헬라어 문장 검색 - Πλυταρ́Ρομυλυσ́26́

(플루타르코스, chapter 26)

τοῦτον ἔσχατον πόλεμον ὁ Ῥωμύλοσ ἐπολέμησεν. εἶθ’ ὃ πολλοί, μᾶλλον δὲ πλὴν ὀλίγων πάσχουσι πάντεσ οἱ μεγάλαισ καὶ παραλόγοισ ἀρθέντεσ εὐτυχίαισ εἰσ δύναμιν καὶ ὄγκον, οὐδ’ αὐτὸσ διέφυγε παθεῖν, ἀλλ’ ἐκτεθαρρηκὼσ τοῖσ πράγμασι καὶ βαρυτέρῳ φρονήματι χρώμενοσ, ἐξίστατο τοῦ δημοτικοῦ, καὶ παρήλλαττεν εἰσ μοναρχίαν ἐπαχθῆ καὶ λυποῦσαν ἀπὸ τοῦ σχήματοσ πρῶτον ᾧ κατεσχημάτιζεν ἑαυτόν. ἁλουργῆ μὲν γὰρ ἐνεδύετο χιτῶνα καὶ τήβεννον ἐφόρει περιπόρφυρον, ἐν θρόνῳ δ’ ἀνακλίτῳ καθήμενοσ ἐχρημάτιζεν.

ἦσαν δὲ περὶ αὐτὸν ἀεὶ τῶν νέων οἱ καλούμενοι Κέλερεσ ἀπὸ τῆσ περὶ τὰσ ὑπουργίασ ὀξύτητοσ. ἐβάδιζον δὲ πρόσθεν ἕτεροι βακτηρίαισ ἀνείργοντεσ τὸν ὄχλον, ὑπεζωσμένοι δ’ ἱμάντασ ὥστε συνδεῖν εὐθὺσ οὓσ προστάξειε. τὸ δὲ δῆσαι Λατῖνοι πάλαι μὲν λιγᾶρε, νῦν δ’ ἀλλιγᾶρε καλοῦσιν·

ὅθεν οἵ τε ῥαβδοῦχοι λικτώρεισ αἵ τε ῥάβδοι βάκιλα καλοῦνται διὰ τὸ χρῆσθαι τότε βακτηρίαισ. εἰκὸσ δὲ λικτώρεισ ἐντιθεμένου τοῦ κάππα νῦν ὀνομάζεσθαι, πρότερον [γὰρ] λιτώρεισ, ἑλληνιστὶ δὲ λειτουργοὺσ ὄντασ· λήιτον γὰρ τὸ δημόσιον ἔτι νῦν Ἕλληνεσ καὶ λαὸν τὸ πλῆθοσ ὀνομάζουσιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, chapter 26

(플루타르코스, chapter 26)

상위

목록

SEARCH

MENU NAVIGATION