헬라어 텍스트

Athenaeus, The Deipnosophists, book 1, chapter 23

(아테나이오스, The Deipnosophists, book 1, chapter 23)

ἑκάστῳ δὲ τῶν δαιτυμόνων παρ’ Ὁμήρῳ παράκειται ποτήριον. "πιεῖν ὅτε θυμὸσ ἀνώγοι. ἐπιστέφονται δὲ ποτοῖο οἱ κρητῆρεσ ἤτοι ὑπερχειλεῖσ οἱ κρατῆρεσ ποιοῦνται, ὥστε διὰ τοῦ ποτοῦ ἐπιστεφανοῦσθαι, καὶ ταῦτα ἔπρασσον πρὸσ οἰωνοῦ τιθέμενοι. "πᾶσιν ἐπαρξάμενοι δεπάεσσι. τὸ δὲ πᾶσιν οὐ τοῖσ ποτηρίοισ, ἀλλὰ τοῖσ ἀνδράσιν. Ἀλκίνουσ γοῦν τῷ Ποντονόῳ φησί· "μέθυ νεῖμον πᾶσιν ἀνὰ μέγαρον. καὶ ἑξῆσ ἐπάγει· · νώμησεν δ’ ἄρα πᾶσιν ἐπαρξάμενοσ δεπάεσσιν. εἰσὶ δὲ καὶ τοῖσ ἀρίστοισ κατὰ δεῖπνα τιμαί. Τυδείδησ γοῦν καὶ κρέασι καὶ πλείοισ δεπάεσσι τιμᾶται καὶ Αἰάσ νώτοισι διηνεκέεσσι γεραίρεται, καὶ οἱ βασιλεῖσ δὲ τοῖσ αὐτοῖσ· Μενέλαοσ δηλονότι.

καὶ Ἰδομενέα δὲ Ἀγαμέμνων πλείῳ δέπᾳ τιμᾷ. καὶ Σαρπηδὼν δὲ παρὰ Λυκίοισ τοῖσ αὐτοῖσ τιμᾶται καὶ ἕδρῃ καὶ κρέασιν. ἦν δέ τισ αὐτοῖσ καὶ διὰ τῆσ προπόσεωσ ἀσπασμόσ· "χρυσέοισ δεπάεσσι δειδέχατ’ ἀλλήλουσ," ἤτοι ἐδεξιοῦντο προπίνοντεσ ἑαυτοῖσ ταῖσ δεξιαῖσ. ἀντὶ τοῦ ἐδεξιοῦτο, ὅ ἐστι προέπινεν αὐτῷ τῇ δεξιᾷ διδοὺσ τὸ ποτήριον.

ἐδωροῦντο δὲ καὶ ἀπὸ τῆσ αὑτῶν μοίρασ οἷσ ἐβούλοντο, ὡσ Ὀδυσσεὺσ νώτου ἀποπροταμὼν οὗ αὐτῷ παρέθεντο τῷ Δημοδόκῳ.