헬라어 문장 검색 - Πλυταρ́Ρομυλυσ́21́

(플루타르코스, chapter 21)

μῆνασ μὲν οὖν οἱ Σαβῖνοι τοὺσ Ῥωμαίων ἐδέξαντο, καὶ περὶ αὐτῶν ὅσα καλῶσ εἶχεν, ἐν τῷ Νομᾶ βίῳ γέγραπται· θυρεοῖσ δὲ τοῖσ ἐκείνων ὁ Ῥωμύλοσ ἐχρήσατο, καὶ μετέβαλε τὸν ὁπλισμὸν ἑαυτοῦ τε καὶ τῶν Ῥωμαίων, Ἀργολικὰσ πρότερον ἀσπίδασ φορούντων. ἑορτῶν δὲ καὶ θυσιῶν ἀλλήλοισ μετεῖχον, ἃσ μὲν ἦγε τὰ γένη πρότερον οὐκ ἀνελόντεσ, ἑτέρασ δὲ θέμενοι καινάσ, ὧν ἥ τε τῶν Ματρωναλίων ἐστί, δοθεῖσα ταῖσ γυναιξὶν ἐπὶ τῇ τοῦ πολέμου καταλύσει, καὶ ἡ τῶν Καρμενταλίων. τὴν δὲ Καρμένταν οἰόνταί τινεσ Μοῖραν εἶναι κυρίαν ἀνθρώπων γενέσεωσ·

διὸ καὶ τιμῶσιν αὐτὴν αἱ μητέρεσ· οἱ δὲ τὴν [τοῦ] Εὐάνδρου τοῦ Ἀρκάδοσ γυναῖκα, μαντικήν τινα καὶ φοιβαστικὴν ἐμμέτρων χρησμῶν γενομένην, Καρμένταν ἐπονομασθῆναι τὰ γὰρ ἔπη κάρμενα καλοῦσι· Νικοστράτη δ’ ἦν ὄνομα κύριον αὐτῇ. καὶ τοῦτο μὲν ὁμολογεῖται· τὴν δὲ Καρμένταν ἔνιοι πιθανώτερον ἀφερμηνεύουσιν οἱο͂ν ἐστερημένην νοῦ διὰ τὰσ ἐν τοῖσ ἐνθουσιασμοῖσ παραφροσύνασ. τὸ μὲν γὰρ στέρεσθαι καρῆρε, μέντεμ δὲ τὸν νοῦν ὀνομάζουσι. περὶ δὲ τῶν Παριλίων προείρηται.

τὰ δὲ Λουπερκάλια τῷ μὲν χρόνῳ δόξειεν ἂν εἶναι καθάρσια· δρᾶται γὰρ ἐν ἡμέραισ ἀποφράσι τοῦ Φεβρουαρίου μηνόσ, ὃν καθάρσιον ἄν τισ ἑρμηνεύσειε, καὶ τὴν ἡμέραν ἐκείνην τὸ παλαιὸν ἐκάλουν Φεβράτην. τοὔνομα δὲ τῆσ ἑορτῆσ ἑλληνιστὶ σημαίνει Λύκαια, καὶ δοκεῖ διὰ τοῦτο παμπάλαιοσ ἀπ’ Ἀρκάδων εἶναι τῶν περὶ Εὐάνδρον. ἀλλὰ τοῦτο μὲν κοινόν ἐστι·

δύναται γὰρ ἀπὸ τῆσ λυκαίνησ γεγονέναι τοὔνομα. καὶ γὰρ ἀρχομένουσ τῆσ περιδρομῆσ τοὺσ Λουπέρκουσ ὁρῶμεν ἐντεῦθεν, ὅπου τὸν Ῥωμύλον ἐκτεθῆναι λέγουσι. τὰ δὲ δρώμενα τὴν αἰτίαν ποιεῖ δυστόπαστον· σφάττουσι γὰρ αἶγασ, εἶτα μειρακίων δυοῖν ἀπὸ γένουσ προσαχθέντων αὐτοῖσ, οἱ μὲν ᾑμαγμένῃ μαχαίρᾳ τοῦ μετώπου θιγγάνουσιν, ἕτεροι δ’ ἀπομάττουσιν εὐθύσ, ἔριον βεβρεγμένον γάλακτι προσφέροντεσ· γελᾶν δὲ δεῖ τὰ μειράκια μετὰ τὴν ἀπόμαξιν.

ἐκ δὲ τούτου τὰ δέρματα τῶν αἰγῶν κατατεμόντεσ, διαθέουσιν ἐν περιζώσμασι γυμνοί, τοῖσ σκύτεσι τὸν ἐμποδὼν παίοντεσ. αἱ δ’ ἐν ἡλικίᾳ γυναῖκεσ οὐ φεύγουσι τὸ παίεσθαι, νομίζουσαι πρὸσ εὐτοκίαν καὶ κύησιν συνεργεῖν. ἴδιον δὲ τῆσ ἑορτῆσ τὸ καὶ κύνα θύειν τοὺσ Λουπέρκουσ. βούτασ δέ τισ, αἰτίασ μυθώδεισ ἐν ἐλεγείοισ περὶ τῶν Ῥωμαϊκῶν ἀναγράφων, φησὶ τοῦ Ἀμουλίου τοὺσ περὶ τὸν Ῥωμύλον κρατήσαντασ ἐλθεῖν δρόμῳ μετὰ χαρᾶσ ἐπὶ τὸν τόπον, ἐν ᾧ νηπίοισ οὖσιν αὐτοῖσ ἡ λύκαινα θηλὴν ὑπέσχε, καὶ μίμημα τοῦ τότε δρόμου τὴν ἑορτὴν ἄγεσθαι, καὶ τρέχειν τοὺσ ἀπὸ γένουσ τοὺσ ἐμποδίουσ τύπτοντασ, ὅπωσ τότε φάσγαν’ ἔχοντεσ ἐξ Ἄλβησ ἔθεον Ῥωμύλοσ ἠδὲ Ῥέμοσ.

καὶ τὸ μὲν ξίφοσ ᾑμαγμένον προσφέρεσθαι τῷ μετώπῳ τοῦ τότε φόνου καὶ κινδύνου σύμβολον, τὴν δὲ διὰ τοῦ γάλακτοσ ἀποκάθαρσιν ὑπόμνημα τῆσ τροφῆσ αὐτῶν εἶναι. Γάιοσ δὲ Ἀκίλιοσ ἱστορεῖ πρὸ τῆσ κτίσεωσ τὰ θρέμματα τῶν περὶ τὸν Ῥωμύλον ἀφανῆ γενέσθαι·

τοὺσ δὲ τῷ Φαύνῳ προσευξαμένουσ ἐκδραμεῖν γυμνοὺσ ἐπὶ τὴν ζήτησιν, ὅπωσ ὑπὸ τοῦ ἱδρῶτοσ μὴ ἐνοχλοῖντο· καὶ διὰ τοῦτο γυμνοὺσ περιτρέχειν τοὺσ Λουπέρκουσ. τὸν δὲ κύνα φαίη τισ ἄν, εἰ μὲν ἡ θυσία καθαρμόσ ἐστι, θύεσθαι καθαρσίῳ χρωμένων αὐτῷ· καὶ γὰρ Ἕλληνεσ ἔν τε τοῖσ καθαρσίοισ σκύλακασ ἐκφέρουσι καὶ πολλαχοῦ χρῶνται τοῖσ λεγομένοισ περισκυλακισμοῖσ·

εἰ δὲ τῇ λυκαίνῃ χαριστήρια ταῦτα καὶ τροφεῖα καὶ σωτήρια Ῥωμύλου τελοῦσιν, οὐκ ἀτόπωσ ὁ κύων σφάττεται· λύκοισ γάρ ἐστι πολέμιοσ· εἰ μὴ νὴ Δία κολάζεται τὸ ζῷον ὡσ παρενοχλοῦν τοὺσ Λουπέρκουσ ὅταν περιθέωσι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, chapter 21

(플루타르코스, chapter 21)

상위

목록

SEARCH

MENU NAVIGATION