헬라어 문장 검색 - ΑτηενάΤηεΔειπ́1́26́

(아테나이오스, The Deipnosophists, book 1, chapter 28)

ἐχρῶντο δὲ καὶ αὐλοῖσ καὶ σύριγξιν οἱ ἡρ́ωεσ. "αὐλῶν συρίγγων τ’ ἐνοπὴν" ἀκούει. εἰσ δὲ τὰ συμπόσια οὐ παρήγαγε· πλὴν ἐν τῇ Ὁπλοποιίᾳ γάμων γινομένων αὐλῶν μνημονεύει. τοῖσ δὲ βαρβάροισ ἀποδίδωσι τοὺσ αὐλούσ· παρὰ Τρωσὶ γοῦν ἦν αὐλῶν συρίγγων τ’ ἐνοπή. ἔσπενδον δὲ ἀπὸ τῶν δείπνων ἀναλύοντεσ καὶ τὰσ σπονδὰσ ἐποιοῦντο Ἑρμῇ καὶ οὐχ ὡσ ὕστερον Διὶ τελείῳ. δοκεῖ γὰρ Ἑρμῆσ ὕπνου προστάτησ εἶναι. σπένδουσι δ’ αὐτῷ καὶ ἐπὶ ταῖσ γλώσσαισ ἐκ τῶν δείπνων ἀπιόντεσ. προσνέμονται δ’ αὐτῷ αἱ γλῶσσαι διὰ τὴν ἑρμηνείαν. οἶδε δ’ Ὅμηροσ καὶ ποικίλασ ἐδωδάσ·

"ὄψα οἱᾶ ἔδουσι διοτρεφέεσ βασιλῆεσ. οἶδε δὲ καὶ πᾶσαν τὴν νῦν πολυτέλειαν. οἴκων μὲν οὖν λαμπρότατοσ ὁ Μενελάου. τοιοῦτον δέ τινα ὑφίσταται τῇ κατασκευῇ καὶ λαμπρότητι οἱάνπερ Πολύβιοσ Ἴβηρόσ τινοσ βασιλέωσ οἰκίαν ὃν καὶ ἐζηλωκέναι λέγει τὴν τῶν Φαιάκων τρυφὴν πλὴν τοῦ τοὺσ κρατῆρασ ἐν μέσῳ τῆσ οἰκίασ ἑστάναι πλήρεισ οἴνου κριθίνου, ἀργυροῦσ ὄντασ καὶ χρυσοῦσ. Ὅμηροσ δὲ τοπογραφῶν καὶ τὴν Καλυψοῦσ οἰκίαν ἐκπλήττει τὸν Ἑρμῆν. ἀπολαυστικὸσ δέ ἐστι παρ’ αὐτῷ καὶ ὁ τῶν Φαιάκων βίοσ· καὶ τὰ ἑξῆσ ἃ ἔπη Ἐρατοσθένησ οὕτω γεγράφθαι φησίν·

οὐ γὰρ ἔγωγὲ τί φημι τέλοσ χαριέστερον εἶναι ἢ ὅταν εὐφροσύνη μὲν ἔχῃ κακότητοσ ἀπούσησ, δαιτυμόνεσ δ’ ἀνὰ δώματ’ ἀκουάζωνται ἀοιδοῦ, κακότητοσ ἀπούσησ φάσκων τῆσ ἀφροσύνησ. ἀδύνατον γὰρ μὴ φρονίμουσ εἶναι Φαίακασ, οἳ μάλα φίλοι εἰσὶ θεοῖσιν, ὡσ ἡ Ναυσικάα φησί.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Athenaeus, The Deipnosophists, book 1, chapter 28

(아테나이오스, The Deipnosophists, book 1, chapter 28)

상위

목록

SEARCH

MENU NAVIGATION