τῶν δένδρων τὰ μὲν καρποφόρα καλὰ προσαγορεύει·

"ἔνθα δένδρεα καλὰ πεφύκει, ὄγχναι καὶ ῥοιαὶ καὶ μηλέαι. τὰ δ’ εἰσ ξυλείαν εὔθετα μακρά, τοῖσ ἐπιθέτοισ τὰσ χρήσεισ διαστέλλων ἔνθα δένδρεα μακρὰ πεφύκει, κλήθρη τ’ αἴγειρὸσ τ’ ἐλάτη τ’ ἦν οὐρανομήκησ. ἀρχαιοτέρα δ’ ἦν καὶ τῶν Τρωικῶν ἡ τούτων χρῆσισ. Τάνταλοσ γοῦν οὐδὲ θανὼν ἀπαλλάττεται τῆσ τούτων ἐπιθυμίασ · εἴπερ ὁ κολάζων αὐτὸν θεὸσ προσείων, καθάπερ οἱ τὰ ἄλογα τῶν ζῴων τοῖσ θαλλοῖσ ἄγοντεσ, τοὺσ τοιούτουσ καρποὺσ ἀποκρούεται αὐτὸν τῆσ ἀπολαύσεωσ, ὅτε τῆσ ἐλπίδοσ ἐγγὺσ ἔλθοι.

καὶ Λαέρτην δ’ Ὀδυσσεὺσ ἀναμιμνήσκει ὧν ἔδωκεν αὐτῷ παιδὶ ὄντι· καὶ τὰ ἑξῆσ.