Arrian, Anabasis, book 3, chapter 11 8:

τὸ μὲν δεξιὸν αὐτῷ εἶχον τῶν ἱππέων οἱ ἑταῖροι, ὧν προετέτακτο ἡ ἴλη ἡ βασιλική, ἧσ Κλεῖτοσ ὁ Δρωπίδου ἰλάρχησ ἦν, ἐπὶ δὲ ταύτῃ ἡ Γλαυκίου ἴλη, ἐχομένη δ̓ αὐτῆσ ἡ Ἀρίστωνοσ, ἐπὶ δὲ ἡ Σωπόλιδοσ τοῦ Ἑρμοδώρου, ἐπὶ δὲ ἡ Ἡρακλείδου τοῦ Ἀντιόχου, ἐπὶ ταύτῃ δὲ ἡ Δημητρίου τοῦ Ἀλθαιμένουσ, ταύτησ δὲ ἐχομένη ἡ Μελεάγρου, τελευταία δὲ τῶν βασιλικῶν ἰλῶν ἧσ Ἡγέλοχοσ ὁ Ἱπποστράτου ἰλάρχησ ἦν. ξυμπάσησ δὲ τῆσ ἵππου τῶν ἑταίρων Φιλώτασ ἦρχεν ὁ Παρμενίωνοσ.