헬라어 문장 검색 - ΑριστόΑτηενιά1́44́

(아리스토텔레스, 아테네인들의 정치체제, work Ath. Pol., chapter 43)

τὰ μὲν οὖν περὶ τὴν τῶν πολιτῶν ἐγγραφὴν καὶ τοὺσ ἐφήβουσ τοῦτον ἔχει τὸν τρόπον. τὰσ δ’ ἀρχὰσ τὰσ περὶ τὴν ἐγκύκλιον διοίκησιν ἁπάσασ ποιοῦσι κληρωτάσ, πλὴν ταμίου στρατιωτικῶν καὶ τῶν ἐπὶ τὸ θεωρικὸν καὶ τοῦ τῶν κρηνῶν ἐπιμελητοῦ. ταύτασ δὲ χειροτονοῦσιν, καὶ οἱ χειροτονηθέντεσ ἄρχουσιν ἐκ Παναθηναίων εἰσ Παναθήναια. χειροτονοῦσι δὲ καὶ τὰσ πρὸσ τὸν πόλεμον ἁπάσασ. βουλὴ δὲ κληροῦται φ, ν ἀπὸ φυλῆσ ἑκάστησ.

πρυτανεύει δ’ ἐν μέρει τῶν φυλῶν ἑκάστη καθ’ ὅ τι ἂν λάχωσιν, αἱ μὲν πρῶται τέτταρεσ καὶ λ ἡμέρασ ἑκάστη, αἱ δὲ αἱ ὕστεραι πέντε καὶ λ ἡμέρασ ἑκάστη· κατὰ σελήνην γὰρ ἄγουσιν τὸν ἐνιαυτόν. οἱ δὲ πρυτανεύοντεσ αὐτῶν πρῶτον μὲν συσσιτοῦσιν ἐν τῇ θόλῳ, λαμβάνοντεσ ἀργύριον παρὰ τῆσ πόλεωσ, ἔπειτα συνάγουσιν καὶ τὴν βουλὴν καὶ τὸν δῆμον·

τὴν μὲν οὖν βουλὴν ὅσαι ἡμέραι, πλὴν ἐάν τισ ἀφέσιμοσ ᾖ, τὸν δὲ δῆμον τετράκισ τῆσ πρυτανείασ ἑκάστησ. καὶ ὅσα δεῖ χρηματίζειν τὴν βουλήν, καὶ ὅ τι ἐν ἑκάστῃ τῇ ἡμέρᾳ καὶ ὅπου καθίζειν, οὗτοι προγράφουσι. προγράφουσι δὲ καὶ τὰσ ἐκκλησίασ οὗτοι·

μίαν μὲν κυρίαν, ἐν ᾗ δεῖ τὰσ ἀρχὰσ ἐπιχειροτονεῖν εἰ δοκοῦσι καλῶσ ἄρχειν, καὶ περὶ σίτου καὶ περὶ φυλακῆσ τῆσ χώρασ χρηματίζειν, καὶ τὰσ εἰσαγγελίασ ἐν ταύτῃ τῇ ἡμέρᾳ τοὺσ βουλομένουσ ποιεῖσθαι, καὶ τὰσ ἀπογραφὰσ τῶν δημευομένων ἀναγιγνώσκειν, καὶ τὰσ λήξεισ τῶν κλήρων καὶ τῶν ἐπικλήρων ἀναγινώσκειν, ὅπωσ μηδένα λάθῃ μηδὲν ἔρημον γενόμενον. ἐπὶ δὲ τῆσ ἕκτησ πρυτανείασ πρὸσ τοῖσ εἰρημένοισ καὶ περὶ τῆσ ὀστρακοφορίασ ἐπιχειροτονίαν διδόασιν, εἰ δοκεῖ ποιεῖν ἢ μή, καὶ συκοφαντῶν προβολὰσ τῶν Ἀθηναίων καὶ τῶν μετοίκων μέχρι τριῶν ἑκατέρων, κἄν τισ ὑποσχόμενόσ τι μὴ ποιήσῃ τῷ δήμῳ.

ἑτέραν δὲ ταῖσ ἱκετηρίαισ, ἐν ᾗ θεὶσ ὁ βουλόμενοσ ἱκετηρίαν, ὑπὲρ ὧν ἂν βούληται καὶ ἰδίων καὶ δημοσίων, διαλέξεται πρὸσ τὸν δῆμον.

αἱ δὲ δύο περὶ τῶν ἄλλων εἰσίν, ἐν αἷσ κελεύουσιν οἱ νόμοι τρία μὲν ἱερῶν χρηματίζειν, τρία δὲ κήρυξιν καὶ πρεσβείαισ, τρία δὲ ὁσίων. χρηματίζουσιν δ’ ἐνίοτε καὶ ἄνευ προχειροτονίασ. προσέρχονται δὲ καὶ οἱ κήρυκεσ καὶ οἱ πρέσβεισ τοῖσ πρυτάνεσιν πρῶτον, καὶ οἱ τὰσ ἐπιστολὰσ φέροντεσ τούτοισ ἀποδιδόασι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristotle, Athenian Constitution, work Ath. Pol., chapter 43

(아리스토텔레스, 아테네인들의 정치체제, work Ath. Pol., chapter 43)

상위

목록

SEARCH

MENU NAVIGATION