헬라어 문장 검색 - Αρριαν́Αναβασί3́23́

(아리아노스, Anabasis, book 3, chapter 23)

Ἀλέξανδροσ δὲ τοὺσ ὑπολειφθέντασ ἐν τῇ διώξει τῆσ στρατιᾶσ ἀναλαβὼν ἐσ Ὑρκανίαν προὐχώρει. κεῖται δὲ ἡ Ὑρκανία χώρα ἐν ἀριστερᾷ τῆσ ὁδοῦ τῆσ ἐπὶ Βάκτρα φερούσησ· καὶ τῇ μὲν ὄρεσιν ἀπείργεται δασέσι καὶ ὑψηλοῖσ, τὸ πεδίον δὲ αὐτῆσ καθήκει ἔστε ἐπὶ τὴν μεγάλην τὴν ταύτῃ θάλασσαν. ταύτην δὲ ἦγεν, ὅτι ταύτῃ τοὺσ ξένουσ τοὺσ ἀμφὶ Δαρεῖον διαπεφευγέναι ἐσ τὰ τῶν Ταπούρων ὄρη ἐπύθετο καὶ αὐτοὺσ ἅμα τοὺσ Ταπούρουσ χειρωσόμενοσ. τριχῇ δὴ διελὼν τὸν στρατὸν αὐτὸσ μὲν τὴν ἐπιτομωτάτην καὶ χαλεπωτάτην ἡγήσατο, τὸ πλεῖστον καὶ ἅμα τὸ κουφότατον τῆσ δυνάμεωσ ἄγων·

Κρατερὸν δὲ τήν τε αὑτοῦ τάξιν ἔχοντα καὶ τὴν Ἀμύντου καὶ τῶν τοξοτῶν ἔστιν οὓσ, καὶ ὀλίγουσ τῶν ἱππέων ἐπὶ Ταπούρων ἔστειλεν· Ἐριγύϊον δὲ τούσ τε ξένουσ καὶ τὴν λοιπὴν ἵππον ἀναλαβόντα τὴν λεωφόρον τε καὶ μακροτέραν ἡγεῖσθαι ἐκέλευσε, τὰσ ἁμάξασ καὶ τὰ σκευοφόρα καὶ τὸν ἄλλον ὅμιλον ἄγοντα. Ὑπερβαλὼν δὲ τὰ πρῶτα ὄρη καὶ καταστρατοπεδεύσασ αὐτοῦ ἀναλαβὼν τούσ τε ὑπασπιστὰσ καὶ τῆσ Μακεδονικῆσ φάλαγγοσ τοὺσ κουφοτάτουσ καὶ τῶν τοξοτῶν ἔστιν οὓσ ᾔει χαλεπὴν ὁδὸν καὶ δύσπορον, φύλακασ τῶν ὁδῶν καταλιπών, ἵνα σφαλερόν τι αὐτῷ ἐφαίνετο, ὡσ μὴ τοῖσ ἑπομένοισ κατ̓ ἐκεῖνα ἐπιθοῖντο οἱ τὰ ὄρη ἔχοντεσ τῶν βαρβάρων.

αὐτὸσ δὲ μετὰ τῶν τοξοτῶν διελθὼν τὰ στενὰ ἐν τῷ πεδίῳ κατεστρατοπέδευσε πρὸσ ποταμῷ οὐ μεγάλῳ.

καὶ ἐνταῦθα ὄντοσ αὐτοῦ Ναβαρζάνησ τε ὁ Δαρείου χιλιάρχησ καὶ Φραταφέρνησ ὁ Ὑρκανίασ τε καὶ Παρθυαίων σατράπησ καὶ ἄλλοι τῶν ἀμφὶ Δαρεῖον Περσῶν οἱ ἐπιφανέστατοι ἀφικόμενοι παρέδοσαν σφᾶσ αὐτούσ. ὑπομείνασ δὲ ἐν τῷ στρατοπέδῳ τέσσαρασ ἡμέρασ ἀνέλαβε τοὺσ ὑπολειφθέντασ κατὰ τὴν ὁδόν, τοὺσ μὲν ἄλλουσ ἀσφαλῶσ διελθόντασ, τοῖσ δὲ Ἀγριᾶσιν ὀπισθοφυλακοῦσιν ἐπέθεντο οἱ ὄρειοι τῶν βαρβάρων, καὶ μεῖον ἔχοντεσ τῷ ἀκροβολισμῷ ἀπηλλάγησαν.

Ἄρασ δὲ ἐντεῦθεν προῄει ὡσ ἐφ̓ Ὑρκανίαν εἰσ Ζαδράκαρτα πόλιν Ὑρκανίων.

καὶ ἐν τούτῳ οἱ περὶ Κρατερὸν ξυνέμιξαν αὐτῷ, τοῖσ μὲν ξένοισ τοῖσ Δαρείου οὐκ ἐντετυχηκότεσ, τὴν χώραν δὲ ὅσην διαπεπορευμένοι ἦσαν τὴν μὲν βίᾳ, τὴν δὲ ἐνδιδόντων τῶν κατοικούντων προσπεποιημένοι. ἐνταῦθα καὶ Ἐριγύϊοσ ἧκε σὺν τοῖσ σκευοφόροισ καὶ ταῖσ ἁμάξαισ. ὀλίγον δὲ ὕστερον Ἀρτάβαζοσ ἀφίκετο παῤ Ἀλέξανδρον καὶ τῶν παίδων αὐτοῦ Κωφὴν καὶ Ἀριοβαρζάνησ καὶ Ἀρσάμησ καὶ ξὺν τούτοισ παρὰ τῶν ξένων τῶν ξὺν Δαρείῳ πρέσβεισ καὶ Αὐτοφραδάτησ ὁ Ταπούρων σατράπησ.

Αὐτοφραδάτῃ μὲν δὴ τὴν σατραπείαν ἀπέδωκεν, Ἀρτάβαζον δὲ καὶ τοὺσ παῖδασ ἅμα οἷ ἐν τιμῇ ἦγε, τά τε ἄλλα ἐν τοῖσ πρώτοισ Περσῶν ὄντασ καὶ τῆσ ἐσ Δαρεῖον πίστεωσ ἕνεκα. τοῖσ πρέσβεσι δὲ τῶν Ἑλλήνων δεομένοισ σπείσασθαί σφισιν ὑπὲρ τοῦ παντὸσ ξενικοῦ ἀπεκρίνατο ὁμολογίαν μὲν οὐκ ἂν ποιήσασθαι πρὸσ αὐτοὺσ οὐδεμίαν·

ἀδικεῖν γὰρ μεγάλα τοὺσ στρατευομένουσ ἐναντία τῇ Ἑλλάδι παρὰ τοῖσ βαρβάροισ παρὰ τὰ δόγματα τῶν Ἑλλήνων· ἐκέλευσε δὲ ἥκειν ξύμπαντασ καὶ παραδιδόναι σφᾶσ αὐτοὺσ ἐπιτρέποντασ Ἀλεξάνδρῳ χρῆσθαι ὅ τι βούλοιτο, ἢ σώζεσθαι ὅπῃ δύναιντο. οἱ δὲ ἐπιτρέπειν ἔφασαν σφᾶσ τε αὐτοὺσ καὶ τοὺσ ἄλλουσ Ἀλεξάνδρῳ·

ξυμπέμπειν τε ἐκέλευον τὸν ἡγησόμενον αὐτοῖσ, ὡσ ἀσφαλῶσ διακομισθεῖεν παῤ αὐτόν· εἶναι δὲ ἐλέγοντο ἐσ χιλίουσ καὶ πεντακοσίουσ. καὶ Ἀλέξανδροσ πέμπει Ἀνδρόνικον τὸν Ἀγέρρου καὶ Ἀρτάβαζον παῤ αὐτούσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Arrian, Anabasis, book 3, chapter 23

(아리아노스, Anabasis, book 3, chapter 23)

상위

목록

SEARCH

MENU NAVIGATION