헬라어 문장 검색 - Πλυταρ́Ρομυλυσ́19́

(플루타르코스, chapter 19)

ἐνταῦθα δ’ αὐτοὺσ ὥσπερ ἐξ ὑπαρχῆσ μάχεσθαι παρασκευαζομένουσ ἐπέσχε δεινὸν ἰδεῖν θέαμα καὶ λόγου κρείττων ὄψισ. αἱ γὰρ ἡρπασμέναι θυγατέρεσ τῶν Σαβίνων ὤφθησαν ἀλλαχόθεν ἄλλαι μετὰ βοῆσ καὶ ἀλαλαγμοῦ διὰ τῶν ὅπλων φερόμεναι καὶ τῶν νεκρῶν ὥσπερ ἐκ θεοῦ κάτοχοι, πρόσ τε τοὺσ ἄνδρασ αὑτῶν καὶ τοὺσ πατέρασ, αἱ μὲν παιδία κομίζουσαι νήπια πρὸσ ταῖσ ἀγκάλαισ, αἱ δὲ τὴν κόμην προϊσχόμεναι λελυμένην, πᾶσαι δ’ ἀνακαλούμεναι τοῖσ φιλτάτοισ ὀνόμασι ποτὲ μὲν τοὺσ Σαβίνουσ, ποτὲ δὲ τοὺσ Ῥωμαίουσ. ἐπεκλάσθησαν οὖν ἀμφότεροι, καὶ διέσχον αὐταῖσ ἐν μέσῳ καταστῆναι τῆσ παρατάξεωσ, καὶ κλαυθμὸσ ἅμα διὰ πάντων ἐχώρει, καὶ πολὺσ οἶκτοσ ἦν πρόσ τε τὴν ὄψιν καὶ τοὺσ λόγουσ ἔτι μᾶλλον, εἰσ ἱκεσίαν καὶ δέησιν ἐκ δικαιολογίασ καὶ παρρησίασ τελευτῶντασ.

" τί γάρ ἔφασαν ὑμᾶσ δεινὸν ἢ λυπηρὸν ἐργασάμεναι, τὰ μὲν ἤδη πεπόνθαμεν, τὰ δὲ πάσχομεν τῶν σχετλίων κακῶν;

ἡρπάσθημεν ὑπὸ τῶν νῦν ἐχόντων βίᾳ καὶ παρανόμωσ, ἁρπασθεῖσαι δ’ ἠμελήθημεν ὑπ’ ἀδελφῶν καὶ πατέρων καὶ οἰκείων χρόνον τοσοῦτον, ὅσοσ ἡμᾶσ πρὸσ τὰ ἔχθιστα κεράσασ ταῖσ μεγίσταισ ἀνάγκαισ πεποίηκε νῦν ὑπὲρ τῶν βιασαμένων καὶ παρανομησάντων δεδιέναι μαχομένων καὶ κλαίειν θνῃσκόντων. οὐ γὰρ ἤλθετε τιμωρήσοντεσ ἡμῖν παρθένοισ οὔσαισ ἐπὶ τοὺσ ἀδικοῦντασ, ἀλλὰ νῦν ἀνδρῶν ἀποσπᾶτε γαμετὰσ καὶ τέκνων μητέρασ, οἰκτροτέραν βοήθειαν ἐκείνησ τῆσ ἀμελείασ καὶ προδοσίασ βοηθοῦντεσ ἡμῖν ταῖσ ἀθλίαισ.

τοιαῦτα μὲν ἠγαπήθημεν ὑπὸ τούτων, τοιαῦτα δ’ ὑφ’ ὑμῶν ἐλεούμεθα. καὶ γὰρ εἰ δι’ ἄλλην αἰτίαν ἐμάχεσθε, παύσασθαι δι’ ἡμᾶσ πενθεροὺσ γεγονότασ καὶ πάππουσ καὶ οἰκείουσ ὄντασ ἐχρῆν. εἰ δ’ ὑπὲρ ἡμῶν ὁ πόλεμόσ ἐστι, κομίσασθε ἡμᾶσ μετὰ γαμβρῶν καὶ τέκνων, καὶ ἀπόδοτε ἡμῖν πατέρασ καὶ οἰκείουσ, μηδ’ ἀφέλησθε παῖδασ καὶ ἄνδρασ.

ἱκετεύομεν ὑμᾶσ μὴ πάλιν αἰχμάλωτοι γενέσθαι. " τοιαῦτα πολλὰ τῆσ Ἑρσιλίασ προαγορευούσησ καὶ τῶν ἄλλων δεομένων, ἐσπείσθησαν ἀνοχαί, καὶ συνῆλθον εἰσ λόγουσ οἱ ἡγεμόνεσ. αἱ δὲ γυναῖκεσ ἐν τούτῳ τοῖσ πατράσι καὶ τοῖσ ἀδελφοῖσ τοὺσ ἄνδρασ προσῆγον καὶ τά τέκνα, προσέφερόν τε τροφὴν καὶ ποτὸν τοῖσ δεομένοισ, καὶ τοὺσ τετρωμένουσ ἐθεράπευον οἴκαδε κομίζουσαι, καὶ παρεῖχον ὁρᾶν ἀρχούσασ μὲν αὑτὰσ τοῦ οἴκου, προσέχοντασ δὲ τοὺσ ἄνδρασ αὐταῖσ καὶ μετ’ εὐνοίασ τιμὴν ἅπασαν νέμοντασ.

ἐκ τούτου συντίθενται, τῶν μὲν γυναικῶν τὰσ βουλομένασ συνοικεῖν τοῖσ ἔχουσιν, ὥσπερ εἴρηται παντὸσ ἔργου καὶ πάσησ λατρείασ πλὴν ταλασίασ ἀφειμένασ, οἰκεῖν δὲ κοινῇ τὴν πόλιν Ῥωμαίουσ καὶ Σαβίνουσ, καὶ καλεῖσθαι μὲν Ῥώμην ἐπὶ Ῥωμύλῳ τὴν πόλιν, Κυρίτασ δὲ Ῥωμαίουσ ἅπαντασ ἐπὶ τῇ Τατίου πατρίδι, βασιλεύειν δὲ κοινῇ καὶ στρατηγεῖν ἀμφοτέρουσ.

ὅπου δὲ ταῦτα συνέθεντο, μέχρι νῦν Κομίτιον καλεῖται· κομῖρε γὰρ Ῥωμαῖοι τὸ συνελθεῖν καλοῦσι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, chapter 19

(플루타르코스, chapter 19)

상위

목록

SEARCH

MENU NAVIGATION