헬라어 문장 검색 - ΑριστόΡηετορί2́20́

(아리스토텔레스, 수사학, Book 2, chapter 20)

λοιπὸν δὲ περὶ τῶν κοινῶν πίστεων ἅπασιν εἰπεῖν, ἐπείπερ εἴρηται περὶ τῶν ἰδίων. εἰσὶ δ’ αἱ κοιναὶ πίστεισ δύο τῷ γένει, παράδειγμα καὶ ἐνθύμημα· ἡ γὰρ γνώμη μέροσ ἐνθυμήματόσ ἐστιν. πρῶτον μὲν οὖν περὶ παραδείγματοσ λέγωμεν·

ὅμοιον γὰρ ἐπαγωγῇ τὸ παράδειγμα, ἡ δ’ ἐπαγωγὴ ἀρχή. παραδειγμάτων δὲ εἴδη δύο· ἓν μὲν γάρ ἐστιν παραδείγματοσ εἶδοσ τὸ λέγειν πράγματα προγενομένα, ἓν δὲ τὸ αὐτὸν ποιεῖν. τούτου δὲ ἓν μὲν παραβολὴ ἓν δὲ λόγοι, οἱο͂ν οἱ Αἰσώπειοι καὶ Λιβυκοί. ἔστιν δὲ τὸ μὲν πράγματα λέγειν τοιόνδε τι, ὥσπερ εἴ τισ λέγοι ὅτι δεῖ πρὸσ βασιλέα παρασκευάζεσθαι καὶ μὴ ἐᾶν Αἴγυπτον χειρώσασθαι· καὶ γὰρ πρότερον Δαρεῖοσ οὐ πρότερον διέβη πρὶν Αἴγυπτον ἔλαβεν, λαβὼν δὲ διέβη, καὶ πάλιν Ξέρξησ οὐ πρότερον ἐπεχείρησεν πρὶν ἔλαβεν, λαβὼν δὲ διέβη, ὥστε καὶ οὗτοσ ἐὰν λάβῃ, διαβήσεται, διὸ οὐκ ἐπιτρεπτέον.

παραβολὴ δὲ τὰ Σωκρατικά, οἱο͂ν εἴ τισ λέγοι ὅτι οὐ δεῖ κληρωτοὺσ ἄρχειν·

ὅμοιον γὰρ ὥσπερ ἂν εἴ τισ τοὺσ ἀθλητὰσ κληροίη μὴ οἳ δύνανται ἀγωνίζεσθαι ἀλλ’ οἳ ἂν λάχωσιν, ἢ τῶν πλωτήρων ὅντινα δεῖ κυβερνᾶν κληρώσειεν, ὡσ δέον τὸν λαχόντα ἀλλὰ μὴ τὸν ἐπιστάμενον. λόγοσ δέ, οἱο͂σ ὁ Στησιχόρου περὶ Φαλάριδοσ καὶ <ὁ> Αἰσώπου ὑπὲρ τοῦ δημαγωγοῦ.

Στησίχοροσ μὲν γὰρ ἑλομένων στρατηγὸν αὐτοκράτορα τῶν Ἱμεραίων Φάλαριν καὶ μελλόντων φυλακὴν διδόναι τοῦ σώματοσ, τἆλλα διαλεχθεὶσ εἶπεν αὐτοῖσ λόγον ὡσ ἵπποσ κατεῖχε λειμῶνα μόνοσ, ἐλθόντοσ δ’ ἐλάφου καὶ διαφθείροντοσ τὴν νομὴν βουλόμενοσ τιμωρήσασθαι τὸν ἔλαφον ἠρώτα τινὰ ἄνθρωπον εἰ δύναιτ’ ἂν μετ’ αὐτοῦ τιμωρήσασθαι τὸν ἔλαφον, ὁ δ’ ἔφησεν, ἐὰν λάβῃ χαλινὸν καὶ αὐτὸσ ἀναβῇ ἐπ’ αὐτὸν ἔχων ἀκόντια· συνομολογήσασ δὲ καὶ ἀναβάντοσ ἀντὶ τοῦ τιμωρήσασθαι αὐτὸσ ἐδούλευσε τῷ ἀνθρώπῳ. "οὕτω δὲ καὶ ὑμεῖσ" , ἔφη, "ὁρᾶτε μὴ βουλόμενοι τοὺσ πολεμίουσ τιμωρήσασθαι τὸ αὐτὸ πάθητε τῷ ἵππῳ· τὸν μὲν γὰρ χαλινὸν ἔχετε ἤδη, ἑλόμενοι στρατηγὸν αὐτοκράτορα· ἑὰν δὲ φυλακὴν δῶτε καὶ ἀναβῆναι ἐάσητε, δουλεύσετε ἤδη Φαλάριδι" . Αἴσωποσ δὲ ἐν Σάμῳ δημηγορῶν κρινομένου δημαγωγοῦ περὶ θανάτου ἔφη ἀλώπεκα διαβαίνουσαν ποταμὸν ἀπωσθῆναι εἰσ φάραγγα, οὐ δυναμένην δὲ ἐκβῆναι πολὺν χρόνον κακοπαθεῖν καὶ κυνοραιστὰσ πολλοὺσ ἔχεσθαι αὐτῆσ, ἐχῖνον δὲ πλανώμενον, ὡσ εἶδεν αὐτήν, κατοικτείραντα ἐρωτᾶν εἰ ἀφέλοι αὐτῆσ τοὺσ κυνοραιστάσ, τὴν δὲ οὐκ ἐᾶν·

ἐρομένου δὲ διὰ τί, "ὅτι οὗτοι μὲν" φάναι "ἤδη μου πλήρεισ εἰσὶ καὶ ὀλίγον ἕλκουσιν αἷμα, ἐὰν δὲ τούτουσ ἀφέλητε, ἕτεροι ἐλθόντεσ πεινῶντεσ ἐκπιοῦνταί μου τὸ λοιπὸν αἷμα" . "ἀτὰρ καὶ ὑμᾶσ, ἄνδρεσ Σάμιοι, οὗτοσ μὲν οὐδὲν ἔτι βλάψει πλούσιοσ γάρ ἐστιν, ἐὰν δὲ τοῦτον ἀποκτείνητε, ἕτεροι ἥξουσι πένητεσ, οἳ ὑμᾶσ ἀναλώσουσι τὰ λοιπὰ κλέπτοντεσ. εἰσὶ δ’ οἱ λόγοι δημηγορικοί, καὶ ἔχουσιν ἀγαθὸν τοῦτο, ὅτι πράγματα μὲν εὑρεῖν ὅμοια γεγενημένα χαλεπόν, λόγουσ δὲ ῥᾷον·

ποιῆσαι γὰρ δεῖ ὥσπερ καὶ παραβολάσ, ἄν τισ δύνηται τὸ ὅμοιον ὁρᾶν, ὅπερ ῥᾷόν ἐστιν ἐκ φιλοσοφίασ. ῥᾴω μὲν οὖν πορίσασθαι τὰ διὰ τῶν λόγων, χρησιμώτερα δὲ πρὸσ τὸ βουλεύσασθαι τὰ διὰ τῶν πραγμάτων·

ὅμοια γὰρ ὡσ ἐπὶ τὸ πολὺ τὰ μέλλοντα τοῖσ γεγονόσιν. δεῖ δὲ χρῆσθαι τοῖσ παραδείγμασι οὐκ ἔχοντα μὲν ἐνθυμήματα ὡσ ἀποδείξεσιν ἡ γὰρ πίστισ διὰ τούτων, ἔχοντα δὲ ὡσ μαρτυρίοισ, ἐπιλόγῳ χρώμενον τοῖσ ἐνθυμήμασιν·

προτιθέμενα μὲν γὰρ ἐοίκεν ἐπαγωγῇ, τοῖσ δὲ ῥητορικοῖσ οὐκ οἰκεῖον ἐπαγωγὴ πλὴν ἐν ὀλίγοισ, ἐπιλεγόμενα δὲ μαρτυρίοισ, ὁ δὲ μάρτυσ πανταχοῦ πιθανόσ· διὸ καὶ προτιθέντι μὲν ἀνάγκη πολλὰ λέγειν, ἐπιλέγοντι δὲ καὶ ἓν ἱκανόν· μάρτυσ γὰρ χρηστὸσ καὶ εἷσ χρήσιμοσ. πόσα μὲν οὖν εἴδη παραδειγμάτων, καὶ πῶσ αὐτοῖσ καὶ πότε χρηστέον, εἴρηται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristotle, Rhetoric, Book 2, chapter 20

(아리스토텔레스, 수사학, Book 2, chapter 20)

상위

목록

SEARCH

MENU NAVIGATION