Aristotle, Rhetoric, Book 2, chapter 23 17:

ἄλλοσ ἐκ τοῦ ἀνάλογον ταῦτα συμβαίνειν, οἱο͂ν ὁ Ἰφικράτησ, τὸν υἱὸν αὐτοῦ, νεώτερον ὄντα τῆσ ἡλικίασ, ὅτι μέγασ ἦν λειτουργεῖν ἀναγκαζόντων, εἶπεν ὅτι εἰ τοὺσ μεγάλουσ τῶν παίδων ἄνδρασ νομίζουσι, τοὺσ μικροὺσ τῶν ἀνδρῶν παῖδασ εἶναι ψηφιοῦνται, καὶ Θεοδέκτησ ἐν τῷ Νόμῳ, ὅτι "πολίτασ μὲν ποιεῖσθε τοὺσ μισθοφόρουσ, οἱο͂ν Στράβακα καὶ Χαρίδημον, διὰ τὴν ἐπιείκειαν· φυγάδασ δ’ οὐ ποιήσεσθε τοὺσ ἐν τοῖσ μισθοφόροισ ἀνήκεστα διαπεπραγμένουσ;