헬라어 문장 검색 - Αρριαν́Αναβασί3́30́

(아리아노스, Anabasis, book 3, chapter 30)

Ἐνταῦθα ἔμαθε Πτολεμαῖοσ ὅτι οὐ βεβαία τῷ Σπιταμένει καὶ Δαταφέρνῃ ἡ γνώμη ἐστὶν ἀμφὶ τῇ παραδόσει τοῦ Βήσσου. τοὺσ μὲν δὴ πεζοὺσ κατέλιπε, προστάξασ ἕπεσθαι ἐν τάξει, αὐτὸσ δὲ ξὺν τοῖσ ἱππεῦσιν ἐλάσασ ἀφίκετο πρὸσ κώμην τινά, ἵνα ὁ Βῆσσοσ ἦν ξὺν ὀλίγοισ στρατιώταισ. οἱ γὰρ ἀμφὶ τὸν Σπιταμένην μετακεχωρήκεσαν ἤδη ἐκεῖθεν, καταιδεσθέντεσ αὐτοὶ παραδοῦναι τὸν Βῆσσον.

Πτολεμαῖοσ δὲ περιστήσασ ἐν κύκλῳ τῆσ κώμησ τοὺσ ἱππέασ ἡ̓͂ν γάρ τι καὶ τεῖχοσ περιβεβλημένον καὶ πύλαι κατ̓ αὐτό̓ ἐπεκηρυκεύετο τοῖσ ἐν τῇ κώμῃ βαρβάροισ ἀπαθεῖσ σφᾶσ ἀπαλλάσσεσθαι παραδόντασ Βῆσσον. οἱ δὲ ἐδέχοντο τοὺσ ξὺν Πτολεμαίῳ ἐσ τὴν κώμην. καὶ Πτολεμαῖοσ ξυλλαβὼν Βῆσσον ὀπίσω ἐπανῄει.

προπέμψασ δὲ ἤρετο Ἀλέξανδρον, ὅπωσ χρὴ ἐσ ὄψιν ἄγειν Ἀλεξάνδρου Βῆσσον. καῖ Ἀλέξανδροσ γυμνὸν ἐν κλοιῷ δήσαντα οὕτωσ ἄγειν ἐκέλευσε καὶ καταστήσαντα ἐν δεξιᾷ τῆσ ὁδοῦ, ᾗ αὐτόσ τε καὶ ἡ στρατιὰ παρελεύσεσθαι ἔμελλε. καὶ Πτολεμαῖοσ οὕτωσ ἐποίησεν. Ἀλέξανδροσ δὲ ἰδὼν τὸν Βῆσσον ἐπιστήσασ τὸ ἁρ́μα ἤρετο ἀνθ̓ ὅτου τὸν βασιλέα τὸν αὑτοῦ καὶ ἅμα καὶ οἰκεῖον καὶ εὐεργέτην γενόμενον Δαρεῖον τὰ μὲν πρῶτα ξυνέλαβε καὶ δήσασ ἦγεν, ἔπειτα ἀπέκτεινε.

καὶ ὁ Βῆσσοσ οὐ μόνῳ οἷ ταῦτα δόξαντα πρᾶξαι ἔφη, ἀλλὰ ξὺν τοῖσ τότε ἀμφὶ Δαρεῖον οὖσιν, ὡσ σωτηρίαν σφίσιν εὑρέσθαι παῤ Ἀλεξάνδρου. Ἀλέξανδροσ δὲ ἐπὶ τοῖσδε μαστιγοῦν ἐκέλευεν αὐτὸν καὶ ἐπιλέγειν τὸν κήρυκα ταὐτὰ ἐκεῖνα ὅσα αὐτὸσ τῷ Βήσσῳ ἐν τῇ πύστει ὠνείδισε.

Βῆσσοσ μὲν δὴ οὕτωσ αἰκισθεὶσ ἀποπέμπεται ἐσ Βάκτρα ἀποθανούμενοσ. καὶ ταῦτα Πτολεμαῖοσ ὑπὲρ Βήσσου ἀνέγραψεν· Ἀριστόβουλοσ δὲ τοὺσ ἀμφὶ Σπιταμένην τε καὶ Δαταφέρνην Πτολεμαίῳ ἀγαγεῖν Βῆσσον καὶ παραδοῦναι Ἀλεξάνδρῳ γυμνὸν ἐν κλοιῷ δήσαντασ. Ἀλέξανδροσ δὲ ἀναπληρώσασ τὸ ἱππικὸν ἐκ τῶν αὐτόθεν ἵππων ̔πολλοὶ γὰρ αὐτῷ ἵπποι ἔν τε τῇ ὑπερβολῇ τοῦ Καυκάσου καὶ ἐν τῇ ἐπὶ τὸν Ὄξον τε καὶ ἀπὸ τοῦ Ὄξου πορείᾳ ἐξέλιπον̓ ὡσ ἐπὶ Μαράκανδα ἦγε·

τὰ δέ ἐστι βασίλεια τῆσ Σογδιανῶν χώρασ. ἔνθεν δὲ ἐπὶ τὸν Τάναϊν ποταμὸν προῄει. τῷ δὲ Τανάϊδι τούτῳ, ὃν δὴ καὶ Ὀρξάντην ἄλλῳ ὀνόματι πρὸσ τῶν ἐπιχωρίων βαρβάρων καλεῖσθαι λέγει Ἀριστόβουλοσ, αἱ πηγαὶ μὲν ἐκ τοῦ Καυκάσου ὄρουσ καὶ αὐτῷ εἰσιν·

ἐξίησι δὲ καὶ οὗτοσ ὁ ποταμὸσ εἰσ τὴν Ὑρκανίαν θάλασσαν ἄλλοσ δὲ ἂν εἰή Τάναϊσ ὑπὲρ ὅτου λέγει Ἡρόδοτοσ ὁ λογοποιὸσ ὄγδοον εἶναι τῶν ποταμῶν τῶν Σκυθικῶν Τάναϊν, καὶ ῥέειν μὲν ἐκ λίμνησ μεγάλησ ἀνίσχοντα, ἐκδιδόναι δὲ ἐσ μείζω ἔτι λίμνην, τὴν καλουμένην Μαιῶτιν· καὶ τὸν Τάναϊν τοῦτον εἰσὶν οἳ ὁρ́ον ποιοῦσι τῆσ Ἀσίασ καὶ τῆσ Εὐρώπησ, οἷσ δὴ ἀπὸ τοῦ μυχοῦ τοῦ πόντου τοῦ Εὐξείνου ἡ λίμνη τε ἡ Μαιῶτισ καὶ ὁ ἐσ ταύτην ἐξιεὶσ ποταμὸσ ὁ Τάναισ οὗτοσ διείργει τὴν Ἀσίαν καὶ τὴν Εὐρώπην, καθάπερ ἡ κατὰ Γάδειρά τε καὶ τοὺσ ἀντιπέρασ Γαδείρων Λίβυασ τοὺσ Νομάδασ·

θάλασσα τὴν Λιβύην αὖ καὶ τὴν Εὐρώπην διείργει, οἷσ γε δὴ ἡ Λιβύη ἀπὸ τῆσ Ἀσίασ τῆσ ἄλλησ τῷ Νείλῳ ποταμῷ διακέκριται.

Ἐνταῦθα ἀποσκεδασθέντεσ τινὲσ τῶν Μακεδόνων ἐσ προνομὴν κατακόπτονται πρὸσ τῶν βαρβάρων οἱ δὲ δράσαντεσ τὸ ἔργον ἀπέφυγον ἐσ ὄροσ τραχύτατον καὶ πάντῃ ἀπότομον·

ἦσαν δὲ τὸ πλῆθοσ ἐσ τρισμυρίουσ. καὶ ἐπὶ τούτουσ Ἀλέξανδροσ τοὺσ κουφοτάτουσ τῆσ στρατιᾶσ ἀναλαβὼν ἦγεν. ἔνθα δὴ προσβολαὶ πολλαὶ ἐγίγνοντο τοῖσ Μακεδόσιν ἐσ τὸ ὄροσ·

καὶ τὰ μὲν πρῶτα ἀπεκρούοντο βαλλόμενοι ἐκ τῶν βαρβάρων, καὶ ἄλλοι τε πολλοὶ τραυματίαι ἐγένοντο καὶ αὐτὸσ Ἀλέξανδροσ ἐσ τὴν κνήμην τοξεύεται διαμπὰξ καὶ τῆσ περόνησ τι ἀποθραύεται αὐτῷ ἐκ τοῦ τοξεύματοσ. ἀλλὰ καὶ ὣσ ἔλαβέ τε τὸ χωρίον, καὶ τῶν βαρβάρων οἱ μὲν αὐτοῦ κατεκόπησαν πρὸσ τῶν Μακεδόνων, πολλοὶ δὲ καὶ κατὰ τῶν πετρῶν ῥίψαντεσ σφᾶσ ἀπέθανον, ὥστε ἐκ τρισμυρίων οὐ πλείουσ ἀποσωθῆναι ὀκτακισχιλίων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 3, chapter 30

(아리아노스, Anabasis, book 3, chapter 30)

상위

목록

SEARCH

MENU NAVIGATION