호흡부호 보기
강세부호 보기
장단부호 보기
작은 Iota 보기
모든 부호 보기
ὅτι τροφαῖσ ἐχρῶντο οἱ ἡρ́ωεσ παρ’ Ὁμήρῳ πρῶτον μὲν τῷ καλουμένῳ ἀκρατίσματι ὃ λέγει ἄριστον· οὗ ἅπαξ μέμνηται ἐν Ὀδυσσείᾳ· "Ὀδυσεὺσ καὶ δῖοσ ὑφορβὸσ ἐντύνοντ’ ἄριστον κειαμένω πῦρ," καὶ ἅπαξ ἐν Ἰλιάδι· ἐσσυμένωσ ἐπένοντο καὶ ἐντύνοντ’ ἄριστον. λέγει δὲ τὸ πρωινὸν ἔμβρωμα, ὃ ἡμεῖσ ἀκρατισμὸν καλοῦμεν διὰ τὸ ἐν ἀκράτῳ βρέχειν καὶ προσίεσθαι ψωμούσ, ὡσ Ἀντιφάνησ· ἄριστον ἐν ὅσῳ ὁ μάγειροσ ποιεῖ, εἶτ’ ἐπάγει· συνακρατίσασθαι πῶσ ἔχεισ μετ’ ἐμοῦ; καὶ Κάνθαροσ· α. οὐκοῦν ἀκρατισώμεθ’ αὐτοῦ. β. μηδαμῶσ· Ἰσθμοῖ γὰρ ἀριστήσομεν. Ἀριστομένησ· ἀκρατιοῦμαι μικρόν, εἶθ’ ἥξω πάλιν ἄρτου δὶσ ἢ τρὶσ ἀποδακών.
Φιλήμων δέ φησιν ὅτι τροφαῖσ δ’ ἐχρῶντο οἱ παλαιοί, ἀκρατίσματι, ἀρίστῳ, ἑσπερίσματι, δείπνῳ. τὸν μὲν οὖν ἀκρατισμὸν διανηστισμὸν ἔλεγον, τὸ δ’ ἄριστον δεῖπνον τὸ δ’ ἑσπέρισμα δορπηστόν, τὸ δὲ δεῖπνον ἐπιδορπίδα. ἐστὶ δ’ ἡ τάξισ καὶ παρ’ Αἰσχύλῳ τῶν ὀνομάτων ἐν οἷσ ὁ Παλαμήδησ πεποίηται λέγων καὶ ταξιάρχασ χἀκατοντάρχασ στρατῷ ἔταξα. σῖτον δ’ εἰδέναι διώρισα ἄριστα, δεῖπνα, δόρπα δ’ αἱρεῖσθαι τρίτα.
ὃ καλοῦσί τινεσ δειλινόν, ὅ ἐστι μεταξὺ τοῦ ὑφ’ ἡμῶν λεγομένου ἀρίστου καὶ δείπνου. καὶ ἄριστον μέν ἐστι τὸ ὑπὸ τὴν ἑώ λαμβανόμενον, δεῖπνον δὲ τὸ μεσημβρινὸν ὃ ἡμεῖσ ἄριστον, δόρπον δὲ τὸ ἑσπερινόν. μήποτε δὲ καὶ συνωνυμεῖ τὸ ἄριστον τῷ δείπνῳ. ἐπὶ γὰρ τῆσ πρωινῆσ που τροφῆσ ἔφη· "οἱ δ’ ἄρα δεῖπνον ἕλοντο, ἀπὸ δ’ αὐτοῦ θωρήσσοντο. μετὰ γὰρ τὴν ἀνατολὴν εὐθὺσ δειπνοποιησάμενοι προέρχονται εἰσ τὴν μάχην.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기