헬라어 문장 검색 - ΑριστόΑτηενιά1́36́

(아리스토텔레스, 아테네인들의 정치체제, work Ath. Pol., chapter 35)

οἱ μὲν οὖν τριάκοντα τοῦτον τὸν τρόπον κατέστησαν ἐπὶ Πυθοδώρου ἄρχοντοσ. γενόμενοι δὲ κύριοι τῆσ πόλεωσ, τὰ μὲν ἄλλα τὰ δόξαντα περὶ τῆσ πολιτείασ παρεώρων, πεντακοσίουσ δὲ βουλευτὰσ καὶ τὰσ ἄλλασ ἀρχὰσ καταστήσαντεσ ἐκ προκρίτων ἐκ τῶν χιλίων, καὶ προσελόμενοι σφίσιν αὐτοῖσ τοῦ Πειραιέωσ ἄρχοντασ δέκα, καὶ τοῦ δεσμωτηρίου φύλακασ ἕνδεκα, καὶ μαστιγοφόρουσ τριακοσίουσ ὑπηρέτασ κατεῖχον τὴν πόλιν δι’ ἑαυτῶν. τὸ μὲν οὖν πρῶτον μέτριοι τοῖσ πολίταισ ἦσαν καὶ προσεποιοῦντο διώκειν τὴν πάτριον πολιτείαν, καὶ τούσ τ’ Ἐφιάλτου καὶ Ἀρχεστράτου νόμουσ τοὺσ περὶ τῶν Ἀρεοπαγιτῶν καθεῖλον ἐξ Ἀρείου πάγου, καὶ τῶν Σόλωνοσ θεσμῶν ὅσοι διαμφισβητήσεισ ἔσχον, καὶ τὸ κῦροσ ὃ ἦν ἐν τοῖσ δικασταῖσ κατέλυσαν, ὡσ ἐπανορθοῦντεσ καὶ ποιοῦντεσ ἀναμφισβήτητον τὴν πολιτείαν, οἱο͂ν <τὸν> περὶ τοῦ δοῦναι τὰ ἑαυτοῦ ᾧ ἂν ἐθέλῃ κύριον ποιήσαντεσ καθάπαξ·

τὰσ δὲ προσούσασ δυσκολίασ, "ἐὰν μὴ μανιῶν ἢ γηρῶν ἢ γυναικὶ πιθόμενοσ," ἀφεῖλον ὅπωσ μὴ ᾖ τοῖσ συκοφάνταισ ἔφοδοσ· ὁμοίωσ δὲ τοῦτ’ ἔδρων καὶ ἐπὶ τῶν ἄλλων. κατ’ ἀρχὰσ μὲν οὖν ταῦτ’ ἐποίουν, καὶ τοὺσ συκοφάντασ καὶ τοὺσ τῷ δήμῳ πρὸσ χάριν ὁμιλοῦντασ παρὰ τὸ βέλτιστον καὶ κακοπράγμονασ ὄντασ καὶ πονηροὺσ ἀνῄρουν, ἐφ’ οἷσ ἔχαιρεν ἡ πόλισ γιγνομένοισ, ἡγούμενοι τοῦ βελτίστου χάριν ποιεῖν αὐτούσ.

ἐπεὶ δὲ τὴν πόλιν ἐγκρατέστερον ἔσχον, οὐδενὸσ ἀπείχοντο τῶν πολιτῶν, ἀλλ’ ἀπέκτειναν τοὺσ καὶ ταῖσ οὐσίαισ καὶ τῷ γένει καὶ τοῖσ ἀξιώμασιν προέχοντασ, ὑπεξαιρούμενοί τε τὸν φόβον καὶ βουλόμενοι τὰσ οὐσίασ διαρπάζειν.

καὶ χρόνου διαπεσόντοσ βραχέοσ, οὐκ ἐλάττουσ ἀνῃρήκεσαν ἢ χιλίουσ πεντακοσίουσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristotle, Athenian Constitution, work Ath. Pol., chapter 35

(아리스토텔레스, 아테네인들의 정치체제, work Ath. Pol., chapter 35)

상위

목록

SEARCH

MENU NAVIGATION