헬라어 문장 검색 - Αρριαν́Αναβασί3́15́

(아리아노스, Anabasis, book 3, chapter 15)

Καὶ ἐν τούτῳ ἀμφιβόλων τὰ πρῶτα γενομένων τῶν Μακεδόνων πέμπει Παρμενίων παῤ Ἀλέξανδρον σπουδῇ ἀγγελοῦντα, ὅτι ἐν ἀγῶνι ξυνέχεται τὸ κατὰ σφᾶσ καὶ βοηθεῖν δεῖ. ταῦτα ὡσ ἐξηγγέλθη Ἀλεξάνδρῳ, τοῦ μὲν διώκειν ἔτι ἀπετράπετο, ἐπιστρέψασ δὲ ξὺν τῇ ἵππῳ τῶν ἑταίρων ὡσ ἐπὶ τὸ δεξιὸν τῶν βαρβάρων ἦγε δρόμῳ. καὶ πρῶτα μὲν τοῖσ φεύγουσι τῶν πολεμίων ἱππεῦσι, τοῖσ τε Παρθυαίοισ καὶ τῶν Ἰνδῶν ἔστιν οἷσ καὶ Πέρσαισ τοῖσ πλείστοισ καὶ κρατίστοισ ἐμβάλλει. καὶ ἱππομαχία αὕτη καρτερωτάτη τοῦ παντὸσ ἔργου ξυνέστη.

ἐσ βάθοσ τε γὰρ οἱᾶ δὴ ἰληδὸν τεταγμένοι ἀνέστρεφον οἱ βάρβαροι καὶ ἀντιμέτωποι τοῖσ ἀμφ̓ Ἀλέξανδρον ξυμπεσόντεσ οὔτε ἀκοντισμῷ ἔτι οὔτ̓ ἐξελιγμοῖσ τῶν ἵππων, ἥπερ ἱππομαχίασ δίκη, ἐχρῶντο, ἀλλὰ διεκπαῖσαι πᾶσ τισ τὸ καθ̓ αὑτόν, ὡσ μόνην ταύτην σωτηρίαν σφίσιν οὖσαν, ἐπειγόμενοι ἔκοπτόν τε καὶ ἐκόπτοντο ἀφειδῶσ, οἱᾶ δὴ οὐχ ὑπὲρ νίκησ ἀλλοτρίασ ἔτι, ἀλλ̓ ὑπὲρ σωτηρίασ οἰκείασ ἀγωνιζόμενοι. καὶ ἐνταῦθα πίπτουσι μὲν ἀμφὶ ἑξήκοντα τῶν ἑταίρων τοῦ Ἀλεξάνδρου, καὶ τιτρώσκεται Ἡφαιστίων τε αὐτὸσ καὶ Κοῖνοσ καὶ Μενίδασ· ἀλλὰ ἐκράτησε καὶ τούτων Ἀλέξανδροσ. Καὶ τούτων μὲν ὅσοι διεξέπαισαν διὰ τῶν ἀμφ̓ Ἀλέξανδρον ἔφευγον ἀνὰ κράτοσ·

Ἀλέξανδροσ δὲ ἐγγὺσ ἦν προσμῖξαι ἤδη τῷ δεξιῷ κέρατι τῶν πολεμίων. καὶ ἐν τούτῳ οἱ Θεσσαλοὶ ἱππεῖσ λαμπρῶσ ἀγωνισάμενοι οὐχ ὑπελείποντο Ἀλεξάνδρῳ τοῦ ἔργου· ἀλλὰ ἔφευγον γὰρ ἤδη οἱ ἀπὸ τοῦ δεξιοῦ κέρωσ τῶν βαρβάρων, ὁπότε Ἀλέξανδροσ αὐτοῖσ ξυνέμιξεν, ὥστε ἀποτραπόμενοσ Ἀλέξανδροσ ἐσ τὸ διώκειν αὖθισ Δαρεῖον ἐξώρμησε· καὶ ἐδίωξεν ἔστε φάοσ ἦν· καὶ οἱ ἀμφὶ Παρμενίωνα τὸ καθ̓ αὑτοὺσ διώκοντεσ εἵποντο.

ἀλλὰ Ἀλέξανδροσ μὲν διαβὰσ τὸν ποταμὸν τὸν Λύκον κατεστρατοπέδευσεν αὐτοῦ, ὡσ ἀναπαῦσαι ὀλίγον τούσ τε ἄνδρασ καὶ τοὺσ ἵππουσ· Παρμενίων δὲ τὸ τε στρατόπεδον τῶν βαρβάρων εἷλε καὶ τὰ σκευοφόρα καὶ τοὺσ ἐλέφαντασ καὶ τὰσ καμήλουσ. Ἀλέξανδροσ δὲ ἀναπαύσασ τοὺσ ἀμφ̓ αὑτὸν ἱππέασ ἔστε ἐπὶ μέσασ νύκτασ προὐχώρει αὖθισ κατὰ σπουδὴν ἐπ̓ Ἄρβηλα, ὡσ Δαρεῖόν τε αἱρήσων ἐκεῖ καὶ τὰ χρὴματα καὶ τὴν ἄλλην κατασκευὴν τὴν βασιλικήν.

καὶ ἀφίκετο εἰσ Ἄρβηλα τῇ ὑστεραίᾳ διώξασ τοὺσ πάντασ ἐκ τῆσ μάχησ σταδίουσ μάλιστα ἐσ ἑξακοσίουσ. καὶ Δαρεῖον μὲν οὐ καταλαμβάνει ἐν Ἀρβήλοισ, ἀλλὰ ἔφευγεν οὐδέν τι ἐλινύσασ Δαρεῖοσ· τὰ χρήματα δὲ ἐγκατελήφθη καὶ ἡ κατασκευὴ πᾶσα, καὶ τὸ ἁρ́μα τὸ Δαρείου αὖθισ ἐγκατελήφθη καὶ ἡ ἀσπὶσ αὖθισ καὶ τὰ τόξα ἑάλω. Ἀπέθανον δὲ τῶν ἀμφ̓ Ἀλέξανδρον ἄνδρεσ μὲν ἐσ ἑκατὸν μάλιστα, ἵπποι δὲ ἔκ τε τῶν τραυμάτων καὶ τῆσ κακοπαθείασ τῆσ ἐν τῇ διώξει ὑπὲρ τοὺσ χιλίουσ, καὶ τούτων τῆσ ἑταιρικῆσ ἵππου σχεδόν τι οἱ ἡμίσεεσ.

τῶν βαρβάρων δὲ νεκρῶν μὲν ἐλέγοντο ἐσ τριάκοντα μυριάδασ, ἑάλωσαν δὲ πολὺ πλείονεσ τῶν ἀποθανόντων καὶ οἱ ἐλέφαντεσ καὶ τῶν ἁρμάτων ὅσα μὴ κατεκόπη ἐν τῇ μάχῃ. Τοῦτο τὸ τέλοσ τῇ μάχῃ ταύτῃ ἐγένετο ἐπὶ ἄρχοντοσ Ἀθηναίοισ Ἀριστοφάνουσ μηνὸσ Πυανεψιῶνοσ·

καὶ Ἀριστάνδρῳ ξυνέβη ἡ μαντεία ἐν τῷ αὐτῷ μηνί, ἐν ὅτῳ ἡ σελήνη ἐκλιπὴσ ἐφάνη, τήν τε μάχην Ἀλεξάνδρῳ καὶ τὴν νίκην γενέσθαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 3, chapter 15

(아리아노스, Anabasis, book 3, chapter 15)

상위

목록

SEARCH

MENU NAVIGATION