Ancient Greek Text

Athenaeus, The Deipnosophists, book 1, chapter 40

(아테나이오스, The Deipnosophists, book 1, chapter 40)

ὀρχήσεισ δὲ ἐθνικαὶ αἵδε· Λακωνικαί, Τροιζήνιαι, Ἐπιζεφύριοι, Κρητικαί, Ιὠνικαί, Μαντινικαί, ἃσ προκρίνει Ἀριστόξενοσ διὰ τὴν τῶν χειρῶν κίνησιν. οὕτωσ δ’ ἦν ἔνδοξον καὶ σοφὸν ἡ ὄρχησισ ὥστε Πίνδαροσ τὸν Ἀπόλλωνα ὀρχηστὴν καλεῖ· ὀρχήστ’ ἀγλαϊάσ ἀνάσσων, εὐρυφάρετρ’ Ἄπολλον, καὶ Ὅμηροσ ἢ τῶν Ὁμηριδῶν τισ ἐν τῷ εἰσ Ἀπόλλωνα ὕμνῳ φησίν· Ἀπόλλων φόρμιγγ’ ἐν χείρεσσιν ἔχων χάριεν κιθάριζε, καλὰ καὶ ὕψι βιβάσ. Εὔμηλοσ δὲ ὁ Κορίνθιοσ ἢ Ἀρκτῖνοσ τὸν Δία ὀρχούμενόν που παράγει λέγων· μέσσοισιν δ’ ὠρχεῖτο πατὴρ ἀνδρῶν τε θεῶν τε. Θεόφραστοσ δὲ πρῶτόν φησιν Ἄνδρωνα τὸν Καταναῖον αὐλητὴν κινήσεισ καὶ ῥυθμοὺσ ποιῆσαι τῷ σώματι αὐλοῦντα· ὅθεν σικελίζειν τὸ ὀρχεῖσθαι παρὰ τοῖσ παλαιοῖσ· μεθ’ ὃν Κλεόλαν τὸν Θηβαῖον. προσφιλέστατοσ παρὰ Κτησίᾳ.