헬라어 문장 검색 - Αρριαν́Αναβασί3́17́

(아리아노스, Anabasis, book 3, chapter 17)

Ἄρασ δὲ ἐκ Σούσων καὶ διαβὰσ τὸν Πασιτίγριν ποταμὸν ἐμβάλλει εἰσ τὴν Οὐξίων γῆν. Οὐξίων δὲ οἱ μὲν τὰ πεδία οἰκοῦντεσ τοῦ τε σατράπου τῶν Περσῶν ἤκουον καὶ τότε Ἀλεξάνδρῳ σφᾶσ ἐνέδοσαν· οἱ δὲ ὄρειοι καλούμενοι Οὔξιοι Πέρσαισ τε οὐχ ὑπήκοοι ἦσαν καὶ τότε πέμψαντεσ παῤ Ἀλέξανδρον οὐκ ἄλλωσ παρήσειν ἔφασαν τὴν ἐπὶ Πέρσασ ἰόντα ξὺν τῇ δυνάμει ἢ λαβεῖν, ὅσα καὶ παρὰ τοῦ Περσῶν βασιλέωσ ἐπὶ τῇ παρόδῳ ἐλάμβανον. καὶ τούτουσ ἀποπέμπει Ἀλέξανδροσ, ἥκειν κελεύσασ ἐπὶ τὰ στενά, ὧν κρατοῦντεσ ἐπὶ σφίσιν ἐδόκουν τὴν πάροδον εἶναι τὴν ἐσ Πέρσασ, ἵνα καὶ παῤ αὑτοῦ λάβοιεν τὰ τεταγμένα.

αὐτὸσ δὲ ἀναλαβὼν τοὺσ σωματοφύλακασ τοὺσ βασιλικοὺσ καὶ τοὺσ ὑπασπιστὰσ καὶ τῆσ ἄλλησ στρατιᾶσ ἐσ ὀκτακισχιλίουσ τῆσ νυκτὸσ ᾔει ἄλλην ἢ τὴν φανερὰν ἡγησαμένων αὐτῷ τῶν Σουσίων. καὶ διελθὼν ὁδὸν τραχεῖαν καὶ δύσπορον ἐν μιᾷ ἡμέρᾳ ἐπιπίπτει ταῖσ κώμαισ τῶν Οὐξίων, καὶ λείαν τε πολλὴν ἔλαβε καὶ αὐτῶν ἔτι ἐν ταῖσ εὐναῖσ ὄντων πολλοὺσ κατέκτεινεν·

οἱ δὲ ἀπέφυγον ἐσ τὰ ὄρη. αὐτὸσ δὲ ᾔει σπουδῇ ἐπὶ τὰ στενά, ἵνα ἀπαντήσεσθαι οἱ Οὔξιοι πανδημεῖ ἐδόκουν ληψόμενοι τὰ τεταγμένα. Κρατερὸν δὲ ἔτι πρόσθεν ἀπέστειλε τὰ ἄκρα καταληψόμενον, ἔνθα ᾤετο βιαζομένουσ τοὺσ Οὐξίουσ ἀποχωρήσειν.

αὐτὸσ δὲ πολλῷ τάχει ᾔει· καὶ φθάνει τε κρατήσασ τῶν παρόδων καὶ ξυντεταγμένουσ τοὺσ ἀμφ̓ αὑτὸν ἔχων ἐξ ὑπερδεξίων χωρίων ἐπῆγεν ὡσ ἐπὶ τοὺσ βαρβάρουσ. οἱ δὲ τῷ τε τάχει τῷ Ἀλεξάνδρου ἐκπλαγέντεσ καὶ τοῖσ χωρίοισ, οἷσ μάλιστα δὴ ἐπεποίθεσαν, πλεονεκτούμενοι ἔφυγον οὐδὲ εἰσ χεῖρασ ἐλθόντεσ·

καὶ οἱ μὲν αὐτῶν ὑπὸ τῶν ἀμφ̓ Ἀλέξανδρον ἐν τῇ φυγῇ ἀπέθανον, πολλοὶ δὲ καὶ κατὰ τὴν ὁδὸν κρημνώδη οὖσαν· οἱ πλεῖστοι δὲ ἐπὶ τὰ ὄρη ἀναφεύγοντεσ ἐμπίπτουσιν ἐσ τοὺσ ἀμφὶ Κρατερὸν καὶ ὑπὸ τούτων ἀπώλοντο. ταῦτα τὰ γέρα παῤ Ἀλεξάνδρου λαβόντεσ χαλεπῶσ εὑρ́οντο δεόμενοι παῤ αὐτοῦ τὴν χώραν τὴν σφῶν ἔχοντεσ φόρουσ ὅσα ἔτη Ἀλεξάνδρῳ ἀποφέρειν.

Πτολεμαῖοσ δὲ ὁ Λάγου λέγει τὴν Δαρείου μητέρα δεηθῆναι ὑπὲρ αὐτῶν Ἀλεξάνδρου δοῦναί σφισι τὴν χώραν οἰκεῖν. ὁ φόροσ δὲ ὁ συνταχθεὶσ ἦν ἵπποι ἐσ ἔτοσ ἑκατὸν καὶ ὑποζύγια πεντακόσια καὶ πρόβατα τρισμύρια. χρήματα γὰρ οὐκ ἦν Οὐξίοισ οὐδὲ ἡ γῆ οἱά ἐργάζεσθαι, ἀλλὰ νομεῖσ αὐτῶν οἱ πολλοὶ ἦσαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Arrian, Anabasis, book 3, chapter 17

(아리아노스, Anabasis, book 3, chapter 17)

상위

목록

SEARCH

MENU NAVIGATION