헬라어 문장 검색 - ΑτηενάΤηεΔειπ́1́18́

(아테나이오스, The Deipnosophists, book 1, chapter 20)

εὐωχοῦνται δὲ παρ’ Ὁμήρῳ καθήμενοι. οἰόνται δέ τινεσ καὶ ἑκάστῳ τῶν δαιτυμόνων κατ’ ἄνδρα παρακεῖσθαι τράπεζαν. τῷ γοῦν Μέντῃ, φασίν, ἀφικομένῳ πρὸσ Τηλέμαχον τῶν τραπεζῶν παρακειμένων ξεστὴ παρετέθη τράπεζα. οὔκ ἐστι δὲ τοῦτο ἐμφανῶσ τοῦ προκειμένου κατασκευαστικὸν δύναται γὰρ ἡ Ἀθηνᾶ ἀπὸ τῆσ Τηλεμάχου τραπέζησ δαίνυσθαι. παρ’ ὅλην δὲ τὴν συνουσίαν παρέκειντο αἱ τράπεζαι πλήρεισ, ὡσ παρὰ πολλοῖσ τῶν βαρβάρων ἔτι καὶ νῦν ἔθοσ ἐστί, κατηρεφέεσ παντοίων ἀγαθῶν, κατὰ Ἀνακρέοντα. μετὰ δὲ τὴν ἀναχώρησιν αἱ δμωαὶ ἀπὸ μὲν σῖτον πολὺν ᾕρεον καὶ τράπεζαν καὶ δέπα. ἰδιάζον δὲ τὸ παρὰ Μενελάῳ εἰσάγει συμπόσιον. δειπνήσαντασ γὰρ ποιεῖ ὁμιλοῦντασ· εἶτ’ ἀπονιψαμένουσ ποιεῖ πάλιν δειπνοῦντασ καὶ δόρπου ἐξαῦτισ μεμνημένουσ μετὰ τὸν κλαυθμόν. τῷ δὲ μὴ αἴρεσθαι τὰσ τραπέζασ ἐναντιοῦσθαι δοκεῖ τὸ ἐν Ἰλιάδι· ἔσθων καὶ πίνων, ἔτι καὶ παρέκειτο τράπεζα.

ἀναγνωστέον οὖν οὕτω· ἔσθων καὶ πίνων ἔτι, καὶ παρέκειτο τράπεζα, ἢ τὸν καιρὸν αἰτιᾶσθαι τὸν παρόντα δεῖ. πῶσ γὰρ ἦν πρέπον τῷ Ἀχιλλεῖ πενθοῦντι παρακεῖσθαι τράπεζαν καθάπερ τοῖσ εὐωχουμένοισ παρ’ ὅλην τὴν συνουσίαν, · παρετίθεντο δὲ οἱ μὲν ἄρτοι σὺν τοῖσ κανοῖσ, τὰ δὲ δεῖπνα κρέα μόνον ἦν ὀπτά. ζωμὸν δὲ οὐκ ἐποίει Ὅμηροσ θύων βοῦσ, οὐδ’ ἦψεν κρέα οὐδ’ ἐγκέφαλον· ὤπτα δὲ καὶ τὰσ κοιλίασ.

οὕτω σφόδρ’ ἦν ἀρχαῖοσ Ἀντιφάνησ φησί.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Athenaeus, The Deipnosophists, book 1, chapter 20

(아테나이오스, The Deipnosophists, book 1, chapter 20)

상위

목록

SEARCH

MENU NAVIGATION