헬라어 문장 검색 - ΑριστόΑτηενιά1́14́

(아리스토텔레스, 아테네인들의 정치체제, work Ath. Pol., chapter 13)

τὴν μὲν οὖν ἀποδημίαν ἐποιήσατο διὰ ταύτασ τὰσ αἰτίασ. Σόλωνοσ δ’ ἀποδημήσαντοσ, ἔτι τῆσ πόλεωσ τεταραγμένησ ἐπὶ μὲν ἔτη τέτταρα διῆγον ἐν ἡσυχίᾳ· τῷ δὲ πέμπτῳ μετὰ τὴν Σόλωνοσ ἀρχὴν οὐ κατέστησαν ἄρχοντα διὰ τὴν στάσιν, καὶ πάλιν ἔτει πέμπτῳ διὰ τὴν αὐτὴν αἰτίαν ἀναρχίαν ἐποίησαν. μετὰ δὲ ταῦτα διὰ τῶν αὐτῶν χρόνων Δαμασίασ αἱρεθεὶσ ἄρχων ἔτη δύο καὶ δύο μῆνασ ἦρξεν, ἑώσ ἐξηλάθη βίᾳ τῆσ ἀρχῆσ.

εἶτ’ ἔδοξεν αὐτοῖσ διὰ τὸ στασιάζειν ἄρχοντασ ἑλέσθαι δέκα, πέντε μὲν εὐπατριδῶν, τρεῖσ δὲ ἀγροίκων, δύο δὲ δημιουργῶν, καὶ οὗτοι τὸν μετὰ Δαμασίαν ἦρξαν ἐνιαυτόν. ᾧ καὶ δῆλον ὅτι μεγίστην εἶχεν δύναμιν ὁ ἄρχων· φαίνονται γὰρ αἰεὶ στασιάζοντεσ περὶ ταύτησ τῆσ ἀρχῆσ. ὅλωσ δὲ διετέλουν νοσοῦντεσ τὰ πρὸσ ἑαυτούσ, οἱ μὲν ἀρχὴν καὶ πρόφασιν ἔχοντεσ τὴν τῶν χρεῶν ἀποκοπήν συνεβεβήκει γὰρ αὐτοῖσ γεγονέναι πένησιν, οἱ δὲ τῇ πολιτείᾳ δυσχεραίνοντεσ διὰ τὸ μεγάλην γεγονέναι μεταβολήν, ἔνιοι δὲ διὰ τὴν πρὸσ ἀλλήλουσ φιλονικίαν.

ἦσαν δ’ αἱ στάσεισ τρεῖσ·

μία μὲν τῶν παραλίων, ὧν προειστήκει Μεγακλῆσ ὁ Ἀλκμέωνοσ, οἵπερ ἐδόκουν μάλιστα διώκειν τὴν μέσην πολιτείαν. ἄλλη δὲ τῶν πεδιακῶν, οἳ τὴν ὀλιγαρχίαν ἐζήτουν· ἡγεῖτο δ’ αὐτῶν Λυκοῦργοσ. τρίτη δ’ ἡ τῶν διακρίων, ἐφ’ ᾗ τεταγμένοσ ἦν Πεισίστρατοσ, δημοτικώτατοσ εἶναι δοκῶν. προσεκεκόσμηντο δὲ τούτοισ οἵ τε ἀφῃρημένοι τὰ χρέα διὰ τὴν ἀπορίαν, καὶ οἱ τῷ γένει μὴ καθαροὶ διὰ τὸν φόβον·

σημεῖον δ’, ὅτι μετὰ τὴν τῶν τυράννων κατάλυσιν ἐποίησαν διαψηφισμόν, ὡσ πολλῶν κοινωνούντων τῆσ πολιτείασ οὐ προσῆκον. εἶχον δ’ ἕκαστοι τὰσ ἐπωνυμίασ ἀπὸ τῶν τόπων ἐν οἷσ ἐγεώργουν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristotle, Athenian Constitution, work Ath. Pol., chapter 13

(아리스토텔레스, 아테네인들의 정치체제, work Ath. Pol., chapter 13)

상위

목록

SEARCH

MENU NAVIGATION