헬라어 문장 검색 - Αρριαν́Αναβασί3́20́

(아리아노스, Anabasis, book 3, chapter 20)

Αὐτὸσ δὲ ἀναλαβὼν τήν τε ἵππον τῶν ἑταίρων καὶ τοὺσ προδρόμουσ καὶ τοὺσ μισθοφόρουσ ἱππέασ, ὧν Ἐριγύϊοσ ἡγεῖτο, καὶ τὴν φάλαγγα τὴν Μακεδονικὴν ἔξω τῶν ἐπὶ τοῖσ χρήμασι ταχθέντων καὶ τοὺσ τοξότασ καὶ τοὺσ Ἀγριᾶνασ ἤλαυνεν ὡσ ἐπὶ Δαρεῖον. καὶ αὐτῷ κατὰ τὴν ὁδὸν σπουδῇ γιγνομένην τῶν τε στρατιωτῶν πολλοὶ κάμνοντεσ ὑπελείποντο καὶ ἵπποι ἀπέθνησκον· ἀλλὰ καὶ ὣσ ἦγε, καὶ ἀφικνεῖται ἐσ Ῥάγασ ἑνδεκάτῃ ἡμέρᾳ.

διέχει δὲ ὁ χῶροσ οὗτοσ ἀπὸ τῶν Κασπίων πυλῶν ὁδὸν ἡμέρασ μιᾶσ ἐλαύνοντι ὡσ Ἀλέξανδροσ ἦγε. Δαρεῖοσ δὲ ἐφθάκει ἤδη παρεληλυθὼσ εἴσω τῶν πυλῶν τῶν Κασπίων. τῶν δὲ συμφευγόντων Δαρείῳ πολλοὶ μὲν ἀπολιπόντεσ αὐτὸν ἐν τῇ φυγῇ ἐπὶ τὰ αὑτῶν ἕκαστοι ἀπεχώρουν, οὐκ ὀλίγοι δὲ καὶ Ἀλεξάνδρῳ σφᾶσ ἐνεδίδοσαν. Ἀλέξανδροσ δὲ ὡσ ἀπέγνω κατὰ πόδασ αἱρήσειν Δαρεῖον, μείνασ αὐτοῦ πέντε ἡμέρασ καὶ ἀναπαύσασ τὸν στρατὸν Μηδίασ μὲν σατράπην ἀπέδειξεν Ὀξυδάτην Πέρσην ἄνδρα, ὃσ ἐτύγχανε πρὸσ Δαρείου ξυνειλημμένοσ καὶ ἐν Σούσοισ εἰργόμενοσ·

τοῦτο αὐτῷ ἐσ πίστιν ἦν πρὸσ Ἀλέξανδρον· αὐτὸσ δὲ ὡσ ἐπὶ Παρθυαίουσ ἦγε. καὶ τῇ μὲν πρώτῃ πρὸσ ταῖσ Κασπίαισ πύλαισ ἐστρατοπέδευσε, τῇ δευτέρᾳ δὲ εἴσω παρῆλθε τῶν πυλῶν ἔστε οἰκούμενα ἦν.

ἐπισιτισάμενοσ δὲ αὐτόθεν, ὅτι ἔρημον τὴν πρόσω χώραν ἤκουεν, ἐσ προνομὴν ἐκπέμπει Κοῖνον ξὺν ἱππεῦσί τε καὶ τῶν πεζῶν ὀλίγοισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Arrian, Anabasis, book 3, chapter 20

(아리아노스, Anabasis, book 3, chapter 20)

상위

목록

SEARCH

MENU NAVIGATION