헬라어 문장 검색 - ΑριστόΑτηενιά1́31́

(아리스토텔레스, 아테네인들의 정치체제, work Ath. Pol., chapter 30)

οἱ μὲν οὖν αἱρεθέντεσ ταῦτα συνέγραψαν. κυρωθέντων δὲ τούτων, εἵλοντο σφῶν αὐτῶν οἱ πεντακισχίλιοι τοὺσ ἀναγράψοντασ τὴν πολιτείαν ἑκατὸν ἄνδρασ. οἱ δ’ αἱρεθέντεσ ἀνέγραψαν καὶ ἐξήνεγκαν τάδε· βουλεύειν μὲν κατ’ ἐνιαυτὸν τοὺσ ὑπὲρ τριάκοντα ἔτη γεγονότασ ἄνευ μισθοφορᾶσ·

τούτων δ’ εἶναι τοὺσ στρατηγοὺσ καὶ τοὺσ ἐννέα ἄρχοντασ καὶ τὸν ἱερομνήμονα καὶ τοὺσ ταξιάρχουσ καὶ ἱππάρχουσ καὶ φυλάρχουσ καὶ ἄρχοντασ εἰσ τὰ φρούρια καὶ ταμίασ τῶν ἱερῶν χρημάτων τῇ θεῷ καὶ τοῖσ ἄλλοισ θεοῖσ δέκα καὶ ἑλληνοταμίασ καὶ τῶν ἄλλων ὁσίων χρημάτων ἁπάντων εἴκοσιν οἳ διαχειριοῦσιν, καὶ ἱεροποιοὺσ καὶ ἐπιμελητὰσ δέκα ἑκατέρουσ· αἱρεῖσθαι δὲ πάντασ τούτουσ ἐκ προκρίτων, ἐκ τῶν ἀεὶ βουλευόντων πλείουσ προκρίνοντασ· τὰσ δ’ ἄλλασ ἀρχὰσ ἁπάσασ κληρωτὰσ εἶναι καὶ μὴ ἐκ τῆσ βουλῆσ. τοὺσ δὲ ἑλληνοταμίασ οἳ ἂν διαχειρίζωσι τὰ χρήματα μὴ συμβουλεύειν. βουλὰσ δὲ ποιῆσαι τέτταρασ ἐκ τῆσ ἡλικίασ τῆσ εἰρημένησ εἰσ τὸν λοιπὸν χρόνον, καὶ τούτων τὸ λαχὸν μέροσ βουλεύειν, νεῖμαι δὲ καὶ τοὺσ ἄλλουσ πρὸσ τὴν λῆξιν ἑκάστην.

τοὺσ δ’ ἑκατὸν ἄνδρασ διανεῖμαι σφᾶσ τε αὐτοὺσ καὶ τοὺσ ἄλλουσ τέτταρα μέρη ὡσ ἰσαίτατα καὶ διακληρῶσαι καὶ εἰσ ἐνιαυτὸν βουλεύειν <βουλεύεσθαι> δὲ ᾗ ἂν δοκῇ αὐτοῖσ ἄριστα ἕξειν περί τε τῶν χρημάτων, ὅπωσ ἂν σῷα ᾖ καὶ εἰσ τὸ δέον ἀναλίσκηται, καὶ περὶ τῶν ἄλλων ὡσ ἂν δύνωνται ἄριστα· κἄν τι θέλωσιν βουλεύσασθαι μετὰ πλειόνων, ἐπεισκαλεῖν ἕκαστον ἐπείσκλητον ὃν ἂν ἐθέλῃ τῶν ἐκ τῆσ αὐτῆσ ἡλικίασ.

τὰσ δ’ ἕδρασ ποιεῖν τῆσ βουλῆσ κατὰ πενθήμερον, ἐὰν μὴ δέωνται πλειόνων. πληροῦν δὲ τὴν βουλὴν τοὺσ ἐννέα ἄρχοντασ. τὰσ δὲ χειροτονίασ κρίνειν πέντε τοὺσ λαχόντασ ἐκ τῆσ βουλῆσ, καὶ ἐκ τούτων ἕνα κληροῦσθαι καθ’ ἑκάστην ἡμέραν τὸν ἐπιψηφιοῦντα. κληροῦν δὲ τοὺσ λαχόντασ πέντε τοὺσ ἐθέλοντασ προσελθεῖν ἐναντίον τῆσ βουλῆσ, πρῶτον μὲν ἱερῶν, δεύτερον δὲ κήρυξιν, τρίτον πρεσβείαισ, τέταρτον τῶν ἄλλων·

τὰ δὲ τοῦ πολέμου ὅταν δέῃ ἀκληρωτὶ προσαγαγόντασ τοὺσ στρατηγοὺσ χρηματίζεσθαι. τὸν δὲ μὴ ἰόντα εἰσ τὸ βουλευτήριον τῶν βουλευόντων τὴν ὡρ́αν τὴν προρρηθεῖσαν ὀφείλειν δραχμὴν τῆσ ἡμέρασ ἑκάστησ, ἐὰν μὴ εὑρισκόμενοσ ἄφεσιν τῆσ βουλῆσ ἀπῇ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristotle, Athenian Constitution, work Ath. Pol., chapter 30

(아리스토텔레스, 아테네인들의 정치체제, work Ath. Pol., chapter 30)

상위

목록

SEARCH

MENU NAVIGATION