헬라어 문장 검색 - ΑτηενάΤηεΔειπ́1́44́

(아테나이오스, The Deipnosophists, book 1, chapter 46)

ὅτι δὲ καὶ ἰχθῦσ ἤσθιον Σαρπηδὼν δῆλον ποιεῖ, ὁμοιῶν τὴν ἅλωσιν πανάγρου δικτύου θήρᾳ. καίτοι Εὔβουλοσ κατὰ τὴν κωμικὴν χάριν φησὶ παίζων ἰχθὺν δ’ Ὅμηροσ ἐσθίοντ’ εἴρηκε ποῦ τίνα τῶν Ἀχαιῶν; κρέα δὲ μόνον ὤπτων, ἐπεὶ ἕψοντά γ’ οὐ πεποίηκεν αὐτῶν οὐδένα. ἀλλ’ οὐδὲ μίαν ὅλωσ ἑταίραν εἶδέ τισ αὐτῶν, ἑαυτοὺσ δ’ ἔδεφον ἐνιαυτοὺσ δέκα. πικρὰν στρατείαν δ’ εἶδον, οἵτινεσ πόλιν μίαν λαβόντεσ εὐρυπρωκτότεροι πολὺ τῆσ πόλεοσ ἀπεχώρησαν ἧσ εἷλον τότε. οὐδὲ τὸν ἀέρα δ’ οἱ ἡρ́ωεσ τοῖσ ὄρνισιν εἰών ἐλεύθερον, παγίδασ καὶ νεφέλασ ἐπὶ ταῖσ κίχλαισ καὶ πελειάσιν ἱστάντεσ. ἐγυμνάζοντο δὲ πρὸσ ὀρνεοθηρευτικήν, καὶ τὴν πελειάδα τῇ μηρίνθῳ κρεμῶντεσ ἀπὸ νηὸσ ἱστοῦ καὶ τοξεύοντεσ ἑκηβόλωσ εἰσ αὐτήν, ὡσ ἐν τῷ ἐπιταφίῳ δηλοῦται.

παρέλιπε δὲ τὴν χρῆσιν τῶν λαχάνων καὶ ἰχθύων καὶ τῶν ὀρνίθων διά τε τὴν λιχνείαν καὶ προσέτι τὴν ἐν ταῖσ σκευασίαισ ἀπρέπειαν, ἐλάττω κεκρικὼσ ἡρωικῶν καὶ θείων ἔργων. ὅτι δὲ καὶ ἑφθοῖσ ἐχρῶντο κρέασιν ἐμφανίζει ἐν οἷσ λέγει· ὡσ δὲ λέβησ ζεῖ κνίσσῃ μελδόμενοσ ἁπαλοτρεφέοσ σιάλοιο. καὶ ὁ κατ’ ’ Ὀδυσσέωσ ἀφεθεὶσ ποῦσ βοὸσ τούτου σημεῖον·

πόδα γὰρ βόειον οὐδεὶσ ὀπτᾷ. οὐ μόνον τὴν τῶν κρεῶν ἐξαλλαγὴν δηλοῖ, ὡσ ὀρνίθεια, χοίρεια, ἐρίφεια, βόεια λέγων, ἀλλὰ τὴν σκευασίαν ὡσ ποικίλην ἔχοντα καὶ οὐ μονοειδῆ ἀλλὰ περιττήν. · ὡσ ἀνακύπτειν τὰσ Σικελικὰσ καὶ Συβαριτικὰσ τραπέζασ, ἤδη δὲ καὶ Χίασ. μαρτυροῦνται γὰρ καὶ Χῖοι οὐκ ἔλαττον τῶν προειρημένων ἐπὶ ὀψαρτυτικῇ. Τιμοκλῆσ· Χῖοι πολὺ ἄριστ’ ἀνευρήκασιν ὀψαρτυτικήν.

κοιμῶνται δὲ μετὰ γυναικῶν παρ’ Ὁμήρῳ οὐ μόνον οἱ νέοι, ἀλλὰ καὶ οἱ γέροντεσ Φοῖνιξ τε καὶ Νέστωρ, μόνῳ Μενελάῳ οὐ συνέζευκται γυνὴ διὰ γυναικῶν γαμετὴν ἡρπασμένην τὴν στρατείαν πεποιημένῳ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Athenaeus, The Deipnosophists, book 1, chapter 46

(아테나이오스, The Deipnosophists, book 1, chapter 46)

상위

목록

SEARCH

MENU NAVIGATION