호흡부호 보기
강세부호 보기
장단부호 보기
작은 Iota 보기
모든 부호 보기
ὁρ́οσ. . οἰκουμένησ δῆμον τὴν Ῥώμην φησί, λέγει δὲ καὶ ὅτι οὐκ ἄν τισ σκοποῦ πόρρω τοξεύων λέγοι τὴν Ῥώμην πόλιν ἐπιτομὴν τῆσ οἰκουμένησ· ἐν ᾗ συνιδεῖν ἔστιν οὕτωσ πάσασ τὰσ πόλεισ ἱδρυμένασ, καὶ κατ’ ἰδίαν δὲ τὰσ πολλάσ, ὡσ Ἀλεξανδρέων μὲν τὴν χρυσῆν, Ἀντιοχέων δὲ τὴν καλήν, Νικομηδέων δὲ τὴν περικαλλῆ, προσέτι τε τὴν λαμπροτάτην πόλεων πασῶν ὁπόσασ ὁ Ζεὺσ ἀναφαίνει, τὰσ Ἀθήνασ λέγω. ἐπιλείποι δ’ ἄν με οὐχ ἡμέρα μία ἐξαριθμούμενον τὰσ ἐν τῇ Ῥωμαίων οὐρανοπόλει Ῥώμῃ ἀριθμουμένασ πόλεισ, ἀλλὰ πᾶσαι αἱ κατὰ τὸν ἐνιαυτὸν ἀριθμούμεναι διὰ τὸ πλῆθοσ. καὶ γὰρ ὅλα ἔθνη ἀθρόωσ αὐτόθι συνῴκισται, ὡσ τὸ Καππαδοκῶν καὶ Σκυθῶν καὶ Ποντίων καὶ ἄλλων πλειόνων. οὗτοι οὖν πάντεσ, ὁ σύμπασ δῆμοσ τῆσ οἰκουμένησ, τὸν ἐφ’ ἡμῶν, φησί, φιλόσοφον ὀρχηστὴν Μέμφιν ἐκάλεσαν ἀπαρχαΐζοντεσ τὴν διὰ τοῦ σώματοσ αὐτοῦ κίνησιν τῇ τῶν πόλεων ἀρχαιοτάτῃ καὶ βασιλικωτάτῃ, περὶ ἧσ Βακχυλίδησ φησὶ τὴν ἀχείμαντόν τε Μέμφιν καὶ δονακώδεα Νεῖλον. οὗτοσ τὴν Πυθαγόρειον φιλοσοφίαν ἐπιδείκνυσιν ἥτισ ἐστί, μετὰ σιωπῆσ πάνθ’ ἡμῖν ἐμφανίζων σαφέστερον ἢ οἱ τὰσ τῶν λόγων τέχνασ ἐπαγγελλόμενοι διδάσκειν.
호흡부호 보기
강세부호 보기
장단부호 보기
작은 Iota 보기
모든 부호 보기