Arrian, Anabasis, book 3, chapter 14 5:

καὶ ταύτῃ παραρραγείσησ αὐτοῖσ τῆσ τάξεωσ κατὰ τὸ διέχον διεκπαίουσι τῶν τε Ἰνδῶν τινεσ καὶ τῆσ Περσικῆσ ἵππου ὡσ ἐπὶ τὰ σκευοφόρα τῶν Μακεδόνων· καὶ τὸ ἔργον ἐκεῖ καρτερὸν ἐγίγνετο. οἵ τε γὰρ Πέρσαι θρασέωσ προσέκειντο ἀνόπλοισ τοῖσ πολλοῖσ καὶ οὐ προσδοκήσασιν ἐπὶ σφᾶσ διεκπεσεῖσθαί τινασ διακόψαντασ διπλῆν τὴν φάλαγγα, καὶ οἱ αἰχμάλωτοι βάρβαροι ἐμβαλόντων τῶν Περσῶν ξυνεπέθεντο καὶ αὐτοὶ τοῖσ Μακεδόσιν ἐν τῷ ἔργῳ.