Athenaeus, The Deipnosophists, book 1, chapter 38

(아테나이오스, The Deipnosophists, book 1, chapter 38)

Ἕρμιπποσ δέ φησι Θεόφραστον παραγίνεσθαι εἰσ τὸν περίπατον καθ’ ὡρ́αν λαμπρὸν καὶ ἐξησκημένον, εἶτα καθίσαντα διατίθεσθαι τὸν λόγον οὐδεμιᾶσ ἀπεχόμενον κινήσεωσ οὐδὲ σχήματοσ ἑνόσ. καί ποτε ὀψοφάγον μιμούμενον ἐξείραντα τὴν γλῶσσαν περιλείχειν τὰ χείλη. ἔμελε δὲ αὐτοῖσ καὶ τοῦ κοσμίωσ ἀναλαμβάνειν τὴν ἐσθῆτα καὶ τοὺσ μὴ τοῦτο ποιοῦντασ ἔσκωπτον. Πλάτων ἐν Θεαιτήτῳ· "πάντα δυναμένουσ ὀξέωσ τε καὶ τορῶσ διακονεῖν, ἀναβάλλεσθαι δ’ οὐκ ἐπισταμένουσ ἐπιδέξι’ ἐλευθερίωσ οὐδ’ ἁρμονίαν λόγων λαβόντασ ὀρθῶσ ὑμνῆσαι θεῶν τε καὶ ἀνθρώπων εὐδαιμόνων βίον. Σαπφὼ περὶ Ἀνδρομέδασ σκώπτει τίσ δ’ ἀγροιῶτισ θέλγει νόον οὐκ ἐπισταμένη τὰ βράκε’ ἕλκειν ἐπὶ τῶν σφυρῶν; Φιλέταιροσ·

ἀμφιβάλλου σφυροῖσ· οὐ καθήσεισ, τάλαν, μηδ’ ἀγροίκωσ ἄνω γόνατοσ ἀμφέξει, · Ἕρμιπποσ δέ φησι Θεόκριτον τὸν Χῖον ὡσ ἀπαίδευτον μέμφεσθαι τὴν Ἀναξιμένουσ περιβολὴν Καλλίστρατόσ τε ὁ Ἀριστοφάνειοσ Ἀρίσταρχον ἐν συγγράμματι κακῶσ εἴρηκεν ἐπὶ τῷ μὴ εὐρύθμωσ ἀμπέχεσθαι, φέροντόσ τι καὶ τοῦ τοιούτου πρὸσ παιδείασ ἐξέτασιν. ἓν γὰρ νομίζω τοῦτο τῶν ἀνελευθέρων εἶναι τὸ βαδίζειν ἀρρύθμωσ ἐν ταῖσ ὁδοῖσ, ἐξὸν καλῶσ.

οὗ μήτε πράττεται τέλοσ μηδεὶσ ἡμᾶσ, μήτε τιμὴν δόντα δεῖ ἑτέρων λαβεῖν, φέρει δὲ τοῖσ μὲν χρωμένοισ δόξησ τιν’ ὄγκον, τοῖσ δ’ ὁρῶσιν ἡδονήν, κόσμον δὲ τῷ βίῳ τὸ τοιοῦτον γέρασ τίσ οὐκ ἂν αὑτῷ κτῷτο φάσκων νοῦν ἔχειν, ·

일치하는 문장이 없습니다.

SEARCH

MENU NAVIGATION