헬라어 문장 검색 - Αρριαν́Αναβασί3́11́

(아리아노스, Anabasis, book 3, chapter 11)

Δαρεῖοσ δὲ καὶ ὁ ξὺν Δαρείῳ στρατὸσ οὕτωσ ὅπωσ τὴν ἀρχὴν ἐτάξαντο ἔμειναν τῆσ νυκτὸσ ξυντεταγμένοι, ὅτι οὔτε στρατόπεδον αὐτοῖσ περιεβέβλητο ἀκριβὲσ καὶ ἅμα ἐφοβοῦντο μή σφισι νύκτωρ ἐπιθοῖντο οἱ πολέμιοι. καὶ εἴπερ τι ἄλλο, καὶ τοῦτο ἐκάκωσε τοῖσ Πέρσαισ ἐν τῷ τότε τὰ πράγματα, ἡ στάσισ ἡ πολλὴ ἡ ξὺν τοῖσ ὅπλοισ καὶ τὸ δέοσ, ὅ τι περ φιλεῖ πρὸ τῶν μεγάλων κινδύνων γίγνεσθαι, οὐκ ἐκ τοῦ παραυτίκα σχεδιασθέν, ἀλλ̓ ἐν πολλῷ χρόνῳ μελετηθέν τε καὶ τὰσ γνώμασ αὐτοῖσ δουλωσάμενον.

Ἐτάχθη δὲ αὐτῷ ἡ στρατιὰ ὧδε· ἑάλω γὰρ ὕστερον ἡ τάξισ, ἥντινα ἔταξε Δαρεῖοσ, γεγραμμένη, ὡσ λέγει Ἀριστόβουλοσ.

τὸ μὲν εὐώνυμον αὐτῷ κέρασ οἵ τε Βάκτριοι ἱππεῖσ εἶχον καὶ φὺν τούτοισ Δάαι καὶ Ἀραχωτοί· ἐπὶ δὲ τούτοισ Πέρσαι ἐτετάχατο, ἱππεῖσ τε ὁμοῦ καὶ πεζοὶ ἀναμεμιγμένοι, καὶ Σούσιοι ἐπὶ Πέρσαισ ἐπὶ δὲ Σουσίοισ Καδούσιοι. αὕτη μὲν ἡ τοῦ εὐωνύμου κέρωσ ἔστε ἐπὶ τὸ μέσον τῆσ πάσησ φάλαγγοσ τάξισ ἦν·

κατὰ δὲ τὸ δεξιὸν οἵ τε ἐκ Κοίλησ Συρίασ καὶ οἱ ἐκ τῆσ μέσησ τῶν ποταμῶν ἐτετάχατο, καὶ Μῆδοι ἔτι κατὰ τὸ δεξιόν, ἐπὶ δὲ Παρθυαῖοι καὶ Σάκαι, ἐπὶ δὲ Τόπειροι καὶ Ὑρκάνιοι, ἐπὶ δὲ Ἀλβανοὶ καὶ Σακεσ[ε]ῖναι, οὗτοι μὲν ἔστε ἐπὶ τὸ μέσον τῆσ πάσησ φάλαγγοσ. κατὰ τὸ μέσον δέ, ἵνα ἦν βασιλεὺσ Δαρεῖοσ, οἵ τε συγγενεῖσ οἱ βασιλέωσ ἐτετάχατο καὶ οἱ μηλοφόροι Πέρσαι καὶ Ἰνδοὶ καὶ Κᾶρεσ οἱ ἀνάσπαστοι καλούμενοι καὶ οἱ Μάρδοι τοξόται·

Οὔξιοι δὲ καὶ Βαβυλώνιοι καὶ οἱ πρὸσ τῇ ἐρυθρᾷ θαλάσσῃ καὶ Σιττακηνοὶ εἰσ βάθοσ ἐπιτεταγμένοι ἦσαν. προετετάχατο δὲ ἐπὶ μὲν τοῦ εὐωνύμου κατὰ τὸ δεξιὸν τοῦ Ἀλεξάνδρου οἵ τε Σκύθαι ἱππεῖσ καὶ τῶν Βακτριανῶν ἐσ χιλίουσ καὶ ἁρ́ματα δρεπανηφόρα ἑκατόν.

οἱ δὲ ἐλέφαντεσ ἔστησαν κατὰ τὴν Δαρείου ἴλην τὴν βασιλικὴν καὶ ἁρ́ματα ἐσ πεντήκοντα. τοῦ δὲ δεξιοῦ οἵ τε Ἀρμενίων καὶ Καππαδοκῶν ἱππεῖσ προετετάχατο καὶ ἁρ́ματα δρεπανηφόρα πεντήκοντα.

οἱ δὲ Ἕλληνεσ οἱ μισθοφόροι παρὰ Δαρεῖόν τε αὐτὸν ἑκατέρωθεν καὶ τοὺσ ἅμα αὐτῷ Πέρσασ κατὰ τὴν φάλαγγα αὐτὴν τῶν Μακεδόνων ὡσ μόνοι δὴ ἀντίρροποι τῇ φάλαγγι ἐτάχθησαν. Ἀλεξάνδρῳ δὲ ἡ στρατιὰ ἐκοσμήθη ὧδε. τὸ μὲν δεξιὸν αὐτῷ εἶχον τῶν ἱππέων οἱ ἑταῖροι, ὧν προετέτακτο ἡ ἴλη ἡ βασιλική, ἧσ Κλεῖτοσ ὁ Δρωπίδου ἰλάρχησ ἦν, ἐπὶ δὲ ταύτῃ ἡ Γλαυκίου ἴλη, ἐχομένη δ̓ αὐτῆσ ἡ Ἀρίστωνοσ, ἐπὶ δὲ ἡ Σωπόλιδοσ τοῦ Ἑρμοδώρου, ἐπὶ δὲ ἡ Ἡρακλείδου τοῦ Ἀντιόχου, ἐπὶ ταύτῃ δὲ ἡ Δημητρίου τοῦ Ἀλθαιμένουσ, ταύτησ δὲ ἐχομένη ἡ Μελεάγρου, τελευταία δὲ τῶν βασιλικῶν ἰλῶν ἧσ Ἡγέλοχοσ ὁ Ἱπποστράτου ἰλάρχησ ἦν.

ξυμπάσησ δὲ τῆσ ἵππου τῶν ἑταίρων Φιλώτασ ἦρχεν ὁ Παρμενίωνοσ. τῆσ δὲ φάλαγγοσ τῶν Μακεδόνων ἐχόμενον τῶν ἱππέων πρῶτον τὸ ἄγημα ἐτέτακτο τῶν ὑπασπιστῶν καὶ ἐπὶ τούτῳ οἱ ἄλλοι ὑπασπισταί·

ἡγεῖτο δὲ αὐτῶν Νικάνωρ ὁ Παρμενίωνοσ· τούτων δὲ ἐχομένη ἡ Κοίνου τοῦ Πολεμοκράτουσ τάξισ ἦν, μετὰ δὲ τούτουσ ἡ Περδίκκου τοῦ Ὀρόντου, ἔπειτα ἡ Μελεάγρου τοῦ Νεοπτολέμου, ἐπὶ δὲ ἡ Πολυπέρχοντοσ τοῦ Σιμμίου, ἐπὶ δὲ ἡ Ἀμύντου τοῦ Φιλίππου· ταύτησ δὲ ἡγεῖτο Σιμμίασ, ὅτι Ἀμύντασ ἐπὶ Μακεδονίασ ἐσ ξυλλογὴν στρατιᾶσ ἐσταλμένοσ ἦν. τὸ δὲ εὐώνυμον τῆσ φάλαγγοσ τῶν Μακεδόνων ἡ Κρατεροῦ τοῦ Ἀλεξάνδρου τάξισ εἶχε, καὶ αὐτὸσ Κρατερὸσ ἐξῆρχε τοῦ εὐωνύμου τῶν πεζῶν·

καὶ ἱππεῖσ ἐχόμενοι αὐτοῦ οἱ ξύμμαχοι, ὧν ἡγεῖτο Ἐριγύϊοσ ὁ Λαρίχου· τούτων δὲ ἐχόμενοι ὡσ ἐπὶ τὸ εὐώνυμον κέρασ οἱ Θεσσαλοὶ ἱππεῖσ, ὧν ἦρχε Φίλιπποσ ὁ Μενελάου. ξύμπαν δὲ τὸ εὐώνυμον ἦγε Παρμενίων ὁ Φιλώτα, καὶ ἀμφ̓ αὐτὸν οἱ τῶν Φαρσαλίων ἱππεῖσ οἱ κράτιστοί τε καὶ πλεῖστοι τῆσ Θεσσαλικῆσ ἵππου ἀνεστρέφοντο. Ἡ μὲν ἐπὶ μετώπου τάξισ Ἀλεξάνδρῳ ὧδε κεκόσμητο·

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 3, chapter 11

(아리아노스, Anabasis, book 3, chapter 11)

상위

목록

SEARCH

MENU NAVIGATION