헬라어 문장 검색 - ΑριστόΑτηενιά1́13́

(아리스토텔레스, 아테네인들의 정치체제, work Ath. Pol., chapter 12)

ταῦτα δ’ ὅτι τοῦτον <τὸν> τρόπον ἔσχεν οἵ τ’ ἄλλοι συμφωνοῦσι πάντεσ, καὶ αὐτὸσ ἐν τῇ ποιήσει μέμνηται περὶ αὐτῶν ἐν τοῖσδε· δήμῳ μὲν γὰρ ἔδωκα τόσον γέρασ, ὅσσον ἀπαρκεῖ,τιμῆσ οὔτ’ ἀφελὼν οὔτ’ ἐπορεξάμενοσ· οἳ δ’ εἶχον δύναμιν καὶ χρήμασιν ἦσαν ἀγητοί,καὶ τοῖσ ἐφρασάμην μηδὲν ἀεικὲσ ἔχειν. ἔστην δ’ ἀμφιβαλὼν κρατερὸν σάκοσ ἀμφοτέροισι,νικᾶν δ’ οὐκ εἰάσ’ οὐδετέρουσ ἀδίκωσ. πάλιν δ’ ἀποφαινόμενοσ περὶ τοῦ πλήθουσ, ὡσ αὐτῷ δεῖ χρῆσθαι·

δῆμοσ δ’ ὧδ’ ἂν ἄριστα σὺν ἡγεμόνεσσιν ἕποιτο,μήτε λίαν ἀνεθεὶσ μήτε βιαζόμενοσ. τίκτει γὰρ κόροσ ὕβριν, ὅταν πολὺσ ὄλβοσ ἕπηταιἀνθρώποισιν, ὅσοισ μὴ νόοσ ἄρτιοσ ᾖ. καὶ πάλιν δ’ ἑτέρωθί που λέγει περὶ τῶν διανείμασθαι τὴν γῆν βουλομένων·

οἳ δ’ ἐφ’ ἁρπαγαῖσιν ἦλθον, ἐλπίδ’ εἶχον ἀφνεάν,κἀδόκουν ἕκαστοσ αὐτῶν ὄλβον εὑρήσειν πολύν,καί με κωτίλλοντα λείωσ τραχὺν ἐκφανεῖν νόον. χαῦνα μὲν τότ’ ἐφράσαντο, νῦν δέ μοι χολούμενοιλοξὸν ὀφθαλμοῖσ’ ὁρῶσι πάντεσ ὥστε δήιον. οὐ χρεών· ἃ μὲν γὰρ εἶπα, σὺν θεοῖσιν ἤνυσα,ἄλλα δ’ οὐ μάτην ἐέρδον, οὐδέ μοι τυραννίδοσἁνδάνει βίᾳ τι ῥέζειν, οὐδὲ πιείρασ χθονὸσπατρίδοσ κακοῖσιν ἐσθλοὺσ ἰσομοιρίαν ἔχειν. πάλιν δὲ καὶ περὶ τῆσ ἀποκοπῆσ τῶν χρεῶν καὶ τῶν δουλευόντων μὲν πρότερον, ἐλευθερωθέντων δὲ διὰ τὴν σεισάχθειαν·

τῶν οὕνεκ’ ἀλκὴν πάντοθεν ποιούμενοσὡσ ἐν κυσὶν πολλῇσιν ἐστράφην λύκοσ. ἐγὼ δὲ τῶν μὲν οὕνεκα ξυνήγαγονδῆμον, τί τούτων πρὶν τυχεῖν ἐπαυσάμην; συμμαρτυροίη ταῦτ’ ἂν ἐν δίκῃ Χρόνουμήτηρ μεγίστη δαιμόνων Ὀλυμπίωνἄριστα, Γῆ μέλαινα, τῆσ ἐγώ ποτεὁρ́ουσ ἀνεῖλον πολλαχῇ πεπηγότασ,πρόσθεν δὲ δουλεύουσα, νῦν ἐλευθέρα. πολλοὺσ δ’ Ἀθήνασ, πατρίδ’ εἰσ θεόκτιτον,ἀνήγαγον πραθέντασ, ἄλλον ἐκδίκωσ,ἄλλον δικαίωσ, τοὺσ δ’ ἀναγκαίησ ὑπὸχρειοῦσ φυγόντασ, γλῶσσαν οὐκέτ’ Ἀττικὴνἱέντασ, ὡσ ἂν πολλαχῇ πλανωμένουσ· τοὺσ δ’ ἐνθάδ’ αὐτοῦ δουλίην ἀεικέαἔχοντασ, ἤθη δεσποτῶν τρομευμένουσ,ἐλευθέρουσ ἔθηκα. ταῦτα μὲν κράτεινομοῦ βίην τε καὶ δίκην συναρμόσασἔρεξα καὶ διῆλθον ὡσ ὑπεσχόμην. θεσμοὺσ δ’ ὁμοίωσ τῷ κακῷ τε κἀγαθῷ,εὐθεῖαν εἰσ ἕκαστον ἁρμόσασ δίκην,ἔγραψα. κέντρον δ’ ἄλλοσ ὡσ ἐγὼ λαβών,κακοφραδήσ τε καὶ φιλοκτήμων ἀνήρ,οὐκ ἂν κατέσχε δῆμον. εἰ γὰρ ἤθελονἃ τοῖσ ἐναντίοισιν ἥνδανεν τότε,αὖθισ δ’ ἃ τοῖσιν οὕτεροι φρασαίατο,πολλῶν ἂν ἀνδρῶν ἥδ’ ἐχηρώθη πόλισ. καὶ πάλιν ὀνειδίζων πρὸσ τὰσ ὕστερον αὐτῶν μεμψιμοιρίασ ἀμφοτέρων·

δήμῳ μὲν εἰ χρὴ διαφάδην ὀνειδίσαι,ἃ νῦν ἔχουσιν οὔποτ’ ὀφθαλμοῖσιν ἂνεὕδοντεσ εἶδον . . . ὅσοι δὲ μείζουσ καὶ βίαν ἀμείνονεσ,αἰνοῖεν ἄν με καὶ φίλον ποιοίατο. εἰ γάρ τισ ἄλλοσ, φησί, ταύτησ τῆσ τιμῆσ ἔτυχεν,οὐκ ἂν κατέσχε δῆμον οὐδ’ ἐπαύσατο,πρὶν ἀνταράξασ πῖαρ ἐξεῖλεν γάλα. . ἐγὼ δὲ τούτων ὥσπερ ἐν μεταιχμίῳ. ὁρ́οσ κατέστην.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristotle, Athenian Constitution, work Ath. Pol., chapter 12

(아리스토텔레스, 아테네인들의 정치체제, work Ath. Pol., chapter 12)

상위

목록

SEARCH

MENU NAVIGATION